كل واحد فينا –او معظمنا- عدت عليه فترة كان بيحلم فيها بمنحة .. و كعادة كل الاحلام .. ممكن تتحول لواقع بشوية مجهود، و الاكيد بردو ان المنحة مش هتجيلك وانت قاعد في بيتكم مستريح وبتشرب سحلب =D

في المقال ده هنحاول نجمعلكم اهم الحاجات اللي محتاج تعرفها قبل ماتقدم على منحة:

1- ابدأ دلوقتي!

الوقت مش متأخر ومش بدري، بمعنى انك لو جامعة مثلًا ولسه في اولى وتانية وبتفكر في ماستر، فـ متعتقدش ان الوقت بدري وتأجل، بالعكس كل ماكان قدامك فترة هتقدر تدور أكتر وتعرف أكتر، متأجلش..
الوقت كمان مش متأخر، لو اتخرجت او في آخر سنة متقولش الوقت فات، الفرصة قدامك طول مانت عايز، لو ملحقتش تقدم السنة دي قدامك اللي بعدها وهكذا..

باختصار، ابدأ من دلوقتي.

2- تحديد مجال الدراسة..

فكرت وخدت القرار وقررت تقدم على منحة، أول حاجة محتاج تحددها المجال اللي هتدرسه، لو لسه هتدخل جامعة فـ أنا ارجوك بشكل شخصي .. توسع تفكيرك D:
متحصرش نفسك جوا منطقة ضيقة جدا تتمثل في كليات معينة، فكر كويس واعرف انت عايز تبقى ايه وان الدنيا واسعة ومجالاتها كتير، من هنا هنرجع لنقطة ان كل مابدأت بدري كان أفضل، بس مع الوقت والتجارب بتقدر تعرف ميولك اكتر، حددها وبناءً عليها هتحدد مجالك، لو انت في جامعة مثلًا يعني حددت مجالك وعايز تكمل، ممكن تكمل في مجالك لو بتحبه ومقتنع بيه، وممكن تبدأ في مجال تاني، وفي ناس بتاخد ماستر في موضوع معين مكنش هو مجالها الاساسي بس يعتبر مكمل ليه او مفيد بشكل من الاشكال، بيجمع معرفة في مجالين وده بيفتحله فرص أكتر وأفضل.

3- اعرف عايز تدرس فين..

حددت المجال؟ كويس جدًا

بندخل على النقطة اللي بعدها واللي مرتبطة بتحديد المجال جدًا، بعد مابتحدد انت عايز تدرس ايه، بتقدر تدور على افضل الدول اللي بتقدم منح دراسية في المجال اللي انت عايزه وأفضل الجامعات، في مواقع متعددة بتبقى متخصصة في ترتيب الجامعات على مستوى العالم، ده موقع من ابرزهم

http://www.topuniversities.com/qs-world-university-rankings

بتقدر من خلاله تعرف الترتيب بشكل عام، والترتيب بشكل متخصص يعني في مجال معين.

مهم برضو تحط في حساباتك الدولة اللي هتروحها، وفي الموقع اللي فات بيقدملك كمان معلومات عن الدول وافضل للمدن للطلبة وغيره، الموقع مليان حاجات حلوة لف فيه واكتشفهD:

4- اعرف المطلوب..

في اختبارات واوراق بتبقى مطلوبة عشان تقدر تقدم على منحة، زي اختبارات الايلتس والتوفل عشان اللغة، وشهادات التخرج بتاعتك واحيانا بيبقى مطلوب يتعملها معادلة، كل جامعة بيبقى ليها الشروط اللي بتحددها، اعرف الشروط دي وابدأ جهز على اساسها.

في جامعات بتحدد مواعيد التقديم ودي نقطة مهمة لازم تاخد بالك منها، في جامعات بتطلب خطاب توصية من دكاترة درسوك قبل كده وخطاب منك انت شخصيًا تشرح فيه ليه عايز في الجامعة دي، حاول تبقى مختلف ومتكتبش كلام اتكرر كتير، بينلهم انك فعلًا مهتم، لو قرأت عن الجامعة أكتر وعرفت مميزاتها وعرفت هي عايزة ايه هتبقى انت كده عديت خلاص D:

5- الفلوس! D:

بتبقى مشكلة عند طلبة كتير مصاريف الجامعة، خصوصًا لو جامعة كبيرة، ودي ميزة المنحة انك تقدر تختار مابين منحة كاملة بتعفيكِ من المصاريف تماما واحيانا بتوفرلك راتب او مصروف شهري، وبين منحة جزئية غالبًا بتدفعلك مصاريف الجامعة بس ويتبقالك مصاريفك الشخصية، في ناس بتشتغل وهي بتدرس ومعظم الدول برا بتوفر شغل للطلبة وده شيء منتشر وعادي، انت ادرى بظروفك واختار اللي يناسبك.

6- جهز نفسك!

مش المقصود هنا الورق والمتطلبات، المقصود تجهز نفسك نفسيًا، الموضوع مش صعب ومش سهل، بس لازم تبقى عارف ان عشان جامعة تقرر تصرف على تعليمك لازم تثبت ان تستحق الفرصة دي!

في كتير بيقدموا سنويًا، لو متعبتش واديت الموضوع حقه هتضيع في وسطهم، لازم تبقى مجهز نفسك للخسارة والمكسب D:

لو منجحتش في اول مرة، مبتبقاش نهاية العالم ومحدش هيقولك لأ خلاص كفاية كده!

قدم ثاني وثالث وصمم على اللي انت عايزه، واستفيد من اخطاء كل تجربة.

أخيرًا، دي أهم المواقع اللي هتفيدك، سواء في معرفة معلومات أكتر وازاي تجهز ورقك او عشان تدور على الفرص المناسبة ليك..:

دليلك للدراسة في الخارج من مؤسسة علماء مصر

ده زي كتاب عملته مؤسسة علماء عشان يساعدك، اللي كاتبينه دكاترة وناس سافرت وبتنقلك خبرتهم

HotCourses

HeySuccess

Study abroad

scholarshippoints

scholarshippositions

كام واحد فينا بيزهق فيمسك موبايله يلعب او يدخل على الفيس ويضيع وقت بالساعات

كام مرة فكرت تدخل عالم البرمجة ولكن بتأجل كل شوية انك تدخل تدور على كورسات وتبدأ فيها

وحتى لو بدأت بتقابلك المشكلة الأكبر اللي بتقابلنا كلنا وهي الإستمرارية

تيجي نضرب عصفورين بحجر تلعب برضه بس وإنت بتتعلم برمجة

ده اللي بتوفره منصة ( sololearn ) لتعليم البرمجة مجانا من خلال تطبيقات الهاتف

من خلال انك تنزل احد تطبيقاتهم في لغة البرمجة اللي إنت مهتم بيها واللي هنذكرهم شوية كده

الأبليكشن بيبدأ ب basic concepts   بتاعت اللغة اللي عايز تتعلمها وبيمشي معاك خطوة خطوة يديلك معلومة ويسالك عليها سؤال واسئلة بسيطة ما بين أكمل أو أختيار من متعدد وكمان تقدر تكتب الكود بإيدك وتجربه على app من غير ما تحتاج لا تفتح الكمبيوترو لا تنزل برامج تكتب عليها الكود او تشغله

وطول ما أنت “بتلعب” لامؤخذة قصدي و انت بتجاوب على الاسئلة ^_^ بيديك نقط وكئوس وتحديات بقى وكلام من ده بيحفزك أكتر إنك تخلص الكورس وخلال ده في مناقشات بتدخل تسأل في اللي انت عايزه او تسيب تعليقات

والأجمد بقى انك ما تخلص اللغة بتاخد في النهاية certification  وتنزلها على موبايلك ” مجانا ” بردو

واللي يريحك اكتر إنك مش محتاج تكون متوصل بالنت إلا  في حالة التسجيل في أول مرة وفي حالة لو عايز تكتب الكود بايدك وساعات بيبقى في صور بتوضح الموضوع اكتر بتنزل اما تكون اونلاين

اما الدروس والاسئلة كلها offline  اهو يا عم #ملكش_حجة يعني لا تقول باقة ولا نت ممكن تستثمر وقتك اللي ضايع في المواصلات والطوابير وإنت بتتعلم لغة برمجة جديدة

نيجي بقى للمهم  موقع المنصة والكورسات اللي بتقدمها

ده الموقع : https://www.sololearn.com/

هتلاقي فيه اللينكات للكورسات سواء جهازكandroid /ios/win phone

ودي لينكات كورسات للغات المتاحة تتعلمها على موبايلك الـ android واللي في مقالات جاية ان شاء الله هنشرح كل لغة بتاعت ايه :

1. Python : https://play.google.com/store/apps/details?id=com.sololearn.python
2. Java script : https://play.google.com/store/apps/details?id=com.sololearn.javascript
3. Java : https://play.google.com/store/apps/details?id=com.sololearn.java
4. C#: https://play.google.com/store/apps/details?id=com.sololearn.csharp
5. C++:https://play.google.com/store/apps/details?id=com.sololearn.cplusplus
6. PHP:https://play.google.com/store/apps/details?id=com.sololearn.php
7. SQL:https://play.google.com/store/apps/details?id=com.sololearn.sql
8. HTML:https://play.google.com/store/apps/details?id=com.sololearn.htmltrial
9. CSS:https://play.google.com/store/apps/details?id=com.sololearn.csstrial
10. Ruby :https://play.google.com/store/apps/details?id=com.sololearn.ruby
11. Swift : https://play.google.com/store/apps/details?id=com.sololearn.swift

وده بقى لينك لابليكشن عام ممكن تدخل تتعلم منه ،تتحدى حد، تكتب اكواد ، كومنتات يعني من الاخر بتاع كله ^_^

https://play.google.com/store/apps/details?id=com.sololearn

و نختم بمقولة عجبتني  محتاجين نفكر فيها شوية :

If we don’t create a society that at least knowsthere’s a thing called programming, then wewill end up being not the programmers but the users and worse, the used.

Douglas Rushkoff

ديماً نقولكم اننا مش مجرد Page .. و اننا ” مجتمع موازي ” ! .. لكن خلونا نمسك الموضوع المرة دي من البداية ^_^

– يعني اية ” مجتمع ” أصلاً ؟
بحسب المعني الأدبي اللى هتلاقية فى القاموس ف المجتمع هو : ( تجمع أفراد ذوي عادات متحدة , يعيشون فى ظل قوانين واحدة , و لهم فيما بينهم مصالح مشتركة )

فى ” وادي المشمش ” احنا بالفعل اتجمعنا على عادات زي التفاؤل و الأيجابية .. المعافرة و عدم اليأس او الأستسلام للأحباط .. التعاون و مساعدة الغير .. العمل الجماعي .. التفكير خارج الصندوق .. البحث عن حلول .. الانشغال بحال المجتمع و تقدمة
طب و القوانين ؟ .. يمكن معندناش قوانين صريحة و لا بنسعي لـ دة .. لكن عندنا اسلوب حياة و نمط تفكير بنحاول نلتزم بية .. نابع من العادات اللي اتجمعنا عليها .. و الاهداف اللى بنسعي للوصول ليها
مصالح مشتركة ؟ .. فى الاصل احنا قايمين ع التعاون و العمل الجماعي .. و من مصلحتنا انك تكون ناجح .. وان مجتمعنا يكون متقدم .. و من مصلحتك ان باقي افراد المجتمع يكونوا ناجحين ^_^

– ياتري ” التجمع ” هو الهدف ؟
بالتأكيد .. ” التجمع ” عمره ما كان الهدف .. لكنه وسيلة لتحقيق اهدافنا

– يعني اية ” موازي ” ؟ و لية ؟
لو تخيلت ان مجتمعنا ماشي فى طريق .. معالمة اترسمت بشكل انا و انت ادري بية و مبقناش عارفين نمشي فية ( بأختصار : مجتمع عالم ثالث ) ! فهل ياتري فكرة ندب الحظ و اتهام الآخر هتوصلنا لنتيجة ؟!
و هل الحل اننا نهد كل حاجة و نبدأ من الصفر على نضافة !؟
طب لية ميبقاش فى طريق موازي للطريق اللى مجتمعنا ماشي فية .. نبدأة من الصفر .. و نبني فية حلول لكل مشاكل مجتمعنا .. بدون ما نفكر مين سبب المشكلة او نقف فى صف الطرف التاني اللى مهمتة الفترة الاخيرة تلخصت فى الهجوم على مسبب المشكلة بدون تقديم حلول !
ف تبقي المحصلة = الكويس فى مجتمعنا ( الطريق الأول ) + حلول لمشاكل الطريق الاول ( الطريق الثاني )
و بالتأكيد الطريقين هيجي اليوم اللى يتقابلوا فية .. و يكونوا فية طريق اوسع و معالمة افضل

– الحلول زي اية ؟
فى وادي المشمش مركزين حالياً على مشاكل التعليم و البطالة و الثقافة و الطاقة .. و الحلول البديلة ليها
.. و بالتأكيد فى مشاكل مستحوذة على اهتمام اكبر .. كترتيب منطقي للاولويات اللى هتساهم فى اننا نرسم معالم الطريق التاني ” المجتمع الموازي ” بشكل صح .. و ال ” ن ” فى نرسم مش محصورة على عدد اشخاص معين .. او Team .. لان هدفنا اننا نخلق قاعدة يبني عليها كل اللى بيشاركنا نفس الاهداف و الرؤية .. و منغلطش غلطة مجتمعنا اللى تمثلت فى البدء من الصفر كل مرة !
بجانب طاقتنا و مواردنا المحدودة .. و اللى بنشتغل على تنميتها و تطويرها بشكل مستمر

– بما ان رسم معالم الطريق و بناء المجتمع الموازي مش مقتصر على عددد أشخاص معين ! لية مكنش فية انضمام لمتطوعين جدد الفترة اللى فاتت ؟
دة لأن واحدة من اهم أولويتنا .. هي عدم استغلال طاقات كامنة ع الفاضي و تبديدها لمجرد التباهي بأرقام عن فريق عمل .. او انجاز عمل غير منظم ..
و احنا ك ” نواة ” بدأت .. كنا محتاجين ننضج بشكل كافي قبل تكوين ” نواة جديدة ” .. من حيث أساليب الادارة .. و وضوح الرؤية و الاهداف .. الأستعداد الكافي لمواجهة اى عقبات او مشاكل ..

دة اللى نجحنا فى الوصول لية ” الحمدلله ” على مدار السنتين ( الا 8 ايام ) اللي فاتوا ^_^

المهم انت شايفنا فين من الكلام دة ؟ ياتري بتشاركنا نفس الاهداف و الطموحات ؟

ياتري مستعد تكون جزء من النواة الجديدة اللى هتكمل رسم معالم و بناء المجتمع الموازي ؟ ( باقي 8 أيام ^_^ )

وادي المشمش | معاً نصنع المُستقبل

من الواضح ان كلية تجارة مطلعتش سهلة .. و من الواضح بردو ان المحاسبة طلعت #بعبع لأغلبة طلبة تجارة .. و غالباً طريقة تدريسها هتبقي هي السبب .. أياً كان مش هنركز مع المشكلة و خلونا نركز فى الحل اللى اسمه ” أفهم محاسبة ” ده كورس #مجاني بيقدمة المحاسب أ/ محمد رواش .. بطريقة ممتعة في فيديوهات هتبدأ معاك من مباديء المحاسبة المعادلة الحسابية و القيود … لحد ما يوصل معاك لمحاسبة الشركات و محاسبة المقاولات و المحاسبة الدفترية
و يكمل معاكم لحد أهم اسئله الانترفيو للمحاسبين ^_^ #ملكش_حجة #الجامعة_مش_كفاية
مدة كل فيديو بتبقي حوالي 15 دقيقة .. و الفيديوهات كلها حوالى 35 فيديو .. يعني مش هياخدوا منك 8 ساعات بالتمام و الكمال و انت قاعد فى بيتكم .. لا تنزل فى السقعة و لا يضحك عليك فى center كورسات ^_^

مباديء محاسبة
https://www.youtube.com/watch?v=z4fB9Nc2qZ0&list=PLb4WD8aZzxg7tJKFfunfnZh_I4QTmlrxr

محاسبة شركات
https://www.youtube.com/watch?v=7sER0lnhuDM&list=PLb4WD8aZzxg70FkA-xDUe2njTcBrsMewT

المحاسبة الدفترية
https://www.youtube.com/watch?v=GVpG3kN8PYQ&list=PLb4WD8aZzxg7CkPMPnv8lqi7yQbe_flhY

أهم أسئلة ال interview للمحاسبين
https://www.youtube.com/watch?v=bEzAvXKhL4Y&list=PLb4WD8aZzxg6o-vgr8LXb3yYRn7nLhk4U

#أفهم_محاسبة
#share_فى_الخير مين حياته ممكن تتغيير بسببك ^_^

طبعاً اغلبكم ميعرفش مين دة .. بس اغلبكم يعرف يحسب ان 12000 دولار × 7 = 84000 الف جنية مصري .. دي ارباح ” محمد أنس ” من شغلة ك Freelancer على “خمسات”
http://www.khamsat.com
.. واللى بينطبق علية الكلام اللي بدانا بية اول مقالة : انك ممكن بتشتغل الحاجة اللى انت بتحبها .. و مش مطلوب منك شهادة تخرج و لا 5 سنين خبرة و لا سن معين عشان تثبت انك جدير بالشغل دة .. و انك ليك الحرية الكاملة فى اختيار الوقت اللى حابب تشتغل فية ! ومش مطالب انك تصحي فى وقت معين او تروح فى وقت معين .. لأ و اية كمان انت اللي بتحدد مرتبك .

المقال دة تكملة ل 4 مقالات بدأنا فيها عن ال Freelancing وقدمنا كل اللى ممكن تحتاجة عشان تقدر تحقق نجاح مماثل ل ” محمد أنس ” و افضل $_$ .. و فى حالة انك مقرأتش ال 4 مقالات اللي فاتوا #لا_تقلق تابع مقال النهاردة عادي جداً و هتلاقي باقي المقالات فى الآخر ..
النهاردة تركيزنا هيكون على الجزء التطبيقي على موقع خمسات ” لكونه أفضل منصة عمل حر .. يعني ال English مش هيبقي عقبة بالنسبة ليك ” ..
بداية من : 1- ” الأشتراك فى خمسات “
هتدخل على موقع “خمسات”
هتختار ” سجل مجاناً ”

بعد كده هتبدأ تدخل معلوماتك ..

نصيحة :
– أسم المستخدم من المفضل انه يكون أسمك الحقيقي أو اسم نشاطك يعني كمثال ” Mohamed Nagy ” او ” mn studio ” لكن أبعد كل البعد عن الأسماء الوهمية .. دي بتضعف ثقة العملاء فيك و بتخليهم يترددوا في قرار الشراء منك .
– كلمة المرور “Password ” للأمان يفضل ان يكون خليط حروف و ارقام مع علامات .. مثال ” mn#6546541 ”
بعد كده هتدوس “تسجيل” و هتوصلك رسالة تأكيد اشتراك عبر الايميل .. هتفتحها و تدخل على ال Link اللي فيها

مبروك .. بقي عندك حساب على موقع خمسات جاهز للشغل .. بس فى شوية حاجات محتاجة تتظبط كتطبيق للنصايح اللي اتكلمنا عليها فى المقالات السابقة ..
حالياً صورة حسابك هتبقي بالشكل دة ..

وضروري جداً تغيرها لصورة شخصية او صورة خاصة بنشاطك زي ما اتفقنا .. دة بيدي مقدار من الثقة لعملائك المحتملين عشان ياخدوا قرار الشراء ..
كل اللى عليك انك تدخل على موقع Gravatar و تعمل اكونت بنفس الايميل اللى اشتركت بية فى خمسات و ترفع صورتك اللي حابب انها تظهر على خمسات
https://en.gravatar.com/

دلوقتى حضرتك جاهز تضيف اول خدمة ليك .. بمجرد ما تقف على اسم حسابك .. هتظهرلك قائمة .. هتختار منها ” خدمة جديدة ”

هتبدأ تضيف خدمتك و تهتم جداً بكل النصايح اللي قدمناها فى المقال الثاني : http://mshmshvalley.com/freelancing-2/

بالاضافة للنصائح الموجودة بالمقال الثاني .. خليك حريص انك تختار ” تصنيف” مناسب و دقيق لخدمتك .. و دة اللى بدورة هيسيهل وصول العملاء ليك
و اللي بالأضافة ليها لازم تهتم ب ” الكلمات المفتاحية ” و اللى اتكلمنا عن اهميتها فى التسويق ليك فى المقال الثالث : http://mshmshvalley.com/freelancing-3/
..
– بعد اضافة الخدمة هتراجعها الادارة و تتواصل معاك فى حالة وجود اي مشكلة لكي تقوم بحلها عن طريق ” التنبيهات ”
– طيب بفرض تم رفض خدمتك ؟

عادي جداً :
1- هتلاقي رسالة وصلتك على الايميل .. راجعها كويس و حاول تحل النقط اللى تم رفض الخدمة بسببها
2- دور على خدمات مشابهة لخدمتك و شوف طريقة عرضهم للخدمة .. أفهم وطبق مش Copy و Paste ^_^
3- قبل ما تبدأ فى نشر خدماتك .. حاول تقرأ شروط استخدام وسياسات الموقع جيدا

– فى حالة وجود عميل يرغب فى اى استفسار قبل شراء الخدمة ستجد منه رسالة فى ” الرسائل ” ..
– عندما يقوم العميل بشراء خدمة من خدماتك ستجدها فى ” طلبات واردة ”
– بعد الانتهاء من تنفيذك الخدمة على أكمل وجة .. بأمكانك تحديد اختيار “تم الإنتهاء من العمل المطلوب” لتصلك ارباحك من بيع الخدمة 4$
– طيب بفرض ان مفيش طلبات جتلك بعد أشتراكك فى خمسات ؟

– متيأسش دة امر طبيعي .. ديماً العملاء بيميلوا انهم يشتروا من حد معروف و باع قبل كده .. لكن انت لو اشتغلت على عرض خدمتك بشكل سليم و نافست فى السعر و الكمية .. بعض العملاء هيخاطروا و يجربوا .. و بعدها العملاء اللي كانوا قلقانين هيشتروا منك ” راجع المقال ال 3 للنصائح التسويقية داخل و خارج خمسات ”

و دة هياخدنا للجزء اللي شاغل بال أغلبكم ” الرصيد ” .. ازاى اسحب فلوسي ؟ .. ازاى استلم فلوسي ف أيدي ؟
#لا_تقلق هقولك .. بس لازم تبقي عارف اولاً ال 4$ اللى حققتهم بيتعلقوا لمدة 14 يوم قبل أن تتمكن من سحبهم حفاظاً على حقوق كل الاطراف .. و ان اقل ممبلغ ممكن تسحبة هو 10$ عن طريق ال Paypal
و نيجي لنقطة ال Paypal و اللي تعتبر عقبة بالنسبة لناس كتير ..
Paypal دة بنك اليكتروني .. بمعني انه بيتيحلك انك تستلم و تبعت فلوس ع الانترنت بشكل امن ” المحفظة بتاعتك ع النت ” .. و الاشتراك فية أسهل ما يمكن ..
http://www.paypal.com
– ازاى تسحب فلوسك ل كاش ف ايدك من Paypal ؟
– هتحتاج فى المرحلة دي لربط حساب ال Paypal الخاص بيك .. بحساب بنكي فى دولتك و يفضل ان تكون مدعومة من Paypal
–
– طيب بفرض ان ده حل معقد بالنسبة ليك ياتري فى بدائل تانية ؟
فعلياً انت تقدر تستلم فلوسك مباشرة من خمسات عن طريق شراء خدمات “وسيط” .. بيقدم تحويل رصيدك لحوالة بريدية او لبطاقة فودافون كاش ” للمصريين ” كمثال .. لكن .. بالتأكيد هيبقي فى عمولة للوسيط
..
أطمأنيت على ال $$ .. ^_^ نيجي لنقطة مهمة كنا اتكلمنا عنها فى المقال التالت كنوع من التسويق انك تضيف اعمالك ل ” نماذج الأعمال ” ب ” مجتمع خمسات ” .. تقدر توصلة من هنا : https://khamsat.com/community

بكده نكون خلصنا الجزء الاول من سلسلة المقالات ( 5 مقالات ) أي أسألة او أستفسارات متترددوش احنا مكملين معاكم .. و استنونا قريب جداً فى #الجزء_الثاني من سلسلة المقالات بمفهوم أوسع للعمل الحر ” Freelancing ” ..

طبعاً انت عمال تسمع عن برمجة الموقع وعن لغات برمجة المواقع ومش عارف تعمل ايه وشايفها شغلانة كويسه لكن مش عارف تبدأ ازاى ؟
طيب خلينا نتفق ان لغات برمجة المواقع كتير منها Java, Asp.net ,PHP وغيرهم احنا هنركز النهاردة على ال PHP
طب عشان تتعلم PHP تعمل ايه من البداية خالص اول حاجة لازم تعرف واهم حاجة ان لغة ال PHP مش لغة سماعية ولا نظرية بمعنى انك متقعدش تجيب فيديوهات و لا كتب طول الوقت طبعا الحاجات دى مفيدة بس مش على طول يعنى خد اساسيات اللغة و أبدأ نفذ

ذاكر لحد ال Forms انك عايز تعمل Form وتاخد البيانات من اليوزر وتعمل عليها Validation طيب بعد ماخد البيانات من اليوزر تدخل للداتا بيز او تعرض حاجة من الداتا بيز ف ده دور ال MySQL زاكر ازاى تعمل كونكت للداتا بيز وتعمل Create Retrieve Update Delete دول اهم حاجة بعد كده يجى ال Join والكلام ده هتعرفه وانت ماشى فى السكة , انت كده خلصت اساسيات ال PHP وال MySQL اعمل ايه تانى ؟

دور ع النت على اى مشروع مشابهة بسيط واعمله بالحاجات اللى انت اتعلمتها , هتقابل حاجات متعرفهاش وحاجات اول مرة تسمع عنها ؟ ايوة طبعا لو مقابلش حاجة صعبه اعرف انك ماشى غلط هنا بقه هتلم حاجات اكتر من الحاجات اللى اتعلمتها فى الاول لكن بتتعلم وانت شغال

جة دلوقتي دور المصادر اللى ممكن تعلم منها :

1- http://www.codecademy.com/en/tracks/php

2- http://www.homeandlearn.co.uk/php/php.html

و فى حالة انك عندك مشكلة مع ال English .. دول شوية مصادر عربي تقدر تتعلم منهم php لحد ما تتعلم english #اياك_تكسل

1- http://www.websy.net/learn/php/1.htm
2- http://ar.html.net/tutorials/php/

#عيش_freelancer #متستناش_الوظيفة

طيب اية احنا خلصنا كده ؟؟ انا لسه عاوز اعرف و اتعلم حاجات كتير تانية .. مكشر لية يا جدع انت مواطن فى وادي المشمش يعني كل حاجة و ليها حل

أبدأ مذاكرة الكلام اللى فوق .. و تابعنا يومياً على وادي المشمش الساعة 6 مساءً .. هيبقي فى Post هيساعدك انك تعيش freelancer .. غير ان من البعيد ان شاء الله هيبقي فى اكتر من EVENT فى القاهرة و اسكندرية

منحة صيفية لتعلم اللغة التركية والاستمتاع بالاثار التاريخية والاماكن الرائعة بـ تركيا #مجاناً

شروط القبول :

1- المتقدم لابد ان يكون طالب فى جامعة خارج تركيا

و عمرك بين 18 الى 30 سنة

2- الحصول فى اخر ترم دراسي  على 70% على الاقل

3- لم يحصل على منحة قبل ذلك من الجمهورية التركية ولم يكمل اى جزء من دراسته فى تركيا (مش هنفع للمرة التانية )

وهذه الاوراق المطلوبة فى عملية التسجيل :-

– بيان قيد من الكلية اللى انت فيها – البطاقة الشخصية – صورة شخصية – درجات اخر ترم دراسي

التقديم مفتوح حتى 7 مايو 2014 #لسه_قدامك_فرصة

رابط التقديم :   http://www.turkiyeburslari.gov.tr/formlar/yazokulu/

ملاحظات :

– تعلم اللغة يبدأ من 17 يوليو وينتهي فى 24 اغسطس ، يليها زيارة سياحية فى اسطنبول من 25 الى 29 اغسطس وبعدها تنتهي المنحه..

– ستحصل على مبلغ قدره 500 ليرا تركي فى الشهر.

– مركز يونس امرة دا
عنوانه : 22 شارع بابل متفرع من شارع مصدق، الدقي — ودا رقم تليفونه : 37621873

#share_فى_الخير متعرفش مين حياته ممكن تتغير بسببك ^_^

وادي المشمش | معاً نصنع المُستقبل

” ده في المشمش ” كلمة بنسمعها كتير فى مصر و بتستخدم للمماطله في تنفيذ شيء معين وصعوبته “او” استحاله تنفيذه

وأصل الجملة #المحبطة دي و اللى تحطمت عندها طموحات و احلام ناس كتير .. بيرجع  لـ تجار الفواكه و اللى عند سؤالهم عن الضرايب او الفلوس المدينين بيها بيقولو “في المشمش” يقصدوا (موسم المشمش اللي جاي )
يعني السنه الجايه للمماطله ” مكانوش ناويين يدفعو من الاخر ”

وده لان المشمش من الفواكه اللي عمرها قصير جدا لدرجه انه ممكن ما يستمرش في السوق لشهر مثلا … و ممكن ناس كتير ما تلاحظش وجوده اصلا و ما يظهرش غير السنه اللي بعدها