הישראלים בנו את הפירמידות .. ياعم انا مش من شرم .. הישראלים בנו את הפירמידות .. يا عم بقولك انا مش من شرم !!!
تعرف ان الراجل ده كان بيقولك ان ” الاسرائيلين هم اللى بنوا الاهرامات ” .. اييية ! ده ناقص يقولي شبرا بتاعتهم !! .. خد هنا ياض .. روح ياض .. انا مش بكلمك مبتردش لية و كمان مبتفهمش عربي !!!
استني يا جدع ما انت كمان مبتفهمش عبري !! استغفر الله العظيم و انا اتعلم عبري لية يا عم ؟ و بعدين دي لغة مكلكعة -_-
انا اقولك تتعلم عبري لية لان ببساطة ” من تعلم لغة قوم امن مكرهم ” و ده سبب كافي انه ميتكررش معاك او قصادك موقف شبة اللى فوق .. و متفهمش و لا تعرف ترد .. و بخصوص انها لغة مكلكعة ف خالص بقي ^_^
اللغة العبرية بتتقرأ من اليمين للشمال زي اللغة العربية .. و بتتكون من 22 حرف .. بنسبة 90% نطقهم نفس نطق الحروف العربي و الباقي الحرف بيتدلع حبتين زي (ب) بتتنطق (بت)
اقولك اتفرج على الفيديو دة : https://www.youtube.com/watch?v=8nxUbmcvqsE
دقيقة و نص هيشرحلك كل الحروف الابجدية و طريقة نطقها و كتابتها .. 90 ثانية بس هيلملك الدنيا كلها ^_^ اقتنعت ان الموضوع سهل و ان #الجامعة_مش_كفاية .. يلا بينا نبدأ الكورس :
1- الحروف الأبجدية :
عبارة عن 22 درس بيشرحوا كل حرف و طريق كتابتة و بعض الكلمات اللى بتبدأ بالحرف ده ” مدة كل درس دقيقة واحدة .. 60 ثانية #ملكش_حجة ”
https://www.youtube.com/playlist?list=PL6102451A3031E4B8
2- مواقف يومية
دول عبارة عن 30 درس .. بيشرحوا كل المواقف اللى ممكن تقابلها و الجمل اللى تقدر تستخدمها .. نطقاً و كتابة ” ” مدة كل درس دقيقة واحدة .. 60 ثانية ”
https://www.youtube.com/playlist?list=PLFEDCA8D9E715F9AA
لو حابب تعرف معلومات اكتر عن اللغة العبرية تقدر تطلع عليها من Wikipedia : http://ar.wikipedia.org/wiki/%D9%84%D8%BA%D8%A9_%D8%B9%D8%A8%D8%B1%D9%8A%D8%A9
كده فعلياً مش باقي غير انك تجيب ورقة و قلم و تحط سماعتك ف ودنك و تفضي نفسك ربع ساعة 🙂
