الذكاء الرقمي “DQ ”نوع جديد من الذكاء يجب على اطفالنا تعلمه

0 981

في دراسة اتعملت في 2017 على 38 الف طفل تتراوح أعمارهم بين 8 و 12 سنة في 29 دولة مختلفة ، و كانت النتيجة أن أكتر من نصهم اتعرضوا لخطر واحد على الأقل لية علاقة بالإنترنت.

أخطار زي التسلط عبر الإنترنت وإدمان ألعاب الفيديو و الاستمالة عبر الإنترنت وسرقة الهوية الرقمية وسوء إدارة الخصوصية على الإنترنت والتعرض لعمليات التضليل الرقمية.

و الأكثر إثارة للقلق هو أن الشباب من البلدان الناشئة كانوا أكتر عرضة بنسبة 1.3 مرة من أقرانهم اللي بيعيشوا في البلاد المتقدمة ، و مصر كان نسبتها % 71 في تعرض اطفالها للاخطار دي

وده رابط الدراسة : https://www.dqinstitute.org/2018DQ_Impact_Report

ومن هنا كانت الحاجة لظهور جهة او مؤسسة تتولى توعية الحكومات والأباء والمدارس ازاي يحموا اطفالهم ويعلموهم ازاي يقدروا يتجنبوا المخاطر المحيطة بيهم في عالم التكنولوجيا والانترنت

فظهر معهد اسمه “DQ Institute” و هو عبارة عن تحالف ما بين القطاعات العامة والخاصة و الأكاديمية و المدنية برعاية سنغافورة واستراليا وهدفه تقديم التعليم الذكى الرقمي الجيد لكل طفل أو “DQ ”

يعني ايه “Digital intelligence “DQ ؟؟؟

الذكاء الرقمي أو “DQ” هو مجموعة من القدرات الاجتماعية والعاطفية والمعرفية اللي بتمكن الأفراد من مواجهة التحديات والتكيف مع متطلبات الحياة الرقمية. والقدرات دي بتنقسم ل 8 مناطق مترابطة:

الهوية الرقمية Digital identity: هو قدرتك انك تعمل هوية لنفسك على الانترنت وتعرف ازاي تديرها ، وازاي الهوية دي بتأثر عليك على المدى القصير والطويل

الاستخدام الرقمي Digital use : هي القدرة على استخدام الأجهزة الرقمية ووسائل السوشيال ميديا ،وازاي تقدر تسيطر وتوازن ما بين حياتك على الانترنت وحياتك بره الانترنت .

السلامة الرقميةDigital safety: وهي القدرة على إدارة المخاطر عبر الإنترنت (زي البلطجة الإلكترونية ، والاستمالة ، والتطرف) وكيفية التعامل مع المحتويات الضارة اللي ممكن الطفل يشوفها( زي العنف والفحش) ، وتجنب المخاطر دي والحد منها.

الأمان الرقميDigital security: وهو القدرة على اكتشاف التهديدات الإلكترونية (زي القرصنة والفيروسات والبرامج الضارة) ، وزاي تستخدم أدوات الأمان المناسبة لحماية البيانات.

الذكاء العاطفي الرقمي Digital emotional intelligence:: ازاي تكون متعاطف وتبني علاقات كويسة مع الآخرين عبر الإنترنت.

الاتصال الرقميDigital communication: القدرة على التواصل والتعاون مع الآخرين باستخدام التقنيات الرقمية ووسائل السوشيال ميديا وازاي تقدر تستخدم التقنيات دي .

معرفة القراءة والكتابة الرقمية Digital literacy : وهي القدرة على إيجاد وتقييم واستخدام وتبادل ومشاركة المحتويات اللي بتوفرها صفحات الويب .

الحقوق الرقمية Digital rights: القدرة على فهم الحقوق الشخصية والقانونية زي حقوق الخصوصية والملكية الفكرية وحرية التعبير والحماية من خطاب الكراهية.

وقبل كل حاجة لازم الذكاء الرقمي ده يكون مرتكز على القيم الإنسانية زي الاحترام والتعاطف والحكمة علشان يكون أطفالنا هم سادة التكنولوجيا بدل من أنهم يتقونها بس

ده الرابط الخاصة بالمؤسسة واللي هتلاقي عليه خطط وبرامج موضوع للاطفال والأباء والمدارس وهتلاقي عليه pdf بيعلمك ازاي انت كولي أمر يكون عندك DQ علشان تقدر تعلمه لاطفالك

https://www.dqinstitute.org

وده فيديو بيوضح شوية ايه الطريقة اللي بيتبعها المعهد لتعليم الأطفال الذكاء الرقمي :

اترك رد

لن يتم نشر عنوان بريدك الإلكتروني.