فطيرة التوت البري – The Raspberry Pi

فطيرة التوت البري ؟! …من اسمها كده شكلها حلوة ^_^
بس قبل ما دماغك تروح بعيد وتفكر تنده للست الوالدة علشان تكتب الوصفة ^_^ تعال نفهم الموضوع الأول
في سنة 2006 شوية أساتذة علوم الحاسب في جامعة كامبريدج قعدوا مع بعض يتناقشوا في ان الطلبة الجاين جداد في الجامعة مستواهم مش أوي والسبب ان معظم شغلهم برمجة بس ومافيش عندهم خبرة في التعامل مع مكونات الحاسب والقطع الالكترونية على عكس الأجيال السابقة واللي كانت خبرتهم كويسة ولان على أيامهم ماكنش حد بيروح كليات علوم الحاسب الا مهووسين الالكترونيات ^_^
ومن هنا بدأ يفكر بروفيسير اسمه (Eben Upton ) انه يعمل حاجة تجمع مابين المكونات الألكترونية والعلوم البرمجية
علشان تساعد الطلبة في التعليم ، وكان الحل انه يعمل حاسوب كده صغنن سهل ان الواحد يلعب ويطور فيه بس في نفس
الوقت يكون رخيص بحيث يبقى متوفر للكل ويسهل عملية التعليم للطلبة . وبعد مجموعة من المحاولات والنماذج قدر هو وفريقه سنة 2012 انه يخرج لوحة “راسبيري باي “Raspberry Piللنور، والمؤسسة اللي قامت على صناعة اللوحة قدرت
خلال سنة بس من 2012 الى 2013 انها تبيع ” 6مليون قطعة” !!!
لوحة “راسبري باي” دي بقى عبارة عن ايه؟ هي لوحة عليها شريحة الكترونية بتمثل حاسب آلي متكامل بمكوناته المعتادة
من (CPU/GPU/RAM) و مداخل ومخارج زي (/USBصوت/الشبكة/كاميرا/شاشة /منافذ للتحكم ممكن تحط عليها مكونات
الكترونية زي / sensorsمدخل الطاقة) بجانب slotممكن تضيف فيه كارت ميموري من (4جيجا ل32جيجا) وبتستخدم نظام تشغيل اسمه ” Raspbian ” وهو مبني على نظام لينكس ديبيان “Linux Debian”
ده كله بقى موجودة في لوحة أبعادها ( 8.6cm x5.4cm ) وبتحتاج طاقة تقريبا 2وات وسعرعلى حسب النوع اذا كانت AأوB “$ 25او$ “35 ودي أكتر حاجة خلت الراسبري باي تتشهر هو ان سعرها اللي خلى حتى طلبة المدارس يشتروها ويعملوا عليها مشاريعهم (طبعا العيال دي بالنسبة لهم $ 25ممكن مصروف أسبوع أما احنا …يالابلاش نقلب المواجع ^_^)
ليه بقى بقولك الكلام ده كله ؟ لأن احنا عندنا نقس المشكلة اللي كانت عند طلبة الكلية دول ؛ وهي ان كل شغلنا (software)
وكل مشاريعنا شغل على ورق ، فكر لو نفسك تعمل روبوت كده محندق أو طيارة لعبة أو حتى حساس للحرارة الراسبري باي
هتكون النواة بتاعتك انك تعمل ده كله وأكتر بجانب طبعا الخبرة العملية اللي هتاخدها في “الالكترونيات / نظام اللينكس/ لغة
برمجة البايثون” . الموضوع دخل دماغك ^_^
“The Raspberry Pi Platform and Python Programming for the Raspberry Pi” يبقى خليك في الكورس ده
المقدم من جامعة كاليفورنيا واللي هو جزء من تخصص (IOT ) واللي كلمنا عنه في المقال ده :

https://mshmshvalley.com/%D8%A7%D9%84%D8%AB%D9%88%D8%B1%D8%A9-%D8%A7%D9%84%D8%B5%D9%86%D8%A7%D8%B9%D9%8A%D8%A9-%D8%A7%D9%84%D8%B1%D8%A7%D8%A8%D8%B9%D8%A9-%D8%A7%D9%86%D8%AA%D8%B1%D9%86%D8%AA-%D8%A7%D9%84%D8%A3%D8%B4%D9%8A/

 

الكورس بدأ يوم ي 16 يناير مدته أربع أسابيع هيكلمك الأول عن الراسبري باي ومكوناتها وخصائصها وبعدين نظام التشغيل
بتاعها و في الأسبوع التالت هيدخل معاك على البايثون وفي اخر اسبوع هيوريك المكونات الخارجية اللي ممكن توصلها على bins وازاي تتحكم فيها عن طريق بعض libraries بتاعت البايثون .
الكورس أسلوبه بسيط وبيبدأ معاك من الأول والمحتوى خفيف لانه بيفترض ان مافيش عندك خلفية عن المواضيع دي كلها

لينك الكورس :

https://www.coursera.org/learn/raspberry-pi-platform
ولكن هيقابلك مشكلة في الاسبوع التاني لو عايز تتطبق معاه بس ما فيش معاك لوحة الراسبري باي يبقى ساعتها ادخل نزل
برنامج المحاكاة ده واشتغل عليه لغاية ما ربنا يفرجها ونشتري اللوحة ^_^ :
/https://sourceforge.net/projects/rpiqemuwindows
وممكن تستخدم الكتاب ده “راسبري باي ببساطة” مفيد جدا معلوماته كتير وشرح كل حاجة بالتفصيل غير طبعا الاهم “انه
بالعربي” يعني #ملكش_حجة ^_^

لينك الكتاب :

https://www.dropbox.com/s/jd9v3z8yhxvmjls/Simply%20Raspberry%20Pi.zip?dl=0

ملحوظة :
– طلبة هندسة اللي بنشتكي ان كل دراستنا نظري وجود لوحة زي دي معاك هتساعدك كتير في الربط مابين عالم
الالكترونيات وعالم البرمجة بجانب انها هتعودك على استخدام اقوى انظمة التشغيل “اللينكس”
اللي اتكلمنا عليه قبل كده هنا :
/https://mshmshvalley.com/%D9%84%D8%BA%D8%A9-scratch

ومنها هتديله فرصة الابتكار والاختراع عن طريق انه يشتغل بايده وممكن يعمل روبوت يا عم وتتباهى بيه ..
بما ان للأسف أنظمة تعليمنا ضايعة خلينا احنا نحاول نعمل تعليم موازي ^_^