خلاصة الخلاصة الـ Scientific Papers

1 3٬983

بص يا سيدي، فيه 3 انواع من الناس، ناس بتفكس للمذاكرة أصلًا، وناس بتفحت نفسها ع الفاضي، وناس برنسات بتجيب المعلومة من تحت الأرض، وبأقل مجهود. نركز بقى ع النوع التالت ده

فلو انت طالب او متخرج وعايز تذاكر حاجة معينة في تخصصك، عندك طريق من تلاتة:
1. يا اما تفكس وتريّح دماغك
2. يا اما تغرق في الـReferences لحد ما تجيب آخرها.
3. يا اما تاخد خلاصة الخلاصة وتنطلق منها.

الخلاصة دي بقى يا سيدي هي الـScientific Papers اللي بتتنشر في الدوريات العلمية المهتمة بتخصصك.

طب ازاي اقدر ازاي اقدر اوصلها الـPapers دي؟
– بص يا سيدي، دلوقتي شركة Google عاملين محرك بحث مخصوص للموضوع ده، اسمه Google Scholar، بتكتب فيه اسم الموضوع اللي انت محتاجه وهو بيطلعلك كل الـPapers اللي اتنشرت في الموضوع ده.

http://scholar.google.com.eg/

طب ازاي اقدر اختار الـPaper المناسبة؟
– جوجل هيطلعلك نتائج كتير جدًا من كل السنين، أول حاجة تعملها انك تحاول تفتح الـPapers اللي اتنشرت في اخر 3 سنين مثلًا عشان تعرف آخر حاجة الناس وصلتلها، ولما تدوس على لينك أي Paper هتلاقي فيه Abstract مكتوب بيلخص محتوى الـPaper دي، وده اللي على أساسه هتقرر هي مناسبة للي انت محتاجه ولا لأ.

المشكلة ان الـPapers بتبقى غالبًا متخصصة أوي، يعني لو بتدور في موضوع معين هتلاقي كذا Paper في كل نقطة تفصيلية جوة الموضوع ده، طب والحل؟
– الحل انك تدور في الـReviews، ودي بتبقي Papers بردو بس اوسع شوية، بتلخصلك كدة ايه هي اخر حاجة وصلها الناس في المجال ده، وتقدر تنطلق من خلالها للـPapers بقى وتشوف التفصيل.
ده غير طبعًا انك عندك بردو الحل العظيم بتاع انك تجيب رسائل ماجيستير ودكتوراه.

طيب دلوقتي المواقع اللي عليها الـPapers دي غالبًا بتبقى بأكونت، والأكونت بفلوس، أعمل ايه؟
– تاخد اسم الـPaper اللي انت عايزها وتحطها علي موقع Sci-Hub، هيجيبهالك من تحت طقاطيق النت ببلاش #‏ملكش_حجة‬

http://sci-hub.org/

بما انه اتقفل فانتم استخدموا السايت ده بداله http://sci-hub.io/ هايوفرلكم الورقة البحثية اللى تحتاجوها بس بال doi number بتاعها..

#share_فى_الخير متعرفش مين حياته ممكن تتغيير بسببك ^_^

وادي المشمش | معاً نصنع المُستقبل

تعليق 1
  1. dr tarek يقول

    علي فكرة الموقع ده http://sci-hub.org/ مش بيجيب كل حاجة عن تجربة و ده زيه برده http://libgen.org/scimag/
    لكن في قواعد بيانات مفتوحة و في حاجات باكونت مخصوص بيجيبوا منها الpapers زي كذا جروب ع الفيس هل في حل او طريقة تخلينا نجيب الرسائل زي ما بيجيبوها

رد على dr tarek
إلغاء الرد

لن يتم نشر عنوان بريدك الإلكتروني.