50 منحة مدفوعة التكاليف لطلبة الثانوية العامة من الجامعة البريطانية فى مصر

اي حد ثانوية عامة .. او حد من قرايبة و اصحابه ثانوية عامة ! وقاعد مستني #التنسيق ” و اعصابة تعبانة لا ميلحقش الكلية اللى نفسه فيها ” !!
اية رأيك لو تفكك من التنسيق .. وتركز كده لو مجموعك السنه دي فوق ال 85% عشان قدامك فرصة تكمل دراسة #مجاناً فى الجامعة البريطانية فى مصر BUE .. ^_^

المنح مقدمة من LOTUS Scholarship Program .. و هي مدفوعة المصاريف بالكامل ” حضرتك مش هتدفع و لا جنية !! علماً بأن تكلفة الدراسة الاصلية تتعدي ال 100,000 جنية على مدار السنوات الدراسية 🙂 ” .. المنح المقدمة 50 منحة .. التقديم متاح لطلبة الثانوية العامة من مدارس حكومية أو تجريبية أو أزهرية ومن كل المحافظات #ملكش_حجة ..

تنبية : أخر ميعاد للتقديم هيكون الأحد 17 أغسطس 2014

الشروط :
1- حاصل على نسبة اعلى من 85% بالثانوية العامة لعام 2014
2- مصري الجنسية

الاوراق المطلوبة :
1- مستخرج رسمي من شهادة الصف الثالث الثانوي ” بيان الدرجات ”
2- عدد 2 صورة شخصية
3- صورة من بطاقة الرقم القومي للطالب
4- اثبات قيد من المدرسة الثانوية ” من شؤون الطلبة ”
5- فواتير الكهرباء الخاصة بآخر 3 أشهر

طريقة التقديم :
هتدخل على الموقع الخاص بالمنحة
http://www.iie.org/Programs/USAID-Lotus-Scholarship-Program-English

هتفتح ال Application الخاص بالتقديم من على الجنب ” 2014 LOTUS Scholarship Application (Arabic) (5.85 MB, PDF) ”
و هتملى البيانات اللى فية و تبعته بالبريد على العنوان التالي :

برنامج اللوتس للمنح الدراسية
معهد التعليم الدولي
العنوان : 45 شارع 206 خلف الكلية الامريكية , دجلة , المعادي , القاهرة