لو الانجليزي بتاعك تمام كتابةً و عندك وقت فاضي .. ممكن تستغله على فكرة و تشتغل من البيت شغل Freelance و تقبض بالدولار $$ ^_^
الموضوع كبير و اتكلمنا على 3 اجزاء قبل كده ” لية تبقي موظف متمرط لما ممكن تشتغل Freelancer ”
الجزء 1 : http://goo.gl/0GKDRw
الجزء 2 : http://goo.gl/dAnPQn
الجزء 3 : http://goo.gl/H8icgA
النهاردة هنتكلم بأستفاضة اكتر عن كل جزء اتشرح زي ما الشباب طلبوا و هنبدأ ب Odesk ..
أودسك ده موقع على الإنترنت الناس بتتشغل أونلاين من خلاله … لنفرض أن Client أو صاحب عمل عاوز يأسس موقع على الأنترنت .. ممكن يدخل على أودسك يكتب إعلان صغير عن طلباته فى الموقع و يكتب مثلاً هيدفع 200 دولار فقط و يحدد شروط المتقدمين .. تدخل حضرتكو تقدم Cover letter بنماذج لشغلك و خبراتك و يقدم اكتر من واحد .. ال Client يشوف من الأفضل و يقارن بينكم .. لو اتقبلت بتبدأ شغل معاه .. و بعد ما بتخلص شغل بيدفعلك ال 200 دولار .. الموقع Odesk بياخد 10% منهم .. يعنى 20 دولار .. و أنت بتاخد 180 دولار ..
طيب هتستلم فلوسك ازاى ؟!
فى أكتر من وسيلة منها Credit card بيجيلك على البيت مجاناً أو و عن طريق Paypal أو عن طريق حساب بنك فى مصر.
و للعلم فى مصريين كتير بيشتغلوا على الموقع و بيعملوا فلوس كويسة جداً ^_^ ..
الشغل فى حاجات كتير جداً مش لازم شغل فنى أو Technical يعنى ممكن أى حاجه Admin زى خدمة العملاء و شغل سكرتارية أو Data entry أو سياحة أو personal assistants أو شغل Finance و عمل مواقع و شغل Networkers .. و كتابة مقالات و ترجمة و صحافة … هتلاقى كل حاجه..
أدخل أعمــــــل Sign up :
http://odesk.com
الموقع سهل جداً فى التعامل بس خليك فاكر الشغل على الموقع محتاج صبر و محتاج تقدم فى إعلانات الشغل لغايه ما تلاقى فرصة كويسة
#share_فى_الخير متعرفش مين حياته ممكن تتغير بسببك ^_^
