5 كتب يجب ان تضيفها لقائمتك فى 2019

0 917

عندما تصبح المكتبة في البيت ضرورة كالطاولة والسرير والكرسي والمطبخ.. عندئذ يمكن القول بأننا أصبحنا قوماً متحضرين 

لو نفسك في كتاب حلو تقرأه يكون اسلوبه سهل وممتع في نفس الوقت و مفيد فـ دي خمس كتب في مجالات مختلفة بتعتمد على الاسلوب القصصي لتوصيل الفكرة وبالتالي حتى لو مش من هواة القراية أوي .. الكتب دي هتجذبك تكملها

“What If ? “

كتاب “ماذا لو ” اللي احتل المراكز الأولى في أفضل الكتب مبيعا في 2014 و 2015 ، الكتاب من تأليف “راندال مونروي” مهندس الروباتات والفيزيائي السابق في وكالة ناسا وصاحب موقع الكوميكس الشهير XKcd. ، في الكتاب بيحاول راندل الإجابة العقلانية على أكثر بعض الأسئلة غرابة وغموض زي : ايه اللي يحصل لو ذهب القمر بعيدا ؟ من ارتفاع قد ايه ممكن ترمي قطعة لحمة علشان توصل للارض مطبوخة ؟ اية اللى هيخصل لو  فتحت بالوعة في أعمق منطقة في المحيط ؟ مع غرابة أسئلته الا انه أجرى أبحاث وحسابات ومحاكات للسيناريوهات في مختبرات جامعات كبيرة زي MIT .

ولو قولت عليه مجنون خليك فاكر ان نظرية الجاذبية جت لما نيوتن فكر ليه التفاحة وقعت لتحت مش لفوق ^_^

وده فيديو لراندل على TED بيكلم عن “الرسوم الهزلية التي تطرح سؤال “ماذا لو؟”

“The power of habit”

كتاب “قوة العادة” للصحفي الأمريكي لتشارلز هوديج من أكثر الكتب مبيعا في أمريكا عام 2012 ، في الكتاب بيشرح دراسة بتقولك ” حوالى 40% من الأعمال التى نقوم بها يومياً هى عادات وعلشان كده احنا بنمضى تقريباً نصف حياتنا كآلات ذاتية بتكرر ما تقوم به “و بيوضح الجانب المدهش من الاكتشافات العلمية التي تشرح سبب وجود العادات، وازاي نقدر نغيرها وتأثير ده على مستوى الفرد والمؤسسات .

“who moved my cheese?”

في كتاب “من حرك قطعة الجبن الخاصة بي ” بيتكلم سبنسر جونسون عن التغيير وأهميته بأسلوب القصص بعيد شوية عن كتب التمية الذاتية اللي متعودين عليها ، من خلال قصة عن فأرين وقزمين يبحثوا في المتاهة عن الجبن، بحيث ترمز المتاهة إلى حياتنا أو بيئتنا والجبن بيرمز للي عايزين نحققه كالسعادة أو المال أو الوظيفة

“The Richest Man in Babylon”

كتاب” أغني رجل في بابل ” من كتب جورج كلاسون الأكثر مبيعًا ، الكتاب بيحكيلك قصة أركاد اللي بيقدم أسرار الثراء بأسلوب مشوق ، أغني رجل في بابل هيعلمك ازاي تعيش تحت وسائلك الخاصة, وتستثمر في نفسك..

“عشرة أمور تمنيت لو عرفتها قبل دخولي الجامعة “

بيحاول دكتور “ياسر عبد الكريم بكار” في الكتاب انه يديك شوية نصايح في كافه جوانب الحياة الجامعية سواء علميا ، أكاديميا، روحانيا، اجتماعيا، وحتى على الجانب العاطفي؛ وكمان بيوضح الصعاب والمشاكل الحياتية الجامعية اللي ممكن تقابلها كطالب جامعي ، وبيقول فيه نصيحة حلوة (“أعقد العزم من اليوم أن يكون هدفك خلال سنوات الجامعة هو بناء عقلك وشخصيتك ومهاراتك وليس علمك فقط “)

اترك رد

لن يتم نشر عنوان بريدك الإلكتروني.