ليه لازم تقرأ ؟ 9 أسباب كفيلة بأقناعك

0 624

بدون مبالغة .. القراءة هي غذاء العقل و الروح .. و ال 9 اسباب التالية كفيلة تجاوبك على سؤال : ” لية لازم تقرأ ”

1- تحفيز المخ : الدراسات أظهرت انك لما بتحفز مخك باستمرار وتشغله ، ده بيبطأ أو حتى يمنع الأمراض اللي ممكن تصيبه بتقدم العمر ، والمخ على الرغم من انه عضو في جسمك الا انه عامل زي العضلات ، عليك انك تمرنه علشان تحافظ على صحته وقوته .

2- اكتساب المعرفة : أي حاجة بتقرأها بتملى دماغك بمعلومات جديدة ، وممكن تلاقيك محتاجها في أي وقت، وبما ان مخك عنده قدرة غير محدودة لتخزين واستخدام المعرفة اللي بتكتسبها على مدار حياتك ،فاستخدم مخك ^_^

3- توسيع حصيلة مفرادتك اللغوية : كل ما بتقرأ اكتر كل ما عدد كبير من الكلمات بيدخل في محادثاتك اليومية وكل لما بتبقى متحدث جيد ومناقش متمكن وتزيد ثقتك بنفسك ، وطبعا لو هتقرا بلغة تانية بجانب لغتك الأم يبقى كده ضربت عصفورين بحجر “عرفت حاجة جديدة واتعلمت لغة جديدة ^_^”

4- تقوية مهاراتك الكتابية : بقراية الأنماط المختلفة من الكتابة هتلاقيك بتتاثر بالصحفيين والشعراء والكتاب وكل ده هيأثر على أسلوب كتابتك ، فلو نفسك تبدأ في عالم الكتابة نصحتي ليك عن تجربة شخصية “أقرا كتير ^_^ ”

5- تقوية مهاراتك النقدية والتحليلية : كم مرة قريت قصة لغز غامض ولقيت نفسك بتحل اللغز قبل ما توصل لنهاية القصة ، لو عملت كده يبقى انت شغلت مهاراتك في التفكير النقدي عن طريقة ملاحظتك للتفاصيل وترتيبها علشان توصل للنتيجة وحل اللغز ، وممكن تلاقيك بتشرح رأيك ده بوضوح لصحابك وازاي عبقريتك دلتك على الحل قبل ماتعرفه من المؤلف ^_^ ، وفي حياتك اليومية هتلاقي المشاكل بتقابلك اللي بتحليلك لأسبابها وتفاصيلها هيوصلك لحلها باستخدامك للمهارات اللي اتدربت عليها كتير وانت بتقرأ الكتب من غير ما تاخد بالك

6- تحسين الذاكرة : كل ما تقرأ كتاب هتلاقيك بتعرف تفاصيل كتير بتحاول تربطها في دماغك وتحطها في ذاكرتك ، وكل ذاكرة جديدة بتتكون بتعمل تشابك جديد ما بين خلاياك العصبية غير انها بتقوي التشابكات الموجودة من قبل كده

7- تقوية التركيز : لو انت راقبت نفسك على مدار خمس دقايق ممكن تلاقيك قاعد تذاكر وفي شات مع صاحبك وبتشوف الليكات اللي جتلك على الفيس وبتلعب على الموبايل ، النوع ده من السلوك عايشينه كلنا وده للأسف هو اللي بيسبب ارتفاع مستويات التوتر وتقليل الانتاجية . أما أثناء قراية الكتاب وخصوصا لو شد انتباهك هتلاقي بتركز اوي فيه وكل وسائل التشتيت دي بتقل من حواليك ، حاول تقرا قبل ماتروح الشغل او الكلية لمدة ربع ساعة وهتكتشف قد التركيز بتاعك زاد بمجرد وصولك لهناك ^_^

8- تقليل الضغط : مهما كان الضغط في حياتك الخاصة او المهنية ، قراية قصة جيدة هتلاقيها بتبعد تفكيرك عن مود الكآبة ده ^_^، بجانب تشتيت مخك عن المشاكل في اللحظة الحالية هتلاقي القراية بتساعدك على الاسترخاء وتقليل أي توتر وخاصة لو موضوع مهتم بيه شخصيا “بس طبعا اخبار البلد مش داخلة في حيز القراية ده ^_^”

9- عادة الناجحين : شوف قصة أي شاخص ناجح من المشهورين أو حتى من معارفك ، ولازم هتلاقي القراية جزء مهم من روتين حياته ،ودي أمثلة( بيل جتس : 50 كتاب في السنة ، مارك زوكربيرغ : كتاب كل أسبوعين ، الون ماسك :ممكن يقرأ كتابين في اليوم في مجالات مختلفة^_^ ، أوبرا وينفري : بتناقش في ناديها للكتاب كتاب كل شهر )

اترك رد

لن يتم نشر عنوان بريدك الإلكتروني.