أية رأيك لو تتعلم أسباني كتابة و سماع و تحدث فى اقل من شهر و انت قاعد في البيت #مجاناً على طريقة Duolingo ؟
طيب انت لية تتعلم اسبانى اصلاً ؟
1 – لان ببساطة اللغة الإسبانية هي اللغة الرسمية في 21 بلد .. اللغة الثالثة الاكثر استعمالاً في العالم ( ينطق بها نحو 350 مليون ) .. غير انها و هي اللغة الثانية الأكثر استعمالاً في الولايات المتحدة إلى جانب اللغة الإنجليزية
– لان اللغة الاسبانية هي اللغة الاكثر طلباً بعد الانجليزية فى مجال التجارة الخارجية و الاتصالات
2- لان ده كله هيساعدك تخلق لنفسك فرص جديدة و تطور من نفسك .. خاصة و ان لا رمضان و لا الاجازة للنوم و الانتخة .. لازم تستغلهم صح ^_^
تعرف كام واحد بيتعلم اسباني بطريقة Duolingo ؟ 16 مليون و 700 الف طالب حول العالم وقت ما كتبنا الموضوع دة ^_^
اية بقي طريقة Duolingo دي ؟
Duolingo ده عبارة عن موقع online .. طريقتهم Read, Listen, Speak يعني ببساطة فى كل مرحلة بتعدي بجزء تعلم عن طريق الاستماع .. و جزء تانى عن طريق الترجمة و القراءة .. و الجزء الاخير عن طريق التحدث
المميز فى Duolingo انه بيصحح لك جزء بجزء و مبتقدرش تعدي مرحلة الا لما تعدي المرحلة اللى قبلها فى الاستماع و القراءة و التحدث بنسبة 98%
بيبدأ معاك من مستوي المبتدأين و الصور و الكارتون .. و بيوصل معاك لمستوي التحدث بطلاقة و احترافية و بيعيد ترتيب المستويات حسب مستواك و طريقة تقدمك ( و بالتالى تقدر تخلص ف أقل من شهر )
أزاى تبدأ ؟
هتدخل على : https://www.duolingo.com/course/es/en/Learn-Spanish-Online
هتلاقي كلمة ” Start Learning ”
هيطلب منك تعمل Sign up مش هياخد منك 10 ثوانى و ممكن تختار .. Sign up with Facebook or Google .. بدل مات قعد تدخل بياناتك من جديد ..
كده فعلياً مش باقي غير انك تجيب ورقة و قلم و تحط سماعتك ف ودنك و تفضي نفسك ساعو وتاخد الموضوع بشكل جدي #بالتوفيق ^_^
