عشنا في التمنينات والتسعينات عالم الكمبيوتر وكانت رسالة ميكروسوفت ساعتها “جهاز على كل مكتب وفي كل منزل” وده اللي حصل بالفعل ^_^ واستمرت المرحلة دي تقريبا 15 سنة وبعدين دخلنا عالم الأجهزة المحمولة وكان ظهور الآي فون في 2007 بداية مرحلة جديدة استمرت عشر سنين وهنعيش معاها شوية كمان قدام ..
لكن حالياً في ثورة جديدة داخلة اسمها “إنترنت الأشياء – Internet of things ” او اختصارا (IoT ) واللي بيطلق عليها الثورة الصناعية الرابعة
.وكلمة ثورة مش جاية من فراغ لأنها هتغير فعلياً الطريقة اللي عايشين بيها حياتنا ،شغلنا ،ترفيهنا وسفرنا وحتى طريقة تفاعل الحكومات والشركات على مستوى العالم هتتغير (سيبك من أم الدنيا دلوقتى .. معلش الحاجة بتوصلنا متأخرة شوية ^_^ ) مع العلم إن الثورة دي بشايرها بدأت بقالها فترة “لو إنت واخد بالك من فيدبوهات كوكبنا الشقيق اليابان ”
بس تعالوا نعرف الأول هو ايه ” IoT ” ؟
بص هو مالوش تعريف محدد .. بس ممكن نفهمه على أنه عالم هيكون كل الأشياء اللي حوالينا متوصلة بالإنترنت
من الاجهزة اللي في بيتك (تلاجة /غسالة/بتوجاز) لهدومك اللي لابسها لأعضاء جسمك حتى الحيوانات مسبوهاش في حالها
وصلوها هي كمان بالنت وده حصل في بعض مزارع الأبقار موصلينها بالنت علشان يراقبوا صحتها ويشوفوا أفضل وقت للحلب علشان يحسنوا الانتاج ^_^
بصراحة الأرقام اللي في الإحصاءات المعمولة لتوقع سوق ال(IOT)في 2020 تصدم وممكن تشوفها من BusinessInsider:
و اللى ممكن الخصهالك بأنه على 2020 هيوصل الاسثمار في المجال ده ” 6 تريليون دولار ” و اكتر من 24 بليون جهاز IoT .. و بحلول 2025 هتوصل ايرادات المجال ده ل” 13 تريليون دولار” ^_^
ده طبعا غير شكل حياتنا اللى هينغير 360 درجة .. إزاي ؟ .؟ ده اللي ممكن تشوفه من هنا :
المهم انا احنا بنعرفك بـ دة كله .. مش عشان تقول “لا والله كل ده بيحصل واحنا مش دارين وبعدين تروح تكمل نوم” !!
لكن بنعرفك بية علشان تاخد بالك انا احنا حاليا داخلين على أكبر سوق ممكن يكون عرفه التاريخ لغاية دلوقتي واللي ممكن يخلقلك فرصة فيه على حسب اهتمامك سواء كنت مبرمج ،أو مهندس نظم او قواعد بيانات ضخمة ، او حتى رائد أعمال وعايز تدخل المجال ده . اما المستهلكين بقى اللي زي حالتنا كل اللي نقدر نقوله ربنا يستر ^_^
و عشان كلامنا ميتركشن على الرف فحبينا نبلغك ان في تخصص (IoT ) بدأ على coursera من ناحية Embedded Systems و ده اللينك بتاعه :
https://www.coursera.org/specializations/iot
هتلاقي فيه c&Arduinoعلى Python&Raspberry Piوفي الاخر بيمشي معاك في مشروع تنفذه
وموضوع التخصص دي حاجة بدأت بقالها فترة على منصات التعليم اونلاين كل تخصص بيتكون من مجموعة من الكورسات
اللي ورا بعض في حدود 3او 4كورسات بتأهلك فعلا أنك تكون متخصص في المجال ده لأن كمية الماتريال اللي فيها كبيرة
بس بتكون مشكلتها علشان تشترك فيها لازم تدفع فلوس لكن في حاجة اسمها المساعدات المالية انك تاخد الكورس من غير
فلوس ودي اكلمنا عنها قبل كده في المقال ده :
وده لينك لتخصصات وكورسات تانية خاصة ب IoT على حسب مجالك:
https://www.coursera.org/courses?languages=en&query=iot
ولو بقى عايز حاجة خفيفة كده تتعرف فيها على عالم IoTوتتسلى بيها في أجازة نصف السنة ان شاء الله فده كورس على
منصة ” future learn” هيستمر لمدة أربع أسابيع ساعتين كل اسبوع يعني حاجة كده على مقسم ^_^ :
https://www.futurelearn.com/courses/internet-of-things
ملاحظة :
1- بنعيد تاني لو انت طالب هندسة مشروع تخرجك هيكون مناسب لحاجة زي دي او خريج أظن ان شوفت احصاءات
السوق في المجال ده عاملة أزاي بجانب انه مجال مفتوح جدا ممكن تدخله من أي حتة
2- اما بالنسبة للي عاجبه الموضوع وعايز يتعرف عليه أكتر (بتوع اعدادي هندسة ممكن يحضروا هنا ^_^) فخليك في
الكورس الاخير بتاع Futurelearn
