” بخاف اتكلم قدام الناس- مش متخيل شكلي وانا واقف والناس كلها بتتفرج عليا ؛ لا لا انسي الفكرة يا معلم =) ” .
اكيد دى عينة من كلام كتيير سمعناه عن التحدث امام الجمهور –ناس كتيير بتحس برهبة م الحكاية دى .. معانا ف وادى المشمش هنساعدك انت تدوب الجليد بينك وبين الجمهور و انت بتعمل Presentation …. بالتالي هتتعلم مهارات قيادية – وتقدر تتغلب عى مخاوفك.
طيب تعرف يا استاذي العزيز- ان المتكلم الناجح ال بيشوفه جمهوره منه لما بيكلم ليه آثره كبير جدا عن ال ممكن يسمعه منه. وعلي رأي المثل ” رب صورة خير من الــف كلمة ” وفى دراسات بتدعم الرأي ده .. زى دراسة Albert Mehrabian – ال حددت ان تأثير الكلام وجها لوجه مبيعديش 7%، لكن نبرة الصوت بتوصل 37% ؛؛اما تعابير وشك ف دى بتعدي 55% .. دا بينسف مصطلح خدوهم بعلو الصوت. –مهم نوضح انا الدراسة كانت عن تاثير الكلمات فى محاضرة معملية وليس عرض للجمهور ( ده يخلينا ناكد ع اهمية النتايج دى لل Presenters ال قلقانين من الاعتماد على الكلمات او منفضين للتحضير الجيد لل Presentaions . واخيراً “” دراستنا دى بتحدد اهمية التواصل غير الشفهي ف تقديم عرضك “” –
حاجة تانية ان الدراسة السابقة قسمت العرض القوي او ال ممكن يجذب انتباهك ل 3 اجزاء؛ نبدأ بالترتيب الاهم ف المهم:
أولا: اعمل تواصل عاطفي بينك وبين المتابعين من غيره رسالتك مش هتوصل.
ثانيا: حافظ على حماسك وطاقتك اثناء كلامك عشان تقدر تحافظ ع انتباه المشاهدين؛
ثالثا: وخلي هدفك دايما انك تكسب جمهورك ..
كل النقط دى هنشرحها اكتر بالتفصيل
بس خليني ألخص النقطة دى ف مجموعة رسايل :
– اكسب تعاطف الجمهور –لانهم ف خلال ثواني هيقيموا ال بيكلم وهياخدو انطباع سواء معاك او ضدك – انطباعك الشخصي هو ال هيحدد الناس دى هتقبل ال بتقوله ولا لأ.
– وعشان تكون شخص مقبول ومحبب للجمهور >> اظهر انك بتحبهم، تواصل معاهم بحرارة وبحماسة وبابتسامة كبيرة- وهم هيردوا عليك بالمثل .. وده هيديدك دفعة قوية ف البداية …
– حافظ على تواصل ثابت بعينك مع جمهورك .. اتكلم من قلبك، عشان ده هيخليهم يصدقوك –اتكلم بدون نص لانه هيكون عائق بينك وبينهم ؛وهيمنعك تتواصل بشغف معاهم.
– وريهم قد ايه انت انسان قبل اى حاجه تانيه .. وده خصوصا للناس ال ليها كاريزما على المستمعين. احكي قصص بتكلم ع ضعفك .. عبر عن القيم المشتركة ما بينكوا
– كمتحدث “خلى حد يقدمك للجمهور بطريقة احترافية تظهر تأييده وحماسه ليك ..
– كون على طبيعتك –الناس بتحب كده ~~ اتكلم ف نفس مستوي تفكيرهم واستشهد بحاجات هم يعرفوها وبيحترموها { يعنى عبر عم مشاعرك ال بتشاركها معاهم }
– كون ع قدر الحدث ~يعنى لو هتقول خبر حزين لازم تظهر تعاطفك مع المشاهدين. اتكلم ع مواقف معينة عشان تبين انك ال بيحصل حوليك –اظهر انك بتتقبل وجهات النظر المختلفة معاك … اعتذر مش غير ما تشرح اسباب؛ خصص وقت ف النهاية عشان تجيب ع الاسئلة.
– لو ف ناس تانيه هتحاضر غيرك –اقعد بين الجمهور واسمعهم، اسمع تعليقات جمهورك ع كلامك ” ده بيخلق نوع قوى من التواصل.
• حاضر بشغــــف وابدع
-احكي قصة دراماتيكية وشد انتباه الجمهور .. وخلي مستوي الحماس عالي طول المحاضرة عشان الناس متزهقش.
– امشي بخطوات ثابتة وانت مبتسم وواثق من نفسك .. ركز ع تعبيرات وشك؛ ايدك ،دراعك وجسمك .. عشان كل ده بيدي رسايل لجمهورك وانت بتحدد هتكون ايجابية ولا سلبية. قرب من الجمهور ف نقاط معينة وارتاح كويس قبل المحاضرة عشان تفضل مركز طول الوقت.
– خليك متابع الناس باستمرار ~لو حسيت ان اهتمامهم قل للكلام .. اعمل حاجة غير متوقعة ” علي نبرة صوتك –اقطع كلامك فجأة .. اسأل سؤال ؛او حتي اشركهم ف تمرين.
– انجز ف كلامك وخليه قصير .. عشان دي نقطه هتتحسب ليك
• انجز وهات م الاخر .. قول الفايدة م كلامك :
– لو بتكلم عن معلومات .. اهتم بشرح علاقتها ايه بموضوعك .. عدد الفوايد للجمهور لو عايزهم يتقبلوا تغيير هتعلن عنه- حط ف دماغك ان الجمهور الصورة ممكن تكون مش واضحة بالنسبه له ؛زى ماهى واضحة بالنسبة لك ~عشان كده لازم تعيد النقاط الاساسية بطريقة مختلفة وبامثلة تانية ..
– استخدم الصور .. متخلهمش يسرقوا الاضواء منك عشان انت النجم ~~يا نجم.
– اكسب مصداقيتهم وبعدين استخدم المرئيات ؛عشان ميتخنقوش من عرض البور بوينت بتاعك.
معايير محاضرتك:
فى النهاية ،ف حاجتين عشان تعمل محاضرة لا تنسي :
1- اول معيار ده خاص بالمتحدث ال هو 50% للتواصل مع الجمهور ،و25% لكل من الحماس والشغف وتلخيص الفايدة للجمهور من مجمل كلامك.
2- تاني حاجة المعايير ال بتأثر بيها ع جمهورك 55% – 38% – 7% وده بيظهر اهمية ال التواصل اللاشفوي.
