من اكتر المشاكل اللي بيقابلها المهتمين بالتعلم اونلاين هو الاتصال بالانترنت ، وخصوصا لو انت زي بقيتنا وبتعاني مع الشركات المقدمة للخدمة عندنا في مصر واللي بيكون حلها لاي مشكلة بتقابلك في الاتصال ” رستر الراوتر ^_^ ”
علشان كده بيكون من الحل الامثل للمشكلة دي انك تنزل تطبيقات الموبايل الخاصة بمنصات الMOOCS
واللي بتديك امكانية تحميل فيديوهات الكورس اللي متابعه وبالتالي تدخل تشوفها في اي وقت ، فتسفيد من الاوقات اللي بتكون في الخدمة قوية “بالليل مثلا ” انك تحمل فيديوهات اللي عايزها وبعدين تشوفها في الاوقات اللي بيكون فيها الاتصال مش متوفر ، واللي بيفيدك كمان انك تستفيد بوقتك الضايع في المواصلات او طوابير الانتظار بانك تتعلم الحاجة اللي عايزها .
فتعالوا ناخد لفة كده على أهم تطبيقات في الموضوع ده :
- تطبيق “Coursera”
التطبيق بيمثل الموقع الاشهر في مجال MOOCS بيحتوي على كمية كبيرة من الكورسات في مختلف المجالات وخصوصا المجالات الهندسية والطبية وادارة الاعمال اللي بتقدمها أهم الجامعات الأمريكية واللي بتقدر تاخدها مجانا ولو محتاج الشهادة بتدفع مقابلها او تستفاد بخاصية المساعدات المالية
https://play.google.com/store/apps/details?id=org.coursera.android&hl=en
- تطبيق “EDX”
اكتر حاجة بتعجبني في EDX الكورسات اللي بتقدمها MIT واللي يتتميز بمحتواها التقيل علشان كده بتلاقى عدد الساعات في اي كورس منهم كبيرة ومش زي باقي الكورسات الاونلاين، ومع قوة الموقع والمنصة لكن التطبيق لسه مش بقوة تطبيق coursera
https://play.google.com/store/apps/details?id=org.edx.mobile&hl=en
- تطبيق “Udemy”
عايز تتعلم اي حاجة خاصة بدراستك شغلك , هواياتك او حتى الرياضة اللي بتحبها هتلاقيها هنا في شكل كورسات مدفوعة التمن او مجانية وبأي لغة انت عايزها ، وصدقني في شوية كورسات تستاهل تدفع تمنها “وكمان بتلعب على ضميرك شوية حطيت فلوس في كورس على الاقل خلصه ^_^ ”
- تطبيق “Udacity
عايز تتعلم برمجة أي ان كان اللغة يبقى خليك هنا ، كورسات Udacity اللي بيقدمها محاضرين من كبرى شركات التقنية زي جوجل ، فيس بوك وغيرها وبالتالي بتكون الخبرة العملية فيها كبيرة
https://play.google.com/store/apps/details?id=com.udacity.android&hl=en
- تطبيق “Khan Academy”
الحلو في أكاديمية خان انها مش مرتبطة بس بتقديم الكورسات للمراحل الجامعية او الخريجين لكنها بتقدم كورسات لمختلف المراحل الدراسية عايز تتعلم رياضة ، كيمياء , احياء … بأسلوب بسيط ومشجع ، وكمان انت لو ولي امر او مدرس ممكن تنزله لاطفالك اللي يقدروا يدرسوا عليه وتدخل تتابع تقدمهم
https://play.google.com/store/apps/details?id=org.khanacademy.android&hl=en
- تطبيق “رواق”
التطبيق بتقدمه منصة رواق احد اشهر المنصات العربية في التعليم اونلاين واللي بتكون حل للي لسه حاجز اللغة عامله مشكلة ^_^
https://play.google.com/store/apps/details?id=org.rwaq.mobile&hl=en
كل التطبيقات اللي فوق متوفرة على iTunes لأجهزة ابل
