اتكلمنا قبل كده في أكتر من مقال عن الذكاء الاصطناعي AI و رشحنا ليكم اكتر من كورس

لكن خلينا النهاردة نسيب الكورسات على جنب شوية ^_^ .. و نعرفكم على اهم مصادر تقدروا تتابعوا من خلالها كل جديد فى عالم الذكاء الاصطناعي AI

1. ” AI Trends “

يعتبر الموقع ده من أهم القنوات الاعلامية في مجال الذكاء الاصطناعي و بيوفرلك حاجات كتير زي اخر المؤتمرات و اية اللي تم اعلانه فيها ، اخر الابحاث ، مصادر مختلفة ممكن تستفيد منها سواء فيدوهات او كتب او اصدرات الصحف ، بجانب طبعا اخبار مجال الاعمال في AI وكل انواع التكنولوجي المستخدمة فيه : https://aitrends.com/

2. “Ai Topics”

مصدر لانهائي من اخبار AI اللي بيجمعها NewsFinder عن طريق البحث في كل المواقع الموثوقة وتجميع أفضل معلومات ، و الحلو كمان ان الموقع يعتبر نفسه تطبيق ل AI ، فشوف بقى الألة محضرة ليك ايه علشان تقرأه ^_^ :

https://aitopics.org/search

3. ” machine learning mastery “

لو انت حابب موضوع machine learning لكن تايه فيه ومش عارفة تقرا فين او تبدا ازاي يبقى دكتور جيسون براونلي ممكن يفيدك ، الرجل ده ليه خبرة واسعة في مجال AI وتطبيقه في مجالات التنبؤ بالجو و الصناعات الدفاعية ، الخبرة دي فادته انه يكتب مقالات و كتب مفيدة ممكن تستفيد منها من المدونة بتاعته : http://machinelearningmastery.com/blog/

4. ” Machine Learning “

لو عايز تعرف المستقبل هيكون عامل ازاي بعيد عن التكهنات و أفلام الخيال العلمي ^_^ و بناء على الحقائق ، يبقى المدونة دي هتكون مفيدة ليك و كمان المقالات بتاعتها مش هتلاقيها مليانة بالتفاصيل التقنية فتكون سهلة الفهم حتى لغير المتخصصين https://machinelearnings.co/

5. “Chatbots Magazine”

يعتبر chatbot أحد تطبيقات AI المنتشرة واللي أي منا هيكون قابل تطبيق منهم ، وعلشان كده في مجلة متخصصة بالموضوع ده ، هتلاقي فيها تفاصيل خاصة ب chatbot و الفيس و المسينجر و التليجرام وغيره :

https://chatbotsmagazine.com/

6. ” Chatbots Life”

لو انت بقى عايز تتعلم عن chatbot فالموقع ده هيكون أفضل مكان ليك ، بجانب هتتعلم برضه AI و NLP عن وتطبيقاتهم : https://chatbotslife.com/

]]> https://mshmshvalley.com/%d9%85%d8%b5%d8%a7%d8%af%d8%b1-%d8%a7%d9%84%d8%b0%d9%83%d8%a7%d8%a1-%d8%a7%d9%84%d8%a7%d8%b5%d8%b7%d9%86%d8%a7%d8%b9%d9%8a-ai/feed/ 0 https://mshmshvalley.com/will-ai-take-over-humans/ https://mshmshvalley.com/will-ai-take-over-humans/#respond Mon, 24 Dec 2018 15:33:27 +0000 http://mshmshvalley.com/?p=3837 مع التقدم المتصاعد في مجالات تعلم الالة والتشغيل الالي والذكاء الاصطناعي بدأ القلق يزيد حول فقدان كتير من الناس لوظائفهم نتيجة استبدال البشر بالالة ! وبدأت تطرح اسئلة زي هل ممكن في يوم  الذكاء الاصطناعي AI يستولى على كل وظائف البشر في سائر المجالات ؟ وفضلت النقطة اللى بتطمئنا وهي ان الـ AI هيفضل محتاج […]]]>

مع التقدم المتصاعد في مجالات تعلم الالة والتشغيل الالي والذكاء الاصطناعي بدأ القلق يزيد حول فقدان كتير من الناس لوظائفهم نتيجة استبدال البشر بالالة !

وبدأت تطرح اسئلة زي هل ممكن في يوم  الذكاء الاصطناعي AI يستولى على كل وظائف البشر في سائر المجالات ؟ وفضلت النقطة اللى بتطمئنا وهي ان الـ AI هيفضل محتاج البشر علشان يصمموه .. صح؟؟

لكن للأسف الاجابة انه مش بالضرورة !!!

في مايو 2017 أعلن الباحثين في Google Brain صناعتهم ل “AutoMl” واللي هو نموذج ذكاء اصطناعي (AI) قادر على انه يعمل لوحده انظمة AI بتاعته ، وبعد شوية قرروا انهم يحطوا

AutoMl قدام اكبر تحدي لغاية الدلوقتي ، وهو ان AI يعمل AI تاني بيتفوق على جميع نظرائه من AI اللي من صنع الانسان

وده اللي قدر“AutoMl” يعمله مؤخرا لما عمل الطفل الخاص بيه ^_^ واللي سموه “NASNet ” ،لعب AutoMl دور المشرف والمعلم لطفله بحيث انه اشرف على قدرته على اداء مهمة معينةفي مجال الرؤية الحاسوبية “computer vision”

وبدأ AutoMl يقيم اداء NASNet ويستخدم التقييم ده علشان يحسن ادائه ، وتكرار العملية دي الاف المرات ، ولما تم اختبار NASNet على اتنين من اكبر مجموعات البيانات في “computer vision” ، اعلن الباحثين تفوق ناسنيت على جميع انظمة الرؤية الحاسوبية التانية واللي اتعملت بواسطة الانسان ^_^

تعلم الالة Machine learning هو اللي بيدي لكتير من انظمة AI قدرتها لاداء مهام معينة ، وعلى الرغم ان المفهوم وراء تعلم الالة هو مجرد خورازمية بتعلم نفسها من خلال تغذيتها بكمية ضخمة من البيانات ، الان ان العملية دي بتتطلب مقدار كبير من الجهد والوقت والخبرة بالنسبة للبشر ، فلو خليت AI هم اللي يعملوا AI كفاءتها عالية بنفسهم ده معناه انهم هيوفروا كتير من الوقت والجهد وفي نفس الوقت بيفتحوا مجال تعلم الالة والذكاء الاصطناعي لغير الخبراء

وعلى الرغم من التطبيقات الكتير اللي ممكن تتعمل باستخدام حاجة زي NASNet و AutoML لكن برضه في مخاوف زي مثلا لو نقل AI لطفله خصائص غير مرغوب بيها؟؟

او لو قدر يخلق انظمة سريعة ومتطورة البشر غير قادرين على مواكبتها ؟؟

ده معناه اننا ممكن نشوف افلام الخيال العلمي بتتطبق في الواقع ^_^

لو عايز تعرف اكتر عن تعلم الالة والذكاء الاصطناعي او محتاج كورسات فيها فالمقالات دي ممكن تفيدك

الذكاء الاصطناعي و التعلم الآلي Machine Learning

التعلم العميق – deep learning

في 2016 بدأت شركة Uber المشاركة في الرحلات ببرنامج تجريبي بيشتمل على سيارات ذاتية القيادة ” بدون كابتن ^_^ ” و في 2017 ، فازت AlphaGo ، وهي جهاز ذكاء اصطناعي (AI) ، على بطل العالم البشري في مباراة من خمس أشواط في لعبة Go ، وهي لعبة صينية قديمة اعتبرت صعبة جدا لدرجة أن جهاز الكمبيوتر مش هيقدر عليها .

التعلم العميق – deep learning

وفي أماكن تانية في العالم ،المصانع بقت بتشتغل بشكل الي تماماً باستخدام الروبوتات.

ومع تزايد الاخبار من النوع دة بقى فى خوف متزايد من ان آلات الذكاء الاصطناعي بقت على استعداد انها تتولى أي وظيفة بيقوم بيها الإنسان.

ومن هنا كان السؤال : ماذا لو تم تصميم برامج تعلم الآلة”machine learning” لمساعدتنا بدل من استبدالنا؟

بوجه عام اتجاه AI فعلاً هو استبدال الأشخاص بالآلات. لكن AI ليه نظير ، المعروف باسم

intelligence amplification (IA ) او “تضخيم الذكاء ” ، واللي هدفها استخدام تقنيات تعلم الآلة لمساعدة البشر بدل من استبدالهم ، وبتشتغل التقنيات دي على تعزيز ذكاء الإنسان ، لتحسين وظيفة أو قدرة صانع القرار البشري.

حالياً احنا قريبين من توليد 10 مليارات ميغابايت من المعلومات الجديدة كل ثانية. و على الرغم من ان المعلومات دي في متناول ايدنا ، الا ان الذكاء البشري هو المشكلة لعجزه لمواكبة الكم الكبير ده من البيانات ، مثلا في الطب لوحده ، بيتم نشر ما يقرب من 2000 ورقة بحثية يوميا ، وده بيتجاوز قدرة حتى أفضل طبيب علشان يستوعبها ويشتغل بيها .

ومع ان الذكاء الاصطناعي مش هيكون أفضل من البشر في مهام معينة زي حل المشاكل المعقدة والذكاء العاطفي والاجتماعي. الا ان برامج تعلم الآلة هي الأفضل في التعامل مع البيانات واستخراج المعلومات المهمة منها ، فبالتالي الجمع بين التعلم الآلي والقوة الحالية للدماغ البشري معناه أننا نحصل على أفضل ما في العالمين.

وده ممكن يحصل عن طريق استخدام أجهزة الكمبيوتر العملاقة والأجهزة المتصلة بيها زي مثلا الهواتف الذكية لفرز البيانات و تزويدنا بالمعلومات من غير ما نحتاج نبحث عنها أو حتى معرفة أننا بحاجة ليها.

بدأ الكمبيوتر العملاق “Watson” من “IBM” في مساعدة الأطباء على اتخاذ قرارات أفضل حول كيفية علاج السرطان من خلال تزويد الأطباء بالأبحاث والبيانات والتجارب السريرية الأكثر ملاءمة لكل مريض ، و كشف Elon Musk عن أنه بيطور رباط عصبي عبارة عن وسيلة تواصل لاسلكية بين الكمبيوتر والمخ بيمكنها الوصول لمعلومات الإنترنت بمجرد التفكير في الحاجة اللي عايزنها .

وممكن في المستقبل الرقاقات في مخنا ، والتحفيز الكهربائي لتشغيل شبكات الدماغ يشارك في تشكيل الذكاء البشري ، الموضوع هيستغرق وقت علشان توصل جميع التكنولوجيات دي لمرحلة البلوغ وعلشان يتكيف المجتمع مع استخدامها ، ولكن قريب ممكن ما يبقاش هناك حاجة اسمها الذكاء البشري البحت. وبدل من كده ، قياس الذكاء المعزز “augmented IQ” هيقيس مدى جودة أننا أصبحنا نمزج قوة الآلات مع الدماغ البشري.

المصادر :

https://www.techopedia.com/definition/32577/intelligence-amplification-ia

https://www.natureworldnews.com/articles/28693/20160914/ai-human-brain-fusion-elon-musk-neural-lace-brain-hack-sci-fi-turned-to-reality.htm

https://www.ncbi.nlm.nih.gov/pmc/articles/PMC4603674/

https://www.weforum.org/agenda/2017/01/forget-ai-real-revolution-ia