أكيد كل واحد مننا يقضي جزء من وقته كل يوم علي الإنترنت، سواء كان لقراءة خبر أو البحث عن معلومة، أو حتي شراء منتج أو طلب خدمة، كذلك تطبيقات الموبايل.
طب تعرف إن الشركات، المواقع الكبيرة والجديدة، وصناع تطبيقات الموبايل دلوقتي بـ يستخدموا نظام لتحديد مدي جودة ومرونة تصفح العملاء والمستخدمين لمواقعهم أو تطبيقاتهم وبـ يساعدهم في تحسين وتطوير الخدمة إلي بيقدموها للمستخدمين، النظام ده إسمه تجربة المستخدم. و الاهم انك تقدر من خلال تجربة المستخدم تكسب 300 دولار شهرياً !
يعني إيه تجربة المستخدم User testing ؟
تجربة المستخدم أو الUser Testing عبارة عن تأجير الشركات وأصحاب المواقع أو التطبيقات مجموعة من الأشخاص العاديين بغرض تجريب الموقع أو الخدمة أو التطبيق وتسجيل رأيهم وانطباعهم الشخصي عن مدي سهولة تصفحهم للموقع أو التطبيق، وعن طريق التسجيلات دي بيقدر أصحاب المواقع أو التطبيقات أفكار وسلوك المستخدمين أثناء تصفحهم للموقع أو التطبيق، وتحديد إذا كان الموقع أو التطبيق يحتاج للتطوير أو التعديل ليناسب طريقة استخدام المستخدم أو العميل.
إيه أهمية الـ User Testing بالنسبة لأصحاب المواقع والتطبيقات؟
طبعاً الـ User Testing مهم جداً لأصحاب المواقع والتطبيقات وفي نفس الوقت مهم لمستخدمين الإنترنت عموماً، أهمية الـ User Testing تمثل في كذا جزء زي:
– زيادة المبيعات لأصحاب المواقع والتطبيقات التجارية عن طريق تسهيل عملية البحث عن المنتج وشراءة بكل سهولة، وتوجيه المستخدم مباشرة للمنتج المناسب.
– توفير المال والوقت، لأن تجربة المستخدم بـ توفر علي أصحاب المواقع والتطبيقات تعديل خدماتهم أو طريقة البحث عن منتجاتهم بعد نشرها علي الإنترنت، وبـ تخلي أصحاب المواقع والتطبيقات يستغلوا الخدمات إلي بـ يقدموها للمستخدمين علي أكمل وجه.
– تعديل نقاط الضعف وتحسين نقاط القوة الموجودة في الموقع أو التطبيق عشان يقدموا للمستخدمين أفضل تجربة استخدام وتحقيق أكبر استفادة ممكنة من العميل.
إزاي تحقق دخل من تجربة المستخدم؟
أنت تقدر تكسب من نظام تجربة المستخدم عن طريق إنك تكون مستخدم مراجع بالأجر للمواقع والتطبيقات عن طريق موقع Usertesting اللي بـ يتيح لك إنك تجرب المواقع والتطبيقات الجديدة قبل نشرها علي الإنترنت وتصوير تجربتك بالصوت والصورة وإرساله للعميل “صاحب الموقع أو التطبيق” مقابل 10 دولار كل فيديو مراجعة لأحد المواقع أو التطبيقات.
https://www.usertesting.com
محتاج إيه عشان ابدأ كمراجع علي Usertesting؟
كل إلي انت محتاجه جهاز كمبيوتر ووصلة نت، وتكون لغة الإنجليزية مقبولة، لأن موقع Usertesting باللغة الإنجليزية وفيديوهات المراجعة إلي هتسجلها لازم تكون بالإنجليزي، لكن متقلقش انت مش محتاج تكون متقن للغة، يكفي إنك تقدر تعبر عن أفكارك بالإنجليزي حتي لو بكلمات بسيطة، ولو في الإنجليزي مش قد كده تقدر عن طريق كورسات أونلاين مدفوعة ومجانية إنك تتعلم إزاي تتكلم وتعبر عن أفكارك بالإنجليزي.
طريقة التسجيل في الموقع بسطة جداً، وبعد التسجيل بـ تحمل برنامج الموقع إلي بـ تقدر عن طريقه تسجل فيديوهات المراجعة، البرنامج بسيط وسهل جداً والموقع بـ يشرحلك طريقة إستخدام البرنامج، بعد تحميل البرنامج وتثبيته علي الكمبيوتر بـ تسجل فيديو تجريبي لمراجعة موقع من المواقع الموجودة علي Usertesting وبـ تبعته للموقع، وبـ تستني الموافقة من أسبوع لـ 14 يوم عشان تقدر تبدأ شغل علي الموقع، بعد الموافقة بـ تبدأ تشتغل وتسجل تجربتك ورأيك بالصوت والصورة، ومقابل كل فيديو مراجعة مدته 15 دقيقة بـ تاخد 10 دولار.
إزاي أسحب أرباحي من الموقع؟
للأسف الموقع مبيقدمش غير طريقة واحدة لسحب الأرباح هي الباي بال Paypal، وطريقة سحب الأموال من الباي بال بـ تمثل مشكلة لكتير من الشباب في معظم الدول العربية، لكن متقلقش في طرق كتيرة لـ سحب الأرباح من الباي بال في الدول العربية، عن طريق ربط حساب الباي بال بفيزا حساب بنكي، ولو معندكش فيزا حساب بنكي تقدر تسحب أرباحك من الباي بال عن طريق الوكلاء الماليين إلي بـ يحولوا لك الفلوس من الباي بال للوسترن يونيون أو فودافون كاش.
للاسف ناس كتير بتطلب طريقة التسجيل لانها فعلا متاهة ليهم ومفيش اي رد او تفاعل من القائمين على وادي المشمش