ليه ساعات بنلاقي حاجات غير هادفة بتتشهر وبتتحول لتريند الكل بيتكلم عنه وحاجات تانية مفيدة وتستحق الشهرة لكن ملهاش نصيب منها؟

إيه اللي بيخلي الناس تتأثر بفكرة أو منتج وتتكلم عنها؟

إزاي لو عندي منتج أو رسالة معينة أقدر ألفت نظر الكل ليها وأسوقلها صح !؟

طبعًا محدش يقول إن جودة المُنتج أو سعره بس ! هما اللي بيفرقوا في تسويق الفكرة لوحدهم لإننا بنلاقي منتجات أسعارها غالية وممكن جودتها قليلة ومُنتشرة أكثر من غيرها

أكيد في أسباب تانية .. أكيد في أسرار محدش قالها لنا .. أكيد لازم نفهم طريقة تفكير العملاء بتوعنا صح علشان نعرف نتعامل معاهم

وأكيد مش هنسيبك تايه في كتر المصادر اللي موجودة على الإنترنت وهنجبلك مصدر احترافي مُجرَّب تقدر تتعلم منه تسويق المحتوى للعملاء

وهو  كورس Viral Marketing and How to Craft Contagious Content
كورس عبقري بمعنى الكلمة هيعرفك الأسرار اللي تخليك تسوق لأي فكرة وتحولها لتريند ومصدر دخل
كل كلمة بتتقال في الكورس وليها قيمتها ولو طبقتها هتفرق مع نجاح فكرتك كتير

سواء كنت رائد أعمال أو كاتب محتوى أو صاحب مشروع أو بتدير صفحة على الفيسبوك لازم تذاكر الكورس ده فوراً .. ولو مش مقتنع بأهميته فتجربته هتكون خير دليل

طبعًا بعد كل الكلام الجميل ده هتقول إن الكورس بألوفات الجنيهات مهو مش معقولة حد هيعمل محتوى بالجمال ده ومجاني :/

نحب نقولك هو مجاني تمامًا لإنه مقدم على موقع Coursera الغني عن التعريف .. واللي بيهتم بتقديم العلم القيم من أعرق جامعات العالم بصورة مجانية علشان يفيد الطلبة .. وكمان أونلاين .. الجامعة اللي بتقوم بشرح الكورس ده هي جامعة بنسلفانيا

الكورس متوفر مجانًا لكن الشهادة بفلوس .. فلو حابب تحصل على شهادة مجانًا مفيش أسهل من كدا لإنك ببساطة تقدر تملى استمارة بسيطة اسمها “استمارة الدعم المالي”
وبعد قبولها هتحصل على شهادة مجانية وهنشرح لموضوع ده بالتفصيل في نهاية المقال

نظام الكورس
– مدة الكورس 4 أسابيع .. كل أسبوع بيتكلم عن موضوع معين.. وبيتكون من مجموعة فيديوهات مش بتزيد مدة كل منها عن 10 دقايق عشان الناس اللي بتزهق بسرعة

– بعد ما تخلص الفيديوهات بتحل امتحانات + تكليفات مطلوب تنجح فيها علشان تضمن إنك فهمت الكورس .. ومبروك عليك الشهادة

طريقة التسجيل في الكورس:
* بننصحك تفتح الموقع وتمشي معانا خطوة بخطوة علشان تعرف تسجل
1- هتسجل على موقع Coursera من خلال اللينك ده
https://www.coursera.org/

2- لو عايز تحصل على محتوى الكورس من غير شهادة فده متاحلك مجاني من خلال إنك هتدوس على اللينك ده
https://www.coursera.org/learn/wharton-contagious-viral-marketing
وتدوس على Enroll وتختار no certificate

3- إنما لو عايز الشهادة هتعمل حاجة اسمها “دعم مالي Financial aid” من خلال Apply for Financial Aid وتجاوب على مجموعة أسئلة عن بيانات الشخصية وأسباب طلبك للدعم، ومذاكرتك للكورس

مستناش تقولنا رأيك في الكورس، وإيه اللي استفدته منه؟ ^_^

الكلام الجاي دة بمثابة الكنز لكل المهتمين بال Sales و ال Marketing .. لانه عبارة عن خلاصة تجارب و نصائح مجموعة من مديرين تسويق و مبيعات اكتر من شركة فى قائمة فورتشن العالمية لأكبر 500 شركة تجارية فى العالم
فى مجموعة كورسات و كتب قيمتها 199$ ( اكتر من 3600 جنية ) .. حضرتك تقدر تستفاد منها #مجاناً و بشكل رسمي عن طريقSchool Sales Hacker و وادي المشمش ^_^

عبارة عن :
• 13 كورس اونلاين
• اكتر من 35 ساعة شرح
• 200 فيديو و محاضرة
تقدير تستفيد منهم مباشرة .. عن طريق الكوبون دة ” marketingvip ”
او تدخل على اللينك دة مباشرة :

http://market.saleshacker.com/p/marketing-school-sales-hacker-bundle/?coupon_code=MARKETINGVIP

وتعمل Enroll in course ..

دى عناوين جزء من الكورسات اللى هتقدروا توصلوا ليها بشكل مجانى :
-Content is King: 7 Steps to Crush Quota with Killer Sales Content
-Career Progression With Hired – How To Build Your Personal Brand
-Compete or Die: Why ABM is a Must in 2017
-Transitioning To An Account Based Selling Model
-The Secret Sauce to Account Based Marketing and Sales
-The Account Based Sales Hacker Course