اتكلم إنجليزي زي الأجانب ببلاش !

0 847

“أنا بعرف أكتب إنجليزي كويس بس مشكلتي في مهارة التحدث”
“أنا حافظ كلمات كتير بس أما آجي أتكلم بحس إني مش عارف أقول كلمتين على بعض!”
“مش بعرف إزاي أتكلم بشكل رسمي Formal بالإنجليزي”

لو كنت حد من التلات شخصيات اللي فوق فنحب نقولك إن فيه ناس زيك كتير وإن المشاكل دي بيكون سببها قلة الممارسة والتحدث باللغة الإنجليزية
أغلبنا للأسف بنذاكر إنجليزي من الجانب النظري بس .. مع إن في جانب علمي ممتع ومهم جدًا مش بناخد بالنا منه! 🙁

والحل موجود عندنا وبالتحديد في المقال ده .. عشان كده أنصحك تسيب كل حاجة في إيدك وتركز في المقال لإني مش هكون ببالغ لو قولتلك إنه هيكون سبب في حل مشاكل كتير بتواجهها وهيغير حياتك للأفضل

معهد جورجيا للعلوم والتكنولوجيا  الامريكي حاسس بمعاناة ملايين الطلبة مع الإنجليزي وبيقدم الحل على شكل كورس مجاني على منصة Coursera الشهيرة للتعلم الذاتي والكورسات الأونلاين
وهو كورس Speak English Professionally: In Person, Online & On the Phone
“كيف تتحدث الإنجليزية بطلاقة: وجهًا لوجه، أونلاين وعلى الهاتف”

الكورس بيتكلم عن مجموعة نقاط محورية هتغير طريقة كلامك باللغة الإنجليزية وهي
إزاي تحسن طريقة النطق وتتكلم بطلاقة
زيادة حصيلتك اللغوية من الكلمات بالإنجليزي
إزاي الثقافة ليها دور في الكلام بالإنجليزي
بيشرح شوية عن لغة الجسد وأهميتها أثناء التحدث وإزاي تقدر تعبر عن نفسك وأنت بتتكلم 🙂
هيعرضلك مجموعة أسئلة وجمل ممكن تقولهم في مجموعة من المواقف والمحادثات المختلفة
هيكون في تطبيقات عملية وتدريبات علشان تحقق أكبر قدر ممكن من الاستفادة

 Speak English Professionally: In Person, Online & On the Phone
الكورس أونلاين يعني هتقدر تاخده في أي وقت ومن أي مكان
الكورس مجاني تمامًا
هيكون في امتحانات وتكليفات يعني هتطبق كل كلمة نظري هتذاكرها
مقدم من معهد شهير زي جورجيا للعلوم والتكنولوجيا
هتحصل على شهادة مجانية في نهاية الكورس
الكورس حاصل على تقييم عالي من قبل الآلاف من المتعلمين
مدة الفيديوهات لا تتعدى العشر دقائق
الشرح فيه بلغة إنجليزية بسيطة .. وهتقدر تسمع الشرح وتقرأه في نفس الوقت

مدة الكورس: 5 أسابيع .. ومحتاج مذاكرة ساعتين كل أسبوع فقط بتركيز 😀

طريقة التسجيل في الكورس:
لو عايز تحصل على محتوى الكورس من غير شهادة فده متاحلك مجاني من خلال إنك هتدوس على اللينك ده
https://www.coursera.org/learn/speak-english-professionally
وتدوس على Enroll وتختار no certificate

إنما لو عايز الشهادة هتعمل حاجة اسمها “دعم مالي Financial aid” من خلال Apply for Financial Aid وتجاوب على مجموعة أسئلة تخص بياناتك الشخصية، وأسباب احتياجك للدعم المالي للكورس ده، والأسباب اللي دفعتك لمذاكرته

الأجازة لسة في أولها ودي فرصتك علشان تحل عقدة التحدث باللغة الإنجليزية .. فـ متضيعش وقت أكتر من كدا .. وذاكر الكورس ده النهاردة قبل بكرة ^_^

اترك رد

لن يتم نشر عنوان بريدك الإلكتروني.