أشهر قنوات اليوتيوب لتعلم اللغة الالمانية

0 1٬645

ألمانيا هي تاني اكبر دولة مصدرة في العالم ، و موطن لشركات عالمية كتير بجانب ان الالمان هم قادة العالم في مجال الهندسة ، و اللغة الالمانية عندها اكبر عدد من الناطقين في الاتحاد الاوروبي ، غير انها من بين اللغات العشر الأكثر شيوعا في العالم و اللغة التانية العلمية في انتشارها ، وتعتبر لغة مشتركة لدول وسط وشرق أوروبا .. بجانب انها مدخل لتعليم جامعي عالي المستوى ، و كمان ان كتير من المنح بتقدمها الجامعات الألمانية ، وده اللي بيخلي تعلمك للغة الألمانية أحد المهارات اللي بتفتحلك الطريق لكتير من الفرص .

وعلشان كده جمعنالكم مجموعة من أشهر قنوات اليوتيوب لتعلم اللغة الالمانية #مجانا :

Easy German

قناة الماني سهل تعتبر قناة كويسة علشات تبدأ تحتك باللغة الالمانية ، هتلاقي عليها فيديوهات كتير عن الحياة اليومية في الدول اللي بتتكلم بالالماني ، والفيديوهات مترجمة بالانجليزي والالماني https://www.youtube.com/channel/UCbxb2fqe9oNgglAoYqsYOtQ

Deutsch für Euch (DFE)

هتلاقي القناة عبارة عن سلسلة من الفيديوهات القصيرة اللي بتغطي مدى واسع من المواضيع الخاصة بالمبتداين في اللغة زي مثلا التحيات الالمانية وكيفية نطق الالماني وغيرها

https://www.youtube.com/channel/UCsYMk_FCTGBxmwKFiCynFwg

Learn German with Herr Antrim

هنا هتتعلم الالماني عن طريق فيديوهات ممتعة ومضحكة ، وكمان هتلاقي على القناة فيدوهات للمستويين المبتدئ والمتوسط https://www.youtube.com/user/MrLAntrim

Learn German with GermanPod101.com

(سريع ، سهل ، ممتع) دي التجربة اللي بتوعدك بيها القناة في تعلم الالماني ، هتلاقي عليها فيدوهات كتير محطوطة في اقسام زي “الالمانية في 3 دقايق ، ممارسة الاستماع بالألمانية ، ألمانية الاستخدام اليومي للمبتدأين ” https://www.youtube.com/user/germanpod101

Girls4teaching

القناة مناسبة لأي واحد عايز يتعلم الالمانية بطريقة ممنهجة ، القناة بتقدملك دروس رئيسية في تعلم الكلمات والجرامر والثقافة والحوار وغيرها بجانب وجود امتحانات في النهاية

https://www.youtube.com/channel/UCQ1ZYRmtDMGHdVUzcZhwj0w

Goethe-Institut

معهد جوته هو جمعية ثقافية ألمانية غير ربحية ، بتقدم برامج جامدة لتعلم الألماني ، بجانب كتير من مدارس اللغة في كل انحاء ألمانيا لتعليم الألماني للاجانب https://www.youtube.com/user/goetheinstitut

Bookboxinc

هتلاقي هنا مجموعة من القصص الممتعة والقصيرة للأطفال ، اللي هدفها تمرينهم على مهارة القراية ، وبالتالي هتكون مناسبة لو بتعلم طفلك الألمانية

https://www.youtube.com/user/bookboxinc

ولو عندك قنوات تانية يا ريت تشاركنا بيها ^_^

اترك رد

لن يتم نشر عنوان بريدك الإلكتروني.