كورسيرا “Coursera”واحدة من أشهر منصات “ MOOCs ” اللي بتوفر مجموعة ضخمة من الكورسات بتقدمها 150 جامعة من 29 دولة .. زي جامعات ستانفورد وبكين وبنسلفانيا وميتشيغن وبرينستون وغيرها ، بجانب ان كورسيرا بدأت في التعاون مع شركات بتوفر برضه كورسات على المنصة زي جوجل و IBM
ومع كمية الكورسات الكبيرة اللي بتوفرها المنصة الا ان كتير مننا بتقابله مشكلة في التسجيل في كورسات كورسيرا
وخاصة ان واجهة المستخدم بتاعتها متصممة علشان تدفع المتعلمين للكورسات اللي باشتراك مالي ، فاي واحد بيتعامل مع
كورسيرا للمرة الاولى هيلاقى نفسه تايه مش عارف ايه الكورسات المجانية على المنصة وازاي يشترك فيها ، فخلونا نحاول نحل لكم
المشكلة بمجموعة من الخطوات والصور اللي هتعلمك ازاي تشترك في الكورس اللي انت عايزه مجانا ^_^
الغالبية العظمى من الكورسات على كورسيرا تقدرها تاخدها مجانا لكن من غير الشهادة بتاعتها ، ولو كتبت في مربع البحث بتاع
المنصة جملة ” free courses ” هيظهرلك الكورسات دي بس هتلاقي في ملاحظة في اول نتايج البحث مكتوب فيها الاتي :
•الاطلاع مجانا على محاضرات الكورسات والماتريال بتاعتها الي مافيش عليها درجات
•الاسعار المكتوبة على كل كورس خاصة بتكلفة الكورس كامل بشهادته واختباراته “graded assignments”
•ان المساعدات المالية متوفرة للطلبة المؤهلين ، ودي عبارة عن انك بتاخد الكورس كامل بشهادة من غير فلوس زي
منحة كده فبتدخل تملي طلب في شوية معلومات عنك وظروفك المالية وليه عايز تاخد الكورس .. فـ لو انت عايز تاخد أي كورس مجانا فالخطوات كالاتي :
1- لو ما فيش عندك حساب على كورسيرا بتدخل تعمل الاول sign up اما بحسابك على الفيس او تدخل اسمك والميل و الباسورد
https://www.coursera.org/courses?authMode=signup&languages=en
2- تدخل على صفحة الكورس وتضغط على ” Enroll”و تختارتاني اختيار وهو حضور الكورس كامل من غير
شهادة
3- ممكن تلاقي في بعض الكورسات الاختيار التاني هو استماع للكورس او ” audit only “وده بيخليك تاخد
الكورس لكن من غير الاختبارات او الشهادة
4-كورسيرا بتوفر بجانب الكورسات بتاعتها حاجة اسمها التخصصات ” Specialization ” كل تخصص عبارة عن
مجموعة من الكورسات المتتالية اللي بتركز بصورة مكثفة على مهارة او مهنة معينة عايز تتعلمها .. ما تقدرش
تاخد التخصص كامل الا بفلوس او لجأت للمساعدات المالية ، اما لو عايز تاخد كورسات التخصص كل واحد لوحده
فاما هتضغط على كلمة ” learn more” الموجودة في نهاية كل كورس
ولو مش موجودة هتنسخ اسم الكورس من صفحة التخصص وتدور عليه في مربع البحث بتاع كورسيرا ، وبعدين
تضغط على enrollوهتلاقي كلمة auditمكتوبة بخط صغير تحت اضغط عليها ، ومالكش دعوة بموضوع
الفترة التجريبية دي “free trial”
لو عايز بقى تستخدم المساعدات المالية فهتلاقي تحت مربع enrollجملة
” Financial Aid is available only for learners who cannot afford the fee.”
اضغط على ” Learn more and apply” وادخل املي الاستمارة
