كورسات للمهتمين بمجال الطاقة الشمسية

0 116

من 40 سنة و تحديداً فى 1979 .. قرر الرئيس الامريكي “كارتر” انه يركب ألواح شمسية على البيت الابيض ، وكان الموضوع كنوع من الفضول مش أكتر !! وبعدها بسبع سنين أمر الرئيس ريغان ان الالواح تتشال ^_^ وكانت المشكلة ان  تكلفت الالواح مقابل الطاقة اللي بتنجها كانت كبيرة (40 دولار/ وات ) وده مكنش بيبشر انها ممكن تفيد على المستوى البعيد

لكن من ساعتها لغاية دلوقتي انخفضت تكاليف الطاقة الشمسية بنسبة لا تصدق 99٪ ، وبتستمر في الانخفاض حوالي 20٪ كل ما الانتاج بيتضاعف. ومع استمرار الانخفاض ده ، بيتوقع الخبراء ان الطاقة الشمسية على بعد 2020 هتكون أرخص من الوقود الحفري لإنتاج الطاقة.

ولكن تفضل المشكلة الكبيرة وهي ان الشمس مش بتشرق علطول ^_^، وتخزين الطاقة لازال مكلف ، لكن الخبر الكويس ان تكاليف التخزين دي هي كمان بتنخفض بسرعة .. وظهرت تقنيات جديدة لبطاريات التخزين هتدخل نطاق المنافسة خلال 5 سنين وده هيخلق مجال نشط للاستثمار و اللى هيدفع الأمور انها تتحرك بشكل أسرع ، وبالسرعة دي ممكن تكاليف انتاج الطاقة الشمسية تنخفض للنصف في عشر سنين وبنسبة 80% خلال 20 سنة

عشان كده فى حالة انك مهتم بمجال الطاقة الشمسية فدول كورسين تقدر تستفيد منهم :

كورس “Solar Energy”

الكورس بتقدمه جامعة دلفت الهولندية على منصة edX ، في الكورس هتتعلم تصميم نظم ضوئية كاملة ،و عن التكنولوجيا اللي بتحول الطاقة الشمسية للكهرباء والحرارة والوقود الشمسي مع التركيز الرئيسي على توليد الكهربا ، وهيعرضلك الأجهزة الكهروضوئية (PV) كأجهزة أشباه موصلات متقدمة بتوفر الكهرباء مباشرة من أشعة الشمس. و التركيز على فهم مبدأ عمل الخلايا الشمسية وكيفية تصنيعها ، وكمان الكورس بيستكشف مزايا وقيود والتحديات الللي بتقابل تكنولوجيا الخلايا الشمسية بأنواعها المختلفة ، وهيوريك ازاي تصمم نظام شمسي كامل لتطبيق معين ، والحلو ان اللي بيدي الكورس بروفسور اسمه ” أرنو سميتس” الرجل ده هو أول واحد حصل على جايزة إدكس للمساهمات الاستثنائية للتعليم عبر الإنترنت والتعلم. و جذبت دوراته السابقة على الانترنت أكثر من 150 ألف طالب في جميع أنحاء العالم، اللي كان مصدر إلهام علشان يخدوا خطواتهم الأولى في الانتقال إلى الطاقة المتجددة.

https://www.edx.org/course/solar-energy

كورس “Organic Solar Cells – Theory and Practice”

الكورس بتقدمه جامعة DTU الدنماركية منصة كورسيرا ، بيعرفك على الخلايا الشمسية ومكانتها كطاقة متجددة ، و ازاى تميز مابين تكنولوجبا الخلايا الشمسية المختلفة ، وتفرق مابين الاجيال التلاتة للخلايا الشمسية

https://www.coursera.org/learn/solar-cell

اترك رد

لن يتم نشر عنوان بريدك الإلكتروني.