تعرف أن أكتر من 20,000 شخص بيموتوا يومياً بسبب 100 نوع مختلف من السرطان ! للآسف دي حقيقة و بالفعل مرعبة خاصة و ان عدد الوفيات بسبب السرطان اضعاف عدد وفيات ( السل – الايدز – الملاريا ) عالمياً مجتمعين ! و الاكثر رعباً هي مسببات السرطان ( التدخين – الكحوليات – عدم الاهتمام بالرياضة و اتباع نظام غذائي سليم – قلة المشي و الحركة ) و اللى تعتبر سبب رئيسي ورا اكتر من 100 الف مصاب جديد/ سنوياً بالسرطان فى مصر فقط !
المسببات معروفة و الوقاية منها خير من العلاج .. علاج السرطان اللى يعتبر واحد من اكبر التحديات اللى قابلت العلماء و الباحثين على مدار ال 10 سنين الاخيرة و اللى حصل فيهم تطور كبير فى علاج السرطان و تحديداً العلاج الكيميائي .. التطور دة بتفاصيل اكبر و معلومات ادق عن الخلايا السرطانية .. جامعة Leeds البريطانية اتناولتة بشكل مبسط فى كورس (Exploring Cancer Medicines ) و اللى تقدر تستفاد منه مجاناً من خلال منصة futurelearn .. بمعدل ساعتين فى الاسبوع لمدة اسبوعين فقط
https://www.futurelearn.com/courses/exploring-cancer-medicines
الكورس تقدر تعتبرة بمثابة برنامج اسبوعي زي ( مسرح مصر .. او غيره ) و تبدأ تكون معرفة بواحد من اخطر الامراض اللى بتواجه البشرية .. و معلومات يمكن تكون بداية طريقك لتقديم حل خاصة و ان الكورس بيبدأ من مرحلة ازاى الخلية السرطانية بتتكون .. و علاجات الخلية المصابة .. بعدها هيبدأ يركز على العلاج الكيميائي تحديداً .. و تطور الابحاث و مستقبل علاجات السرطان
مصدر عدد الوفيات اليومية بسبب السرطان : ” منظمة الصحة العالمية ”
http://www.who.int/mediacentre/factsheets/fs297/en/
مصدر عدد المصابين الجدد بالسرطان فى مصر / سنوياً : ” cancerindex ”
http://www.cancerindex.org/Egypt
