عقدة الانجليزي و السفارة الامريكية

17 18٬260

بما ان الانجليزى عامل لأغلبنا مشاكل ^_^

و اتفقنا اننا لازم ناخد خطوة حتي لو متأخرة .. و لقينا حل لو مفيش وقت تقعد تتعلم الانجليزى كله ( فى حالة انك متفقتش معانا فـ هتلاقي التفاصيل ف آخر البوست 🙂 ) و ركز عشان تلحق تيجي تكمل معانا ف السفارة الامريكية #ايوة_السفارة_الامريكية 🙂

برنامج التدريب من السفارة الامريكية هتروح تتكلم مع امريكان هناك … كل حاجة متاحة و مجاناً بس انت اللى غاوى انتخة وتقعد تقول هبقى وهعمل 🙂

فية ناس هتحس ان الموضوع عادى وانة مش مهم , بس الاهمية الكبرى ان :

اولا:انك تسمع اللغة من صاحب البلد نفسة face to face ودا لية اهمية كبيرة
ثانيا: انك تكسر حاجز الرهبة اللى عندك وخوفك من انك تتكلم انجلش وتغلط ف الناس تتريق عليك وتقل ثقتك فى نفسك
ثالثاً : الموضوع اكبر من ال English 🙂 فى أجهزة آبل و انترنت بسرعات متعرفش انها موجودة ( هتبقي تجربة مختلفة ) و كله مجاناً لا تقلق 🙂

Information resource center (IRC)
او مكتبة السفارة الامريكية
كلنا سمعنا عن مكتبة السفارة الامريكية وانها فيها انشطة انجلش وكدا
الموضوع باختصار ,ان المكتبة دى موجودة بداخل السفارة الامريكية , خلف مجمع المحاكم فى ميدان التحرير

وليها جدول بينزل كل شهر موضح فية الانشطة اللى بتتم داخل المكتبة خلال الشهر دا
وكمان يوجد بداخل المكتبة دى اجهزة كمبيوتر ابل ونت سريع جدا
تقدر تجلس على اى جهاز و تتصفح الانترنت براحتك
والمكتبة غنية بالكتب المختلفة فى شتى المجالات وتقدر تستعير كتب كمان

ومن ضمن الانشطة الموجودة فى المكتبة
technology club & Gaming in English & scrabble club
ومن ابرز الانشطة  حاجة اسمها English conversation club
ودى عبارة عن محادثة لمدة ساعة بالانجليزية كل اربعاء من الساعة 3 الى الساعة 4 عصرا
وبتنقسم ل اتنين Beginners and intermediate وانتا اللى تحدد عاوز تحضر اى اى واحد فيهم بناء على مستواك اللى انتا شايفة
واللى بيقوم بالمحادثة دى احد الموظفين بالسفارة وموضوع المحادثة بيكون موضح فى الجدول الشهرى بتاع المكتبة

فية ناس هتحس ان الموضوع عادى وانة مش مهم , بس الاهمية الكبرى بتعتة بتتلخص فى حاجتين
اولا:انك تسمع اللغة من صاحب البلد نفسة face to face ودا لية اهمية كبيرة
ثانيا: انك تكسر حاجز الرهبة اللى عندك وخوفك من انك تتكلم انجلش وتغلط ف الناس تتريق عليك وتقل ثقتك فى نفسك

متطلبات حضور ال conversation club هى كالاتى
1_الذهاب لمكتبة السفارة وعمل كارنية هناك مجانا ,كل ما عليك هوا ان تحضر معك صورة البطاقة
دا طبعا غير ان بتكون رايح بالبطاقة بتعتك , وبيصوروك هناك وبيتم عمل كارنية لك فى خلال 5 دقائق
بعد كدا بتبعت ايميل لمكتبة السفارة بتقولهم انك عاوز تحضر ال English conversation club وتحدد اذا كانت beginners اوintermediate وتكتب اسمك والرقم اللى موجود على الكارنية اللى هتعملة بس كدا , وهيجيلك تأكيد بالموافقة من المكتبة

ملحوظة : لا تاخذ معك فلاشة او قصافة او شاحن لانك مش هتقدر تدخل بيهم السفارة وهتضطر تسيبهم فى اى مكان خارج السفارة
وانتا داخل السفارة بتقفل تليفونك وبتسيبة فى امانات السفارة و انت داخل

ودا الموقع بتاعهم
egypt.usembassy.gov/index.html
ولو عايزين تسألوا على اى حاجة ابعتىولهم على الايميل دا
IRCCairo@state.gov

ودا الجدول بتاع شهر ( مارس – 2018 )

17 تعليقات
  1. Ahmed Ali يقول

    ممكن اعرف عنوان السفارة
    هو لازم نسيب الموبايل برى في الأمانات ؟؟

  2. مروة يقول

    جزاك الله خيرا على هذا الموضوع.

  3. Samar يقول

    جزاكم الله خيرا 🙂

  4. Mariam يقول

    يعني كل ده مجانا ؟؟ اروح اعمل الكارنيه وابدأ اشارك ف ال English conversation club مجاااانااا !!

  5. Omnia يقول

    هو المفروض المكان فى القاهرة بس ولا فى مكتبة فى كل المحافظات ؟

  6. محمد رفعت يقول

    شكرا جدا على المجهودات المتميزة بتاعتكم 🙂

  7. Ismail يقول

    هل يشترط سن معين؟

    1. Mohamed Nagy يقول

      فوق ال 16 سنة ( معاك بطاقة ^_^ )

  8. alaa يقول

    لو سمحت هو انا جنسيتي سوري ينفع لو رحت هيقبلوني ولو اخدت معاي جواز السفر ؟؟؟

  9. Eman Selim يقول

    بعد اذنكم فين جدول شهر 12 ؟؟؟

  10. Ahmed Mahmoud Abd Elmaaboud يقول

    انا بشكرك جدا ولكن انا اعرف الجامعة الامريكية فين بالضبط لان انا عايز اشترك

  11. eman يقول

    طيب هو الكرنية مكتوب عليةغير رسمى هو امتى هيكون رسمى

  12. mohamed gamal يقول

    هو ممكن ادخل عادي بالشنطة بيكون فيها كتب بس ؟

    1. MshMshA يقول

      انت بتتفتش بشكل دقيق جدا و مبتدخلش بحاجة خالص

  13. asmaaseif يقول

    مفيش حاجة كده فى
    اسكندية

  14. mira abdo يقول

    هو الكلام ده لسه موجود اصلى دخلت على السايت وملاقتش حاجه تفيدنى

  15. احمد يقول

    طيب انا عندى 35 سنه ينفع احضر ولا الوقت فات

اترك رد

لن يتم نشر عنوان بريدك الإلكتروني.