عقدة الانجليزي و ال British council

1 2٬130

و زي ما الاسطورة بتقول خلص جامعتك و انت متعقد من ال English .. و اطلع على الجامعة الامريكية او ال British council عشان تاخد كورس يظبطلك الدنيا … و من هنا نروح للحسبة اللطيفة ال level بـ 1100 جنية و اضرب عندك ف 12 level .. ده طبعاً غير المواعيد اللى ممكن تناسبك او لأ …. انت عارف باقي الحجج و التلاكيك اللطيفة بتاعتنا
الاجازة دي #ملكش_حجة .. معاك 200 فيديو من ال British Council مدتهم من دقيقة ل 3 دقايق بالكتير هيظبطولك ال English بتاعك كـ skills و grammar بأسلوب بسيط جداً مناسب للاطفال مش للي قدك #قولنالك_ملكش_حجة .. ^_^ لحد ما يعلي بيك و يظبطلك ال skills الخاصة بالانترفيو بتاع الشغل ..
الكورس :
Learn English

Job Interview Tips – You’re Hired
https://www.youtube.com/playlist?list=PLD729F046A29B3591

باقي ال playlists متصنفة و متقسمة : https://www.youtube.com/playlist?list=PLD729F046A29B3591

هتتفرج اونلاين على ال youtube و ممكن تاخدهم معاك ع الموبايل زي ما اتفقنا الفيديوهات صغيرة من دقيقة ل 3 دقايق
————
#share_فى_الخير متعرفش مين حياته ممكن تتغير بسببك ^_^

” و تأكد انه هيجي عليك الدور و هتلاقي حد عامل share لـ حاجة هتغير حياتك ”
————

اما لو حابب تذاكر كورس الجامعة الامريكية ^_^ .. و اياً كان مستواك ف الانجليزي عامل اية .. و اياً كنت بعيد او قريب من الجامعة الامريكية فى القاهرة AUC .. تقدر تستفيد من كورس English for you من الجامعة الأمريكية …

هيبدأ معاك في اول حلقة من اول الحروف وطريقة نطقها وازاي تكون جملة الي ان تستطيع التحدث بشكل متقن وبدون اخطاء. الأسلوب سهل جدا ( عن تجربة شخصية ) وتقدر تكتب وانت بتسمع وفي تمارين اثناء الشرح 80 حلقة >> الحلقة ساعة تقريبا .. يعني لو سمعت حلقتين كل يوم في اقل من شهرين هتكون باذن الله وصلت الي مستوي جيد جدا فى الانجليزي ..

ده لينك الـ 3 مستويات : http://goo.gl/37DhGa

كفاية انتخة وحاول تستغل الاجازة دي .. شوية ارداة بس وتصميم .. #اتعلم_انجليزي #أستغل_الاجازة

تعليق 1
  1. محمد يقول

    والله العظيم انت راجل جدع وابن بلد بجد نفسى مساعدة من هذا النوع من زمان علشان معنديش فلوس كفايه لكل ده فدى فرصة عظيمة بس ممكن فيديوهات نحملها على الجهاز الشخصى لتوفير وقت التحميل وكده دى حاجه
    الثاني مينفعش نبعت للجامعة الامريكية بالبريد العادى السريع مع العلم انى مش قوى فى اللغة علشان وقتى كله فى الشغل ومش فاضى للسى فى
    وشكرا بجد لحضرتك والقائمين على وادى مشمش

اترك رد

لن يتم نشر عنوان بريدك الإلكتروني.