ليه وازاى تتعلم ألمانى ؟

0 746

ليه وازاى تتعلم ألمانى ؟

ببساطة لأن اللغة الألمانية هى اللغة الأم الأكتر شيوعا داخل الإتحاد الأوروبى وهى واحدة من أكتر 10لغات شيوعا فى العالم
طب أنت ليه تفكر فى ألمانيا كدراسة أو شغل أو سياحة من الأساس أو هى أهمية انك تتعلم الألمانى أصلا ؟

أولا ناس كتير بتتكلم ألمانى كلغة أم أكتر من أى لغة تانية فى أوروبا والسبب منطقى بما ان عدد سكان
ألمانيا 83مليون شخص وده أكبر عدد سكان دولة فى أوروبا كلها لكن مش بس سكان ألمانيا هم اللى
بيتكلموا ألمانيا كلغة أم لكن الألمانى هى اللغة الرسمية فى دول تانية كتير زى النمسا وسويسرا ولوكسمبرج
وليختنشتاين وتعتبر هى اللغة الأم لأجزاء أو مناطق فى دول تانية زى شمال إيطاليا وشرق بلجيكا وهولندا
والدنمارك وشرق فرنسا وأجزاء من بولندا والجمهورية التشيكية و روسيا و رومانيا وأجزاء تانية من أوروبا
فالألمانى هيوصلك لأكتر من 120مليون شخص بيتكلموها كلغة أم ده غير انها من أكتر اللغات اللى بيتعلمها الناس
كلغة أجنبية على مستوى العالم فى المركز التالت وفى أرووبا واليابان فى المركز التانى

ثانيا ألمانيا هى تالت أقوى إقتصاد فى العالم ولو فى فكرت سويسرا كدولة لغتها الأم هى الألمانى فهى
عندها مستوى معيشة من أعلى مستويات المعيشة فى العالم

ثالثا الألمانى هيخلقلك فرص عمل مهولة فدولة كبيرة زى اليابان تانى أقوى إقتصاد فى العالم فاهمة
مميزات تعلم الألمانية فى خلق فرص عمل عشان كدا %68من طلاب اليابان بيدرسوا الألمانى كلغة أجنبية
وحتى لو بتدور على شغل فى امريكا هتلاقى ان ألمانيا مسئولة عن حوالى 700ألف وظيفة فى الولايات
المتحدة الامريكية والشركات الأمريكية وفرت حوالى نفس الرقم فى ألمانيا بالتالى اللى بيقدم على شغل
بميزة انه متعلم ألمانى هيكون حظه أكبر فى القبول فى الشركات دي عن شخص تانى ميعرفش ألمانى
طب لو انت دلوقتى عايز تتعلم ألمانى تبدأ منين
كبداية الألمانى 6مستويات وكمبتدئ عندك شوية playlistsعلى اليوتيوب ممكن يساعدوك فـ أول مستوى
لو عايز تتعلم الألمانى من العربى ادخل هنا
https://www.youtube.com/playlist?list=PLUmD5wQ2FYzmvmZbKVQXbiKrLcXVPqCBP

https://www.youtube.com/playlist?list=PLI79ZbLrrQFUO7dN4yWhzfzud8orWxAg3

لو عايز تتعلم الألمانى من الإنجليزى ادخل هنا
https://www.youtube.com/playlist?list=PL5QyCnFPRx0GxaFjdAVkx7K9TfEklY4sg

لو خلصت أول مستوى فى أى لينك من اللى فاتوا دول ولسا عايز تكمل بقية الـ 6مستويات ممكن تدخل
جروب تعلم الألمانية مجانا على Facebookوهتلاقى ناس زيك بتتعلم ألمانى وممكن تستفيد من المصادر
اللى ممكن تكمل منها تعلم اللغة الالمانية
/https://www.facebook.com/groups/German4Free/permalink/848355865222649
ولو الألمانى كله دخل دماغك وبدأت تفكر فى شغل أو دراسة فى ألمانيا هتلاقى ناس كتير زيك ممكن
تساعدك من على جروب الدارسين فى ألمانيا من هنا
https://www.facebook.com/groups/311111149267612

اترك رد

لن يتم نشر عنوان بريدك الإلكتروني.