الدراسة فى ألمانيا

4 3٬573

ياتري تعرف إنك لو حابب تدرس فى ألمانيا .. ف الجامعات الحكومية من غير مقابل مادى أو بمصاريف إدارية بسيطة جداً بتوصل بـ 70 يورو بس فى السيمستر ” حوالى 600 جنية بس ! ” 🙂 ..
فى حالة إنك عايز تأخد (bachelor ) و ده مساوى للشهادة الجامعية هنا يعنى .. البرامج التعليمية اللى ممكن تأخد فيها bachelor فى الجامعات هناك غالبا بتبقى الدراسة بالألمانى و فى برامج قليلة بتبقى إنجليزى و الدراسة بتبقى 4 سنين ، على عكس الـ Master (ماجستير) بيبقى اكتر برامجه بالإنجليزى و بيبقى سنتين فى أغلب الأوقات .
انت بتخش على الموقع تشوف كل الجامعات المتاحة و كل البرامج فيها و تختار المناسب ليك فيهم ، و بعدين هتقدم فيها ” هنشرح كل دة ” ، و طبعاً بتطلع فيزا طالب و دى أمرها سهل ، و الحلو كمان ان بيبقى معاك ميزة عن الفيزا العادية .. إنك ممكن تشتغل بجانب الدراسة لأن بيبقى معاك بطاقة ألمانية .. بيحتاجوا انك تحط فى حسابك فى البنك قبل السفر 8040 يورو .. و هيتحولوا لبنك هناك فى ألمانيا و هيصرفولك كل شهر 670 يورو عشان مصاريفك هناك “مش هياخدوا منك حاجة بس بيطمنوا انك مش رايح تشحت 🙂 ” .
بالنسبة للسكن فبيبقى غالبا الإيجار فى حدود 250 – 350 يورو حاسب المدينة اللى انت قاعد فيها و حسب المساحة .

لو عايز تأخد bachelor ، لازم تجيبلهم شهادة ثانوية عامة هنا بس لازم تكون درست سنة واحدة جامعية على الأقل فى مصر ، و بالنسبة للـ Master لو انت مقدم ع برنامج معين و هم شايفين ان الشهادة اللى انت جايبها دى ناقصة مواد مختهاش بيعملولك معادلة أو بتدرسها مع الـ master أللى بتحضره .
الدراسة هناك فى العلوم التطبيقية زيينا كده ، شغل عملى رهيب و الدكتور بنفسه هو اللى بيدى السكاشن ” العملى ” ، وخلى بالكم من العملى دى
الشهادة بتاعتك معترف بيها فى أعتى دولة فى العالم … ” Made In Germany “.
من الآخر شهادة تشغلك فى أى شركة فى العالم فى مجالك .
على فكرة 12% من سكان ألمانيا طلاب من الخارج .. يعنى انت مش لوحدك ، و هتلاقى ناس كتير زيك .
مكتوب فى الموقع من المميزات الدراسة فى ألمانيا ” أن الشرطة فى خدمتك فى أى وقت و هتحافظ على سلامتك و هتساعدك فى أى حاجة انت عايزها ” ( أنا عيطت لما قرأت الجملة دى )

اللغة الألمانية طبعاً هتحتاج تتعلم حلو فيها سواء رايح bachelor أو master عشان حياتك اليومية هناك . بس لو البرنامج بالألمانى ، يعنى الدكتور مش بيقول و لا كلمة إنجليزى ، فلازم تبقى semi-native ألمانى ، يعنى تتكلم زى اللى اتولد فى ألمانيا بالظبط .
بالنسبة للمصاريق هناك حسابك البنكى بيقضيك بس معاناة شوية، و بإذن الله لما تلاقى شغل – صاحبى بيشتغل 3 أيام فى الأسبوع بس ، و معدتش بيحتاج يسحب من حسابه اللى فى البنك .

الموقع دا عليه كل حاجة تخص السفر هناك للدراسة :
https://www.study-in.de/en/

عشان تختار برنامج دراسي و تعرف تفاصيلة :
germany-1
بعد كده هتختار المجال و التخصص بالتفصيل :
germany-2

فى حالة ان الدراسة مجانية هتلاقي ال Tution Fees : None
germany-3

اما بالنسبة للشغل :

1-ممكن تشتغل هناك عماله يعنى فى مطعم او عامل فى مينا او فى مخزن او حاجه من الكلام ده ومرتبك بيبقى من 500 ل 800 يورو فى الشهر و ليك عدد ساعات عمل ممكن توزعهم على الاسبوع توزعهم على تلت ايام تشتغل يوم واحد 24 ساعه زى ما تحب دى بتظبطها انت و صاحب العمل

2- ممكن تشتغل طالب مهندس دا بيبقى فى شركه فى مجالك و عارف انك طالب فا بيتعملك انترفيو و لو لقاك كويس بيديك تدريب بردو صغير كدا و بتشتغل و مرتبك بيبقى حوالى من 800 لحد 1200 يورو تقريبا ( صعبة عليك كطالب اجنبى لأن الفرص قليلة و هو بيفضل الألمانى عليك عشان اللغة )

3- لو مخلص بقى و دا فى حالة انك بتعمل ماستر ممكن تقدم فى شركه طبعا و تعمل انترفيو بردو مرتبك هنا بيبقى حاجه كويسه كدا من فوق ال 3000 يورو

المعلومات دي وصلتلنا عن طريق ” سي ببساطة ” :
https://www.facebook.com/pages/سى-ببساطة/505611142875360

4 تعليقات
  1. ben addou يقول

    السلام عليكم 🙂

    انا من المغرب، اريد أن أعرف لو سمحت لو أردت أن ادرس بألمنيا كما تقول ، تخصص إعلاميات، web developper،
    ما هي الخطوات التي علي فعلها…

    لا أحتاج منك شرح مفصل فقط أرني الطريق و سأخوضه بنفسي،

    شكرا ،

  2. basem يقول

    جزاكم الله كل خير
    انا شغال ممرض في دوله قطر
    هل لو اتعلمت ألماني كويس
    ممكن أسافر ودور علي شغل
    وبعد كدا ابدأ ادرس بكالوريوس طب من الأول
    رجاء إبداء رأيكم بهذا الأمر
    رجاء الرد

  3. omar يقول

    Thanks

  4. ahmed يقول

    السلام عليكم ممكن لو حد عنده معلومات اكتر في الموضوع دا يساعدني فيه و في اختيار الماستر الي اطلع عيله و السنه التحضيريه الي هاخدها هناك ؟

رد على basem
إلغاء الرد

لن يتم نشر عنوان بريدك الإلكتروني.