ثورة الذكاء الاصطناعي

0 85

“إذا لم تستطع هزيمتهم انضم إليهم”

ايه الحكاية هزيمة اية ومين دول؟ بص يا عم الناس عمنا كيفن ورويك دا بروفيسور في جامعة واشنطن وراجل فاهم في ال AIقال الجملة دي تعقيباً على الطفرة الضخمة اللي عاملها الذكاء الاصطناعي والجملة دي تحديدا كانت لما سألوه هل الآليين ممكن ينتصروا علينا ؟؟ فهو رد إنه آه وارد جدا ينتصروا علينا لأننا بنمدهم بمستوى ذكاء يكاد يفوق الذكاء البشري ولو مش مستوى ذكاء يفوق البشر هيفوق البشر لإن الآلة بتطور من نفسها.

ممكن تشوف إن بروف كيفن بيبالغ أو الموضوع مش مستاهل كل دا، خليني بقى أقولك أبرز تطبيقات الذكاء الاصطناعي اللي خلت دكتور كيفن يقول كده واحكم أنت بعدها:

الموقع اللي عمل طفرة من فترة اللي كان بيعمل نسخة رقمية منك عن طريق إنه يراقب حساب الفيسبوك بتاعك، يعني بقى عندك توأم رقمي ردود أفعاله زيك بالضبط بيشير نوعية بوستس أنت بتحبها بيكلم أصحابه بطريقتك وبكده لما تموت أصحابك وحبايبك مش هيفتقدوك !

 

كمان مش عايز أصدمك وأقولك إن في دكتور ياباني اسمه هيروشي إيجيكورو عمل توأم رقمي لنفسه يعني مش مجرد نسخة سوفتوير لأ دي نسخة معاه في بيته تساعده في بعض المهمات 😀
دكتور هيروشي بيقول إنه مع الوقت مستوى ذكاء توأمه بيزيد وممكن مع الوقت ينافسه وممكن كمان يعمل حاجات محدش يتخيلها ينتحل شخصيته مثلاً  .. شفت بقى إن بروف كيفن عنده حق في مخاوفه دا كمان كان بيقول زي ما قلتلك إننا ننضم ليهم ودا عن طريق إننا نكون نصف آليين وله مثل طريف أوي بيقولك اشمعنا ريموت التليفزيون عنده القدرة إنه يجيب القناة االلي أنا عايزاها ليه مكونش زيه.
يا ترى ممكن يجي اليوم اللي نلاقي فيه العالم كله مدار بواسطة الذكاء الاصطناعي وكل واحد فينا مركب ميكروشيب صغيرة مخلياه يتحكم في كل حاجة؟ هل ممكن دا يحصل؟ هل ممكن نحرك الأجهزة عن طريق إشارات المخ محدش يعرف المستقبل ممكن يفاجئنا بإيه بس أكيد هنتفاجئ بحاجة أكثر تقد ًما وهيمنة ربما على البشر ذات نفسهم.

اترك رد

لن يتم نشر عنوان بريدك الإلكتروني.