السلطان بيقولكم كفاية فرجة على المسلسلات المدبلجة و اتعلموا تركي بقي .. ده حتي الموضوع كله #مجاناً عشان خاطر هيام ^_^
نتكلم جد شوية !! ياتري هنتعلم تركي عشان المسلسلات وكده -_- !؟ .. أكيد لأ 🙂 ..
هنتعلم تركي لأن اللغة التركية هي اللغة الاساسية لاكتر من 100 مليون شخص .. كمان اللغة التركية هي لغة مستخدمة ف اكتر من دولة غير تركيا زي ( قبرص الشمالية، اليونان، بلغاريا، ألبانيا و دول أوروبا الشرقية ) … و بالتالي اللغة التركية هتخلق لك اكتر من فرصة فى مجالات التجارة و السياحة و الترجمة و الدراسة بالخارج .
نيجي للمذاكرة .. الكورس هيبقي عبارة عن 3 مستويات :
المستوي الأول : عبارة عن 26 فيديو .. مدة الفيديو 10 دقايق ” اعتبرية اعلان من ال 100 اعلان اللى بييجوا ف وسط المسلسل 🙂 ” هيبدأو معاكي من أول الاحرف التركية و الارقام و الضمائر .. وشوية قواعد نحوية ( الماضي و الحاضر … ) + 5 امتحانات عشان تراجعي على اتعلمتيه
https://www.youtube.com/playlist?list=PLoBS9JZThyWgE7FhVdkKHkVE0JlMXh_c6
المستوي الثاني : عبارة عن 16 فيديو .. قواعد نحوية عشان تكتب تركي صح 🙂
https://www.youtube.com/playlist?list=PLoBS9JZThyWjvutClOp3c5KdQeobidagz
المستوي الثالث : عبارة عن 7 فيديوهات .. باقي القواعد النحوية عشان تكتب و تتكلم صح
https://www.youtube.com/playlist?list=PLoBS9JZThyWh-JjqbHINxY4pTVX17FDPk
كده مش باقي غير ان حضرتك تجيب ورقة و قلم وتحط سماعتك فى ودنك .. وتفضي نفسك يومياً نص ساعة لمدة شهر #المجد_لكل_واحد_بيطور_من_نفسه #الجامعة_مش_كفاية
