واحدة من أهم الوظايف اللى الكل بيتكلم عنها الفترة دي والكل متوقع انها تفضل مكملة فى المستقبل
ومتربعة على عرش أكتر مهارة مطلوبة من الشركات حول العالم هى الـ Data Analytics اللى هى تحليل
البيانات و تحليل البيانات ده هو العلم اللى بيدرس البيانات الخام عشان يحولها لإستنتاجات مرسومة عن
المعلومات اللى حللها، وتحليل البيانات بيستخدم فى صناعات كتير كتيرة جداً والهدف منه هو انه يتيح
للشركات والمنظمات ياخدوا قرارات أفضل لمستقبل البيزنس بتاعهم.
والتحليل اللى بنتكلم عليه هنا بشكل محدد هو إكتشاف وفهم الأنماط الموجودة جوا البيانات اللى جمعناها،
وبالذات البيانات اللى لها قيمة بالنسبة للبيزنس، والتحليل بيعتمد على عدد كبير من عمليات الإحصاء اللى
بتحصل فى وقت واحد وبتحاول الكمبيوترات والبرمجة انها تحدد عن طريقها الأداء العام للشركة.
طب ايه هو الدور اللى بيلعبه تحليل البيانات؟
تحليل البيانات بيترجم الأرقام العادية للغة البشر المفهومة عشان نقدر نحدد منها الخطوة الجاية فى طريق
البيزنس المفروض تكون ايه، وكل الصناعات تقريباً بتعمل كدا والأرقام اللى بيجموعها هنا ممكن تكون ارقام
مبيعات او دراسة للسوق او تكلفة النقل او غيرها.
طب ايه اللى يخلينى ادخل المجال ده:
1- مفيش ملل وروتين
الأدوات اللى بتستخدم فى التعامل مع الكميات الكبيرة من البيانات ديه وانك تعملهم تحليل بتتطور بسرعة
رهيبة جداً أسرع من اى مجال تكنولوجى تانى النهارده، ومع أداوت أفضل هنقدر نفهم أحسن ازاى المفروض
نعمل التحليل وازاى نستخدم نتايج المعلومات ديه وكل ده بيتطور بسرعة رهيبة.
2-هتشبع فضولك
ممكن تكون قاعد فى المطار وبتبص على الطيارات وهى بتروح وتيجى وتقف فى مكانها وتاخد مسافرين
وترجعهم تانى وتسأل نفسك أى سؤال! ، وأياً كان السؤال اللى ممكن تسأله لنفسك فبنسبة كبيرة جداً تحليل
البيانات هيكون عنده اجابة للسؤال ده
3-بتطبق فى أكتر من مجال
لو انت شغال فى مطار وبتطبق علم تحليل البيانات ده على التذاكر والمواعيد والحجوز وغيرها فمش
بالضرورة هيكون كل شغلك فى الجزء ده بس لكن هتلاقى نفسك بتشتغل على تحليل بيانات الحاجات اللى
بتأثر على السفر زى تحويل العملات وحالة الطقس وغيرها
كل ده وبتلاقى نفسك كمان بيتم تقديرك بمرتب كويس جداً ده كله غير ان فى فرص الشغل كمستقل موجود
كتير أونلاين تقدر تستفيد منه وانت قاعد فى البيت
طب لو عايز انك تبدأ تاخد خطوة كويسة فى المجال هتعمل ايه؟
موجود على Courseraاتنين من اهم الكورسات فى الموضوع ده
https://www.coursera.org/specializations/data-analytics-business
https://www.coursera.org/specializations/data-analysis
تقدر تستفيد من الكورسات مجاناً و تاخد شهادة عن طريق الـ Financial Aid اللي بتقدمها منصة كورسيرا
