بدون أي شك انك تتعلم لغة جديدة غير لغتك الأم (اللغة العربية) شئ هيعود عليك بمنافع كتيرة .. على بيل المثال دلوقتي أي وظيفة بتتطلب إتقان اللغة الاإنجليزية او حتي معرفة أساسيات اللغة ده غير الإعلانات إلي بنقابلها كلنا علي الإنترنت بتطلب أشخاص متقنين للغات زي الأسباني والكوري للشغل في شركات كبيرة بـ مرتب خيالي بالنسبة لأغلبنا..
بجانب ان تعلم اللغة الإنجليزية ممكن يفيدك في دراستك أو حتي في أنك تتعلم أي مهارة جديدة عن طريق الإنترنت أو حتي تقدر تستغل اللغة التانية في الترجمة والربح اونلاين بإنك تشتغل ك فريلانسيير..فإنك تعلم لغة جديدة مستحيل تكون حاجة غير مفيدة أو مضيعة للوقت بسبب منافعها الكثيرة الي هتعود عليك.
بالنسبة لطرق تعلم لغة جديدة فهي كتيرة ، يعني تقدر تتعلم بنفسك عن طريق كتب أو في مركز تعليم معتمد أو حتي عن طريق النت وأنت في بيتك إما عن طريق طرق مجانية أو مدفوعة ودي الطريقة الأفضل من وجهة نظري..
في المقال ده مش هنتكلم عن لغة بعينها ، بس هنتكلم بشكل عام عن أحسن 3 مواقع لتعلم أي لغة عن طريق الإنترنت مجاناً و بطريقة مبتكرة ومشوقة لأي شخص حابب يتعلم لغة جديدة بس خايف من الملل الي بتسببه الطرق التقليدية في تعليم اللغات الأجنبية.
Duolingo:الأفضل لمعظم الناس
Duolingo هو واحد من أكثر المواقع شهرة لتعليم تقريباً كل اللغات بطريقة مسلية وبشكل مجانًا ، تم تصميم Duolingo خصيصًا للمبتدئين ، الموقع بيعلمك الكلمات الأساسية في اللغة الي بتختارها. بمجرد التعرف على الكلمات ، بتبدأ في تكوين جمل بسيطة لحد ما توصل لمرحلة متقدمة في اللغة.. طريقة التعلم الي بيتبعها الموقع ده هي الطريقة الطبيعية في تعليم أي لغة جديدة مقارنة بعملية التعليم المعتادة إلي اتعودنا عليها كلنا في المدارس.
ميزة موقع Duolingo هي في الطريقة الي بيقدم بها اللغة الي بتكون في أكتر من طريقة لتدريس اللغة زي انك تقدر تاخد دروس مع متحدثين أصليين للغة إلي أنت بتتعلمها، وتوفير اختبارات عشان تساعدك على معرفة مدي تقدمك في التعلم ،كمان الموقع فيه ميزة الإستماع ليك أثناء التحدث بحيث يقدر يحديد مدى تقدمك. حتى أنه بيستخدم تكرار متباعد (بحيث تقوم بمراجعة الدروس السابق دراستها بفترات متناقصة تدريجياً) للمساعدة في تعزيز عملية التعلم.
وبالرغم من كل ده وإن الموقع ممتاز في تعلم لغة جديدة عن طريق دراسة أساسياتها ، فإن موقع Duolingo موجه للمبتدئين في تعلم أي لغة جديدة ، فلما توصل لمرحلة متقدمة من اللغة الي بتدرسها هتحتاج انك تبحث عن مصدر تاني لتعليم المهارات المتقدمة في الغة الاي أنت بتدرسها.
Duolingo مجاني على الويب و iOS و Android و Windows phone
FluentU:التعلم عن طريق مشاهدة فيديوهات بـ لغة أجنبية
FluentU هو موقع بيعلمك لغات جديدة باستخدام مقاطع الفيديو. مش زي ما أنت متوقع! فا مقاطع الفيديو الموجودة علي الموقع مش مقاطع فيديو تعليمية بالعكس دي مقاطع فيديو عادية بالغة الي أنت تختارها..على سبيل المثال ، تقدر تتفرج علي مقطع من فيلم مشهور أو فيديو لنشرة أخبار أو مجرد شخص بيتكلم باللغة إلي أنت عايز تعلمها ودي تعتبر أفضل طريقة لتعلم اي لغة جديدة وتعتبر الطريقة الأسرع كمان.
مقاطع الفيديو الموجودة علي الموقع بتكون مقاطع فيديو تفاعلية علشان تسهل عملية تعلم اللغة زي مثلاً التسميات التوضيحية إلي بتظهر جنب الفيديو بكلتا اللغتين (اللغةالأم واللغة الي بتحاول تعلمها) ، وتقدر تحدد أي كلمة لفهم معناها.
غير المسابقات التفاعلية الي هتساعدك على قياس تقدمك في تعلم اللغة.
العيب الوحيد لموقع FluentU أنه خدمة غير مجانية ، لكن الموقع بيقدم تجربة مجانية مدتها 15 يوم تقدر خللها من إستكشاف الموقع ومميزاته.. بعد كده ، بتكون في خطة أساسية بقيمة 10 دولارات شهريًا بتتيح لك استخدام تطبيقات الأجهزة المحمولة (iOS و Android) وتوفر البحث عن كلمات غير محدودة ومقاطع الفيديو غير محدودة.. أما خطة Plus 20 بتكون ب 20 دولارًا شهريًا والي بتضيف بطاقات بريدية ومسابقات غير محدودة.
Babbel:إختر موضوع يثير إهتمامك
موقع Babbel له نهج مختلف في تعليم اللغات عن الموقعين السابقين ، فكرة الموقع هي إن بدل من البداية بالكلمات الأساسية والقواعد الأساسية لأي لغة جديدة زي باقي الطرق التقليدية..فموقع Babbel بيقدملك فرصة تعلم مبتكرة لأي لغة جديدة عن طريق إختيار موضوع عايز تعرف عنه أكثر او أي موضوع بيثير إهتمامك زيي مثلاً السفر ، الرياضة ، الحيوانات ، الغذاء ، أو كمال الأجسام..إلخ ، و بمجرد انك تختار الموضوع إلي مهتم تعرف أكتر عنه هتتعلم المفردات والقواعد الخاصة بالموضوع قبل ما تبدأ في قراءة الموضوع وده هيخلي الموضوع تعلم الكلمات دي أسهل.
في رأي الشخصي إن موقع Babbel يعتبر من الخطوات المتقدمة في تعلم لغة جديدة ، يعني من الصعب أنك تبدأ بيه.
زي موقع FluentU..فموقع Babbel غير مجانية وتكلفة الإشتراك في الموقع هتكلفك 13 دولار شهرياً والتكاليف بتنخفض لو اشتريت إشتراك مطول..للأسف علي خلاف موقع FluentU فموقع Babbel مابيقدمش نسخة تجريبية مجانية ، لكن الموقع بيقدم ضمان لاسترداد الأموال لمدة 20 يوم من تاريخ الإشتراك.