انت مش غبي !! ( 8 انواع للذكاء )

0 70

انت غبي !!
الكلمة دى واحد سمعها وهو ماشي قدراً فى طرقة واحدة من المدارس
المشهد كالتالى
مدرس بكرش .. واقف على الصبورة وماسك عصاية طويلة
بيكلم الطلبة وبيشاور بالعصاية لطالب واحد بالتحديد
يبصله من تحت النضارة ويزعق ويقوله انت غبي .. انا شرحتلك اكتر من مرة
الشخص اللى سمع الكلام قرر يدخل للمدرس و يمسك منه العصاية
وقاله متولش الكلام ده لاى طالب تانى
هو مش غبي .. و مافيش حاجة اسمها غبي
ربنا عز وجل مخلقش حد غبي
الفكرة ان مافيش حد زى التانى يا استاذ يامحترم .. و لو متعرفش خليني اقولك ان الذكاء نسب
و مش بس نسب
ده الذكاء كمان انواع

العلماء قسموا الذكاء 8 انواع
ولو عايز تعرف انت ذكى فيه ايه .. واللى حضرتك بتتميز بيه عن غيرك .. خليك معايا وركز

1- الذكاء اللفظى او اللغوى : وده اول نوع من انواع الذكاء والشخص الى بيتسم بالذكاء ده عنده القدرة انه يستخدم الكلمات استخدام معبر جدا عن اى شخص تانى وتلاقيه بيتكلم بفصاحة ويوصل اللى عايز يقوله باقل كلمات ممكنة واللى عندهم الذكاء ده بيكونوا شاطين اوى فى الكتابة والترجمة وحفظ اكبر قدر من المعلومات .

2- الذكاء الموسيقي : كلمة واحدة اوصف بيه الذكاء ده وهو ( بيتهوفن ) واحد فاقد السمع يافاندم عمل مقطوعات موسيقية عالمية

3- الذكاء البصري او المكانى : ده عباره عن ان الشخص بيحس بالمكان اللى حواليه ويعرف ابعاده من غير مايستخدم اي قياسات . يعنى مثلا لو واقف فى قطة ارض فالشخص صاحب الذكاء ده يقدر يعرف مساحة وابعاد الارض من غير اى ادوات للقياس وشاطر فى استخدام الشمس والاتجاهات ويقدر يعرف ابعاد تكوين بيت معين او بناء معين وده بيكون شاطر فى الرسم والنحت والعمارة والهندسة وقيادة القوارب والطيارات

4- الذكاء الرياضي الحسابي : وده خاص اكتر بالمسائل والمعادلات الرياضية والمسائل والمشاكل المنطقية اللى بتحتاج فلسفة وتفكير من بعد اخر وصاحب الذكاء ده بيعرف يحل الالغاز كويس ويشتغل فى البرمجة والمحاسبة بشكل جيد عن اى شخص تانى عشان كدا لو سالت اى واحد محاسب شاطر ايه سر نجاحه هيقولك انه بيحب اوى المحاسبة ويحب يتكلم بيها ويحس بمتعة وهو شغال فيها

5– الذكاء الاجتماعى : وده واحد بيتميز انه له علاقات كتيرة مع كل الناس وعلاقات قوية كمان وتلاقيه اكتر شخص محبوب فى المجتمع لانه عنده قدرات تواصل عالية مع اللى حواليه وغالبا بتلاقى الناس دى ناجحنة فى شل المبيعات والتفاوض والتدريس او اى عمل يحتاج احتكاك مباشر مع الناس

6- الذكاء الذاتى والنفسي : ده بقى واحد بيتسم انه عارف نسفه كويس اووووى وشخص عارف قدراته ومشاكله وانفاعلاته وعارف ينجح فى ايه ومينجحش في ايه ويحب ايه ويكره ايه وده اللى بيقوله عليه شخص واثق فى نفسه والراجل ده اكتر واحد بيفهم الناس ويقدر يحللهم ويحل شخصيتهم وسلوكهم وبيكون شاطر اوى فى علم النفس والتحليل وغالب القادة بيكون عندهم الذكاء ده بنسبة عالية اكتر من اى شخص وغالبا الاشخاص اللى بيتسموا بالذكاء ده بيكونوا ناجحين اكتر من اى شخص

7- الذكاء الحركى والعضلى : ذكاء من نوع فريد شوية لان الشخص اللى عنده الذكاء ده عنده اتساق فى حركاته والايقاع عند ملامسته للاشياء يعنى بيقدر يحس بالاشياء اكتر من خلال ملامسته وبيقدر يتعامل مى مهمة تطلب اداء جسدى من اى نوع وبيكون عند اللرياضين بشكل اخص زى الرياضات القتالية والنادرة واصحاب المهن والحرف اليدوية

8- الذكاء الطبيعى : النوع ده اخر نوع من انواع الذكاء اللى توصل ليه العلماء وهو ان الشخص عنده تثارب مع الطبيعة اكتر من غيره زى درة تواصله العالية مع الحيوانات والكائنات المختلفة وحتى رعايته للنباتات ويقدروا يمشوا مسافات طويلة من غير مايزهقوا وبيحسوا باستمتاع لما يبصوا للسما والشجر والطبيعة والناس دى بتحب علم الاحياء اكتر من غيرهم

عرفت بقى يا استاذ ان مافيش حاجة اسمها غبي !
احنا اسفين يابنى
احنا اللى اغبيا .. عشان مش بنعرف نتعامل مع البشر كويس
ونفهم ان كل واحد وليه اختلافه .. وان مافيش حد زى التانى
وان احنا لازم نستغل الاختلاف ده ونوجهه بدل مانقهره ونحبطه
وانت ياسعادة البيه يا اللى قاعد تقرا البوست
ايه معدى على ترعة وماشي ^_^
استنى خد الاختبار ده عشان تحدد نوع ذكاءك يا افندم ..
http://dquiz.net/quiz105
و متنساش تعرفنا انت ذكي فى اية .. و ت share فى الخير لانك متعرفش مين حياته ممكن تتغير بسببك ^_^

اترك رد

لن يتم نشر عنوان بريدك الإلكتروني.