كلها ساعات وهتبتدى سنة جديدة …ومع بدايات السنة هتلاقى كتير بيتكلموا عن تحديد أهداف جديدة وازاى تستغل السنة دى فى إضافة انجازات تانية لحياتك .
عشان كدة قبل ما السنة تبتدى أنصحك وبشدة انك تقرأ الكتاب ده ( يبدأ الامر بالشغف ) للكاتب كيث أبراهام .
الكتاب ده مش بس هيساعدك تعرف تحدد انت بتحب ايه ..لكنه كمان هيساعدك تحط ايدك على الاسباب اللى منعاك انك تحددها..
ايه ده هو ممكن يكون انت مانع نفسك تعرف أنت شغفك ايه؟
ده صحيح للأسف …ليه؟
لانك بمجرد ما تحدده بتيقى عايز تعرف الوسيلة اللى هتنجح بيها بالظبط .. وده عمره ما هيحصل ابدا
عارف ليه لان الوسيلة دى هى الرحلة نفسها ..ازاى عايز تعرف كل تفاصيل الرحلة قبل حتى ما تقوم بيها …
مش بس كدة لأ …ده كمان فى الكتاب ده هيقولك السر اللى بيه تعرف انت ليه ممكن تبقى عارف انت حابب ايه وعارف هتعمله ازاى و مع ذلك مش عايش شغفك
دة ملخص الكتاب فى مجموعة فيديوهات على ال Youtube
كيث أبراهام مؤلف الكتاب ده اشتغل لاكثر من 18 سنة بيساعد الناس يكتشفوا شغفهم ويوجههم ازاى يحققوا فى الواقع…كمان أسس شركة فى المجال ده لدرجة ان شركات زى تويوتا وتوشيبا استعانوا بيه عشان يحسن من أداء الموظفين ويخليهم بشتغلوا بشغف
