لية لازم تتعلم اللغة الصينية فى أسرع وقت

قبل ما تبدأ تتعلم صينى فى كام معلومه كده محتاج تعرفهم 🙂 …

1. الصين عندها ثقافه من أقدم وأعرق الثقافات على مستوى العالم عمرها حوالى 5000 سنه

2.  الصين عندها أكبر كثافه سكانيه على مستوى الامم كلها و ده لأن عددهم حوالى 1.28 بيليون نسمه

3. خُمس سكان الكوكب بيتكلموا  صينى  و ده لأن اللغه الصينيه الماندارين هى اللغه الام لحوالي 873 مليون شخص وبكده تكون اكتر لغة أولى  الناس بتتكلم بيها حوالين العالم

4.  بالإضافة لسكان جمهوريه الصين وتايوان  , يتم التحدث باللغة الماندارين الصينيه فى اكثر و أهم المجتمعات الصينيه تأثيرا فى  دول زى إندونيسيا  و تايلاند و ماليزيا وسنغافورة وبيروني و الفلبين ومنغوليا

5. الصين عندها تانى اكبر اقتصاد على مستوى العالم

6. الصين هى واحده من اكبر الشركاء التجاريين فى امريكا

7. كتير من الشركات الأمريكية  عندها تجارة و اعمال تجاريه فى الصين و عندها استثمارات طويله الامد هناك

 

حاجات لازم تخلى بالك منها

دراسة اللغه الصينيه بتفتح  الطريق لمجالات تانيه كتير زى السياسة الصينيه و الاقتصاد و التاريخ او حتى علم الاثار الصينيه

لكن دراسة اللغه الصينيه بجد معناها انك تدرس الناس نفسهم وثقافاتهم . كمان الثقافة الصينيه  عندها ميراث قديم من الروايات  القصص القصيرة و الشعر و الدراما و حاجات تانيه كتير

كمان دلوقتى أصبحت الافلام بتعكس القيم والصراعات  و المواضيع الحساسة فى ثقافه الشعب كمان افراحهم واحزانهم   و فى الأغلب  بقت تعرض رؤى  بتوضح اكتر المشاعر القريبة من الشعب ده من سنين فاتت  او حتى تعرض السياسة الصينيه ف  وقتنا الحاضر على مستوى عالي جدا من التفهم صعب نشوفه فى اى مكان تانى . كل الاعمال دى بتساعدك عشان  تفهم كل خفايا اللغه  , كمان ايه اللى بيخليها لغة  قويه ؟, و ازاى اللغه بتخلى الناس تتكلم سوا جوه المجتمع الصيني نفسه ,  بس لازم تاخد بالك ان دراسة اللغه  بس هى  نص المعركة والنص التانى تكسبه لما تدرس الثقافة  كمان

شويه حقايق هتبهرك عن الصين

قواعد اللغه الصينيه مش معقده بدرجه كبيرة  زى تعقيد القواعد فى الفرنسية و الألمانية  والإنجليزية  وده لأن اللغه الصينيه مفيهاش تصريفات للأفعال  يعنى مش لازم تقول الزمن اللى حصل فيه الفعل كمان مفيش غموض فى الضمائر زى اننا مبنعرفش نفرق بين المذكر والمؤنث او حتى تمييز الاعداد اذا كنت بتعد شيء مؤنث او مذكر

على سبيل المثال  الشخص اللى بيتعلم الإنجليزية لازم يبقى عارف صور الفعل فى الأزمنة المختلفة  فعل زى (see,saw,seen) على عكس الصينيه كل اللى محتاج تعرفه هو كلمه واحده بنفس المعنى هى  kan””

فى الإنجليزي لازم تفرق بين المفرد “cat ”  و الجمع “cats ” لكن فى الصيني كلمه واحده بتعبر عن المفرد والجمع هى  “moa”

اكيد اللغه الصينيه بتوضح الفرق فى تصريفات الافعال و الارقام لكن بطرق تانيه

الترتيب الأساسي  للجملة فى اللغه الصينيه هو  فاعل بعديه فعل وفى الاخر مفعول  تمام شبه  الانجليزي

عدد كبير من المصطلحات الأساسية  فى اللغه الماندارين الصينيه زى المصطلحات الحكومية و الصحة والعلوم و الاحتفالات و المصطلحات اللى ليها علاقه بالاقتصاد و حتى المصطلحات الأدبية  ظهرت كترجمة للمفاهيم الإنجليزية ,ايوه انت بتتعلم لغة جديده لكن المصطلحات دى بتبقي  شبه بعض حتى ف  اللغات المختلفة

لازم تفتكر حقيقتين مهمين

اول حقيقه هى  انه حاليا فى حوالى بيليون شخص بيتكلموا  اللغه الصينيه الماندارين  يعنى خُمس سكان العالم بيتكلموا صينى

تانى حقيقه هى  ان كل سنه عدد كبير جدا من الطلاب اللى لغتهم الام مش اللغه الصينيه بيبتدوا يتعلموا صينى بكل حماس ونشاط واذا كان العدد ده كله عنده القدرة انه يتكلم صينى ايه اللى مانعك انت كمان انك تتعلم صينى ؟

كمان دراسة الادب والثقافة الصينيه هيساعدوك تتغلب على  الفروق اللى بين بغتك ام واللغة الصينيه  و هتخليك مستوعب المترادفات ما بين اللغتين  و هتخلق عندك  اساس من المعلومات مهم عشان تعرف تتواصل بجد مع الصينين

الصيني ممكن يفيدك فى شغلك

1_مبدأيا  كل الشركات بتفضل انها تشغل الناس اللى بتتكلم اكتر من لغة  و طبعا بما إن الصين بقت عملاق اقتصادي مهم وعندهم معاملات تجاريه ضخمه  ابتدى كل  رجال الاعمال يدوروا على حد يقدر يتكلم صينى ويتفاعل مع السوق الصيني

2_ كمان كونك شخص بتتكلم اللغه الصينيه ممكن يديك أفضليه لو كنت بتنافس على مكان او وظيفه معينه

3_ كمان من المتوقع ان الصين هتلعب دور مهم على مستوى العالم وده بعد ما أبتدت تتواصل مع الغرب وده  خلانا نشوف فرص شغل كتير فى كل المجالات

4_ الصين مكان ممتاز جدا لتعليم اللغه الإنجليزية كل ده و انت كمان بتطور لغتك  و مهاراتك الاجتماعية وسط الصينين  أكيد هتبقى تجربه مهمه و متتنسيش

5_كمان فى برامج و منح بتقدم  ضمن برنامج لتبادل تعليم اللغات زى ده