معاً نصنع المُستقبل

أزاى تضيف الكورسات اللى درستها Online لل CV ؟

0 690

أزاى تضيف الكورسات اللى درستها Online لل CV ؟
فى حالة انك منتظر أجابة على السؤال دة ^_^ فـ مظنش ان فى داعي لـ مقدمة طويلة عن ال MOOCS و الكورسات ال Online بشكل عام و أهميتها و التسهيلات و كمية الفرص اللى خلقتها .. لانك أكيد مُدرك دة ^_^
و خلينا نتكلم عن اللى وصلنا لية بعد surveys و أسئلة كتير ل مسئولين توظيف فى اكتر من شركة .. و شباب اضافوا الكورسات اللى درسوها Online لل CV اثناء التقديم على شغل .. او منح دراسية

و كانت الأجابة بنسبة 90% تقريباً انك لازم تضيف الكورسات دي لل CV .. لكن انقسموا لـ رأيين :

– الأول : شايف ان ذكرك للكورسات دي بيضيف لقيمتك و درجتك العلمية و التعليمية .. و ان لو نتيجة ال Interview و الامتحانات ال Technical أكدت الكلام اللى انت كاتبة فى ال CV ف دة هيزود فرصك بشكل كبير جداً

– اما الرأي التاني : على الرغم من انه بيؤيد انك تضيف الكورسات دي لل CV .. الا انه شايف انها مش هتضيف ليك قيمة علمية او تعليمية مباشرة .. و لكن هتدي انطباع كويس للشركة انك حد مجتهد و بيطور من نفسه .. و قابل للتعلم
و انه هيضيفلك قيمة بس فى حالة ان الشركة طالبين حد Self Educated

نرجع للأجابة بالتفصيل عن :

أزاى تضيف الكورسات اللى درستها Online لل CV ؟

1- فى حالة انك درست كورس أكاديمي ( من جامعة .. و بيشرحة أستاذ مساعد او باحث ) على منصة زي Coursera او edx
فتحط ال Education هتضيف Sub-heading فرعي (Online Learning) أو (Open Education)
و تضيف تحتية أسم الكورس | أسم الجامعة اللى اخدت منها الكورس
و يفضل .. تضيف وصف مختصر ( سطر واحد او أقل ) لمدة الكورس .. و ممكن اسم المحاضر .. او القيمة و الأضافة اللى طلعت بيها من الكورس
2- لو كورس غير أكاديمي .. بيشرحة خبير او حد مشهور فى موضوع ما .. زي كورسات Udemy و Lynda و ..
فتحت (Online Learning) أو (Open Education) بردو هتضيف :
أسم الكورس + delivered by و تضيف اسم ال Instructor
هنا الوصف المختصر اساسي .. و الهدف منه انك تشرحلهم ليه المحاضر دة تحديداً و اية القيمة و الأضافة اللى طلعت بيها من الكورس

تعليقات
Loading...