معاً نصنع المُستقبل

1945 منحة دراسية و فرصة تدريب فى الخارج للمصريين

فى حالة انك مصري ^_^ ف حضرتك قدامك ( 1945 فرصة ) .. الفرصة دي ممكن تكون منحة دراسية او فرصة تدريب فى الخارج سواء كنت طالب او متخرج .. و ممكن تكون فرصة لحضور مؤتمر او مسابقة خاصة بمجال شغلك او اهتمامك ^_^
ال 1945 فرصة دول يا صديقي تقريباً مغطيين كل دول العالم بمعني الكلمة .. و منهم ( 1110 فرصة Fully Funded ) بمعني انك مش هتدفع و لا مليم #ملكش_حجة سواء مصاريف الدراسة .. او تذاكر الطيران و لا الأقامة .. لآخرة 🙂 و بنسبة 90% بيبقي فى مرتب كمان

و ( 338 فرصة Partially Funded ) و دي فرص هتحتاج فيها انك تدفع و ليكن تمن تذاكر الطيران او مصاريف الاقامة و هم يتحملوا الباقي

الفرصة دي كلها متاحة على موقع اسمة : HeySuccess
http://www.heysuccess.com

دلوقتي نيجي لنقطة ازاى تستخدم الموقع صح و تلاقي الفرصة الانسب :
index
– اول لما تفتح الموقع هتلاقيه بيسألك الباشا من فين ؟ where are you from ?
معروفة دي .. طبعاً ( أم التونيا ) .. و بعدين هتلاقي انه محدد search all opportunities بمعني انه هيدور فى كل الفرص المتاحة
و لا انت حابب تحدد حاجة معينة ؟ و ليكن Events او internships .. و هكذا

– صحيح متنساش تعمل login من دلوقتى عشان الفرصة اللى تعجبك .. تشوف تفاصيلها كاملة و تقدم عليها
login

تقدر تستخدم facebook او twitter عشان تعمل sign up او login الموضوع مش هياخد منك دقيقة

– دلوقتي عاوزين نفلتر الفرص دي للي يناسب كل واحد فينا :
filter

على ايديك الشمال هتلاقي شوية حاجات زي
Funding : و دي عن طريقها هتقدر تشوف الفرص الممولة بالكامل او الممولة جزئياً
Location : ممكن تسيبها Worldwide و هتشوف الفرص المتاحة ليك فى اى دولة فى العالم .. او لو عندك حلم معين زي انك تكمل دراسة فى المانيا كمثال ف تقدر تحدد المكان من البداية Central-Eastern Europe

– بعد ما تقع ع الفرصة المناسبة ليك .. هتلاقي على ايديك اليمين
Deadline: و دة اخر ميعاد ممكن تقدم فية
More Info / Application : دي هتلاقي فيها التفاصيل و الشروط ( كمثال .. السن اكبر من 21 | او حاصل على بكالريوس كذا .. | او بيعرف يتكلم اللغة الفلانية و هكذا )

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

11

التعليقات على 1945 منحة دراسية و فرصة تدريب فى الخارج للمصريين

  • ياريت لو نقدر نستعين بيكم لو كان فى اى صعوبه تقابلنا فى التعرف على المنح
    وبجد شكرا جزيلا وجزاكم الله كل خير

    amal سبتمبر 21, 2015 5:29 ص رد
  • بارك الله فيك

    Haitham Ez سبتمبر 23, 2015 4:41 م رد
  • ربنا يبارك فيك

    جاكلين سبكي يناير 13, 2016 9:09 م رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...