تعرف انك لو خصصت نص ساعة يومياً من وقتك لمدة 3 اسابيع .. هتكون قادر تبرمج تطبيقات IOS ( للIphone و Ipad ) و كمان هتاخد شهادة معتمدة من جامعة Toronto الكندية بالكلام دة .. و الاهم انك مش هتدفع جنية ” #مجاناً ” .. ومش هتتحرك من مكانك كل اللى محتاجة .. انترنت .. و شوية عزيمة
– طيب لية تتعلم برمجة تطبيقات IOS ؟ و ياتري الموضوع سهل ؟
مفيش حاجة سهلة .. لكن الجميل ان لغة Swift “لغة البرمجة اللى هتتعلمها ” بسيطة و سهلة الفهم .. و كل حاجة محتاجة مجهود و عزيمة .. و اللى محتاجين منك تكون فاهم هتتعلم لية ؟ .. عشان كده لازم تبقي عارف ان ال Apps اللى هتبرمجها هتشتغل على اى iPhone, iPad, Apple Watch, Apple TV
انت مدرك حجم انتشار الاجهزة دي .. مدرك سعرها .. مدرك كم الفرص الممكنة ^_^ .. سواء شغل و freelancing ك developer .. او تحويل افكارك لواقع ( whatsapp كان مجرد فكرة .. uber فكرة .. )
نيجي للكلام الجد .. دة كورس ” Build Your Own iOS App” :
و اللى بتقدمة جامعة Toronto الكندية من خلال منصة Coursera .. الكورس هيبدأ يوم 19-12-2016 و هيستمر لمدة 3 اسابيع .. بمعدل 3 ساعات اسبوعياً
لسه باقي 5 ايام على الكورس .. و اصرينا نعلن عنه بدري عشان الكورس بال English و اللى ممكن يكون عقبة لكتير من مواطنين وادي المشمش !
عشان كده تقدروا تبدأو من النهاردة فى كورس ” Swift in Arabic” و اللى تقدروا تستفادوا منه #مجاناً على منصة Udemy .. بالعربي #ملكش_حجة .. : https://goo.gl/yxMyDK
الكورس هيديك فكرة مبدأية عن برمجة تطبيقات IOS ولغة Swift و هيسهل عليك جداً متابعة و استيعاب الكورس اللى بتقدمة جامعة Toronto
