إزاي تكتب إيميل رسمي بشكل احترافي؟

1 1٬770

كتير مننا لما بيبعت إيميل لشركة معينة أو لدكتور في الجامعة أو أي هيئة بيلاقي إنه مستقبلش رد منهم .. وممكن يتوقع أسباب كتير لكن مش هيخطر على باله السبب الرئيسي في رفض أي إيميل واللي هنتكلم عنه النهاردة بشيء من التفصيل .. 😀

 

تعرف إن طريقتك في كتابة الإيميل ممكن تخليك تتقبل في وظيفة أو تترفض!

ممكن الموضوع يبان ملهوش أهمية لناس كتير .. لكنه في الحقيقة بيدل على مدى احترافيتك و عدم كتابتك للإيميل بشكل احترافي ومميز بيدي انطباع للجهة اللي بتستقبله إنك مش شخص متمكن!

 

وعلشان يهمنا إن كل اللي بيتابعونا يكونوا أشخاص محترفين .. فـ قررنا نقدملكم كورس عن كيفية كتابة الإيميلات الرسمية بشكل احترافي ^_^

 

اسم الكورس: Write Professional Emails in English
موجود على منصة Coursera .. المتخصصة في تقديم كورسات أونلاين مجانية في مختلف المجالات من جامعات عالمية
مدة الكورس: 5 أسابيع .. ومطلوب منك مذاكرة وتطبيق حوالي 3 ساعات فقط أسبوعيًا يعني حتى لو عندك شغل أو دراسة مش هتتعطل
الكورس:
هيحسن قدراتك في الكتابة باللغة الإنجليزية
هيعرض ليك نماذج مختلفة لإيميلات رسمية
هتعرف إزاي تكتب subject وإيميل بشكل احترافي
هيصححلك الأخطاء اللشائعة في كتابة الإيميل زي علامات الترقيم وغيره
هتتعرف على الكلمات المفتاحية الأساسية اللي بتتكتب في الإيميلات المختلفة
هتعرف إيه علاقة الثقافة بكتابة الإيميل!!
المميز في كورس Write Professional Emails in English عن غيره
– مقدم من معهد جورجيا للتكنولوجيا Georgia Institute of Technology
– مجاني وهتحصل في نهايته على شهادة اتمام مجانية
– هيكون فيه شرح نظري وتطبيقات عملية على كتابة الإيميل
– مش محتاج وقت كبير للمذاكرة لإنك هتذاكره في أي وقت ومن أي مكان
– عبارة عن فيديوهات مدتها صغيرة والشرح سهل
– بيكون في امتحانات وتكليفات علشان يتأكدوا إنك فهمت الكورس
– هيزيد ثقتك بنفسك وأنت بتكتب أي إيميل مقدم لأي جهة رسمية
طريقة التسجيل في كورس Write Professional Emails in English:
لو عايز تحصل على محتوى الكورس من غير شهادة فده متاحلك مجاني من خلال إنك هتدوس على اللينك ده
https://www.coursera.org/learn/professional-emails-english
وتدوس على Enroll وتختار no certificate 

 إنما لو عايز الشهادة هتعمل حاجة اسمها “دعم مالي Financial aid” من خلال Apply for Financial Aid وتجاوب على مجموعة أسئلة تخص بياناتك الشخصية، وأسباب احتياجك للدعم المالي للكورس ده، والأسباب اللي دفعتك لمذاكرته 😀

 

 كتابة إيميل رسمي بشكل احترافي هو بوابة دخولك لأي وظيفة كويسة بمرتب محترم .. فـ مينفعش تهمل الجزئية دي علشان هتندم بعد كدا خلي بالك
والكورس ده فرصة كويسة جدًا وبداية هايلة للاستفادة منها والحصول على علم كما يجب أن يكون + شهادة هتشجعك تكمل رحلتك في التعلم الذاتي والكورسات الأونلاين للآخر
تعليق 1
  1. محمود يقول

    السلام عليكم
    مش عارف ازاي اختار بدون شهادة اة مجاني ممكن تساعدني

اترك رد

لن يتم نشر عنوان بريدك الإلكتروني.