احنا عايشين حالياً فى عصر أهم خصائصه السرعة ، و بالتالى أصبح من الممل انك تقعد تقرأ في مقال بيديك شوية احصائيات عن موضوع معين !! أو تقعد تسمع مندوب مبيعات بيشرحلك ليه المنتج بتاعه أحسن من أي منتج تاني ، علشان كده من عشر سنين تقريبا ظهر فن جديد على الساحة اسمه ” انفوجرافيك ” أو انفوجرافيكس Infographic ”
يعني ايه انفوجرافيك ؟
الانفوجرافيك او (البيانات التصويرية التفاعلية) هو فن بتحول فيه المعلومات و الاحصاءات المعقدة لصور ورسوم واضحة سهل انك تفهما وتستوعبها
بدأ امتى ؟
لو رجعنا لزمان هنلاقى الفن ده بداياته سنة 7500 قبل الميلاد لما كان الانسان بينقش الصور والرموز على جدران الكهوف علشان يحفظ التاريخ للاجيال الجاية ، لكنه مكنش بصورته الحالية الا على سنة 2005 وكان عدد الصور الانفوجرافيك ساعتها خمس صور بس وعلى 2011 قفز عدد الصور ووصل ل 2 مليون صورة
طيب ممكن استخدمه في ايه ؟
ده الحلو في الانفوجرافيك انك ممكن تستخدمه في اي مجال “تعليم ، هندسة ، احصاء …..مش فارقة “انت عندك فكرة أو معلومة أي ان كان مجالها وعايز توصلها في صورة ، وبسبب قوة الانفوجرافيك في توصيل المعلومة بصورة سهلة ومناسبة لمختلف الناس أي ان كان مستوى العمر و الثقافة بدأنا نشوف الشركات الكبيرة بتستخدم الفن ده علشان تروج لمنتجاتها وتوصل بيها للمستهلك بسرعة ، غير طبعا انه بقى أداة رئيسية في مختلف المواقع والتطبيقات
وبكده خلق نوع جديد من الوظايف للي شغالين في مجال الجرافيك ديزاين
طب لو عايز اعمل انفوجرافيك عن موضوع معين محتاج ايه ؟
- تحديد الفكرة اللي عايز تعرضها بصورة بسيطة وسهلة
- .تبدأ تجمع المعلومات والاحصائيات حول الفكرة دي من مصادر موثوقة زي مثلا مركز جوجل العالمي للبيانات Public Data
- البرامج اللي هتستخدمها ودي بتفرق اذا كنت هتعمل انفوجرافيك ثابت فتستخدم Photoshop أو Illustrator ، أو هتعمل انفوجرافيك متحرك فتستخدم برامج زي After effect
لو الموضوع عاجباك وعايز تتعلمه في كورس على كورسيرا اسمه ” Design and Make Infograpics ”
بدأ يوم 27 فبراير مقدم من جامعة ميتشتيغن هيستمر لمدة اربع اسابيع والحلو فيه انه (Project centered Course)
يعني معتمد على مشروع بتعمله بايدك وبالتالي الخبرة العملية فيه اكتر وهو بيشتغل ببرنامج Illustrator واللي يعتبر البرنامج الاقوى في المجال ده , لينك الكورس :
https://www.coursera.org/learn/infographic-design
وده pdf صغير كده في شوية نصايح ليك لو حابب تدخل المجال مقدماه مسابقة تجسيد :
https://mshmshvalley.com/pdf/infographic.pdf
وده موقع عربي كويس جدا عليه كمية كبيرة من الانفوجرافيكس باللغة العربية اللي ممكن تفيدك لو حتى كمعلومات عامة:
