زي ما بيقولوا الحياة مراحل، ولكل مرحلة عمرية اهتمامات وأولويات .. في فترة العشرينات والثلاثينات تركيز الناس على الشغل ممكن يفقدهم جوانب تانية مهمة في حياتهم زي علاقتهم بالناس أو تطوير الذات او حتى جانب الترفيه.

رغم ان ناس كتير بتشوف ان الشغل هو الأولوية لإنه مصدر الدخل وسبيل تحقيق الطموح والذات وهكذا، لكن مع الأسف فيه جوانب تانية في الحياة لا تقل أهمية ابدًا عن الشغل محتاجين نديها حبة اهتمام، عشان كده دي 5 نصائح هتساعدك تحقق توازن بين حياتك الشخصية والعملية

1) وضع جدول لمواعيد العمل

لو انت موظف full time او part time فمواعيد العمل عندك محددة ومعروفة وبالتالي مفيش مشكلة. لكن مطلوب منك انك تسيب الشغل في مكان الشغل وبعد ما تخرج تبطل تفكير فيه لحد تاني يوم. متقبلش بشغل إضافي تاخده تكمله في البيت أو تسيب نفسك متاح لصاحب العمل طول الوقت انك تخلص له اي task يطلبها منك في أي وقت. الضغط النفسي اللي بيسببه الشغل ليك بيخيلك مش قادر تعيش حياتك فلازم تفصل منه باقي اليوم.

اما لو كنت موظف حر Freelancer فانت محتاج تحدد عدد الساعات اللي تقدر تشتغل فيها. مش مهم هيكونوا بالنهار ولأ بالليل، المهم تحدد عدد ساعات معين. متوسط عدد ساعات العمل للفريلانسر من 4 ل 6 ساعات، تقدر تزود او تقلل حسب مجهودك واحتياجاتك.

2) تخصيص وقت للتعلُّم

انشغالك في العمل زيادة عن اللزوم بياخد كل وقتك في حين انك محتاج وقت تتعلم حاجات جديدة في مجالك وغير مجالك. فبدل ما تقعد تشتكي انك مش فاضي تتعلم حاجة، ضروري تخصص ولو نص ساعة في اليوم -ومش شرط بشكل يومي حتى- تتعلم فيهم حاجة ليها علاقة بشغلك لإنك مهما كنت خبير فأكيد فيه حاجات في مجالك لسة محتاج تتعلمها وتجربها. لما تطور نفسك في شغلك هتزود فرصك في الحصول على ترقية أو تزود عملائك وتعلي من جودة شغلك.

إلى جانب التعلُّم محتاج انك تكون متطلع على كل ما هو جديد. لو بتحب القراءة خصص وقت لقراءة كتاب معين أو مقالات بتنشرها بعض المواقع اللي بتقدم محتوى مفيد في مجالات مختلفة. لو مش بتميل للقراءة، استبدلها بمشاهدة أفلام وثائقية بتقدم نفس ال value او متابعة قنوات هادفة على اليوتيوب.

3) تحديد وقت للعلاقات الإجتماعية

الحقيقة ان البند دة مش خاص ابدًا بالناس اللي بتقعد تعاتبك انك مبتسألش لإن لو هما اهتموا وسألوا مكنوش عاتبوك. الدنيا مشاغل آه، بس مينفعش تسمح لنفسك مهما بلغ انشغالك انك تنقطع عن اهلك سواء بالزيارة أو بالسؤال. لازم تحدد وقت ولو يوم في الاسبوع تقضي معظمه معاهم وتعوضهم عن انشغالك طول الإسبوع عنهم.

بجانب الأهل محتاج تقضي وقت مع صحابك سواء صحاب من داخل او خارج الشغل. ياريت قبل ما نفقد صحابنا تمامًا نحاول نحافظ عليهم ولوحتى بتجمع أو خروجة مرة في الشهر. مهم جدًا تحافظ على شبكة علاقاتك داخل او خارج الشغل لإنهم أفضل ناس هيدعموك نفسيًا ومعنويًا لما تكون محتاج للدعم والمساعدة.

4) خصص وقت لنفسك

بعد ما توزع وقتك على شغلك وأهلك وتطوير نفسك هيتبقى انك تخصص وقت لنفسك وبس. دايمًا محتاجين وقت لنفسنا نقعد نفكر فيه. ال overthinking اللي بيجي وقت النوم دة وبيسبب لنا أرق او حتى بيجي وقت الشغل ويعطلنا عنه ويقلل تركيزنا فيه علاجه هو اننا نحدد وقت للتفكير. لو جه في بالك اي افكار خارج الوقت دة سجلها في note وسيبها للوقت اللي انت مخصصه للتفكير. بالإضافة للتفكير محتاج تقعد مع نفسك تخطط لحياتك سواء على المدى القريب او البعيد.

لما بيكون كل شئ محدد بتقدر تدي لكل جانب على قد ما يستحق عشان تقدر تحقق توازن في حياتك. فيه ملحوظة مهمة جدًا وهي انك مش لازم تعمل كل دة كل يوم او حتى كل اسبوع، الشغل غالبًا 5 أو 6 ايام في الإسبوع والباقي اجازة تمامًا من الشغل. التعلم والإطلاع مهم يكون بشكل يومي بس لو عندك فترة ضغط في الشغل ممكن يكون بشكل اسبوعي يعني يوم الأجازة، وهكذا.

انت أفضل شخص يحدد ويرتب أولوياته وجوانب حياته لإن لكل شخص ظروف مختلفة عن التاني. فمن الأفضل تراعي كل النصايح دي بدل ما يعدي الوقت ويكون فات الأوان انك نحقق التوازن اللي محتاجه في حياتك.

طول ما انت بتتعامل مع اليوم على اساس انه 24 ساعة !! تأكد ان الوقت هيفضل مش كفاية و قايمة المهام اللى وراك هتفضل تتراكم .. يوم ورا يوم .. و اهدافك هتتأجل سنة ورا سنة !!

العكس تماماً لو قررت تتعامل مع يومك ك 86,400 ثانية .. !! طبعاً نقصد بأنك تتعامل مع يومك بالثواني مش انك تخالف نظام البشر المتعارف علية و تبدا تدي مواعيدك بأرقام و توقيتات غير مفهومة ! ^_^

اللى نقصده انك تخطط ليومك صح .. تحترم كل ثانية فية .. تتخلص من كل الحاجات اللى بتستهلك وقت ع الفاضي حتى لو كان بسيط ..
طيب ازاى تخطط ليومك صح ؟ و ازاى تضاعف انتاجيتك فى نفس الوقت المتاح ليك
افضل اجابة للسؤال دة هتلاقيها عند ” Timothy Kenny ” من خلال الكورسة اللى بيقدمة على Udemy
Mastering Planning Vol 1: Hourly and Daily Planning
و اللى الهدف منه انه يعلمك اسلوب PAMeLa model لتخطيط يومك (Plan, Act, Measure, Learn)
الكورس هيحتاج منك 4 ساعات و نص مذاكرة .. لكنه هيوفرلك اكتر من 4 ساعات و نص كل يوم كانت بتضيع بسبب سوء التخطيط
الأزمة الوحيدة هي سعر الكورس : 200$ !! لكن دلوقتي و لمدة 48 ساعة تقدر تستفيد من الكورس #مجاناً و بشكل رسمي من Udemy عن طريق ال coupon اللى تم توفيرة لكل مواطنين وادي المشمش
الكورس مجاناً : http://mshmshvalley.com/mastering-planning-1

مش بس كده .. بمجرد ما تخلص الكورس دة و تتعلم ازاى تدير كل ثانية فى يومك .. نصيحة حاول تكمل سلسلة كورسات Mastering Planning و اللى بتتكون من 5 كورسات قيمتها 1000$ دولار ( حوالى 18,000 جنية ) .. و اللى فعلياً على الرغم من كون الرقم مستحيل لأغلبنا الا انها تستحق .. و فعلياً وقتك و حياتك قيمتهم اكبر من كده بكتير
لكن بردو أطمن تقدر تستفيد منم مجاناً تماماً و بشكل رسمي من Udemy ^_^

– Mastering Planning Vol 2: Weekly Planning
http://mshmshvalley.com/mastering-planning-2

– Mastering Planning Vol 3: Monthly Planning
http://mshmshvalley.com/mastering-planning-3

– Mastering Planning Vol 4: Quarterly Planning
http://mshmshvalley.com/mastering-planning-4

– Mastering Planning Vol 5: Yearly Planning
http://mshmshvalley.com/mastering-planning-5

تذكر دائماً :
كل ساعة تقضى في التخطيط الجيد توفر ثلاثة او اربع ساعات في التنفيذ

“الخزامي”

بالحديث عن أفضل 10 أساليب لأدارة الوقت فدعنا لا نضيع وقتاً فى مقدمة للحديث و دعنا نتطرق الى تلك الاساليب مباشرة :

1- اكتب كل حاجة
فى حاجات كتير جدا المفروض تعملها .. إجتماعات، واجبات وطلبات لسه معملتش فيها اى حاجة، وعلشان بقى تفضل فى القمة – اكتب وسجل كل مهمة محتاجة إنتباهك.. فى أدوات كتير ممكن تستخدمها زى مثلا Google keep.
2- رتب أولوياتك على أد ما تقدر
جزء الإدارة من إدارة الوقت بيقولك أن مش كل حاجة محتاجة إنتباهك دلوقتى حالاً. لأ – رتب أولوياتك، مش بس جوه دماغك – لا رتبهم على الورق – أعمل قائمة مكتوبة ورتب فيها مهامك وواجباتك المطلوبة منك. برده ممكن تستخدم أداة تساعدك فى النقطة دى.

3- متعملش الحاجة اللى مش مهمة
متحاولش تعمل كل حاجة – أنت عندك أهداف عاوز توصلها، علشان كده لازم تركز ومتضيعش وقتك أنك تعمل حاجات واضح جدا أنها مش هتوصلك لأهدافك دى.

4- وزع طاقتك فى الإتجاه الصحيح
النقطة دى تحسها شبه نقطة رقم (3) شوية، لكن بوضح فيها أنك محتاج تُظبط النتيجة بتاعتك، مهامك وأولوياتك بشكل يخلى مواردك متوزعة فى الإتجاه الصحيح .

5- حط مواعيد نهائية
مهما كانت المهمة كبيرة او صغيرة، حاول أنك تحطلها ميعاد نهائى deadline وأتمسك بالموعد ده فى خطة إدارة وقت. احترم المهام المهمة وذات الأولوية فى قائمة مهامك.

6- متحاولش تكون ممتاز من أول مرة، حاول وكرر
أنت مش محتاج تكون ممتاز فى البداية ومن أول مرة، حاول بس أنك تنجز فى المهام وأنك تنتقل للمهام اللى بعدها علشان تكون بتدير وقتك بشكل أفضل. ممكن تكون محتاج ترجع تانى لمهمة كنت شغال عليها، بس عادى مفيش مشكلة.. حاول وكرر

7- بلاش تبالغ
حط بس مقدار الجهد اللى أنت محتاجه، مش أكتر من كده. ممكن تستخدم وقتك بكفاءة فى أى حاجة تانية. فى بداية حياتى المهنية، كنت بحبط بعد ما أقضى وقت بعمل presentation الهدف منها عرض بيانات عملية، ومالقيش حد اهتم أن هامش الجانب الشمال أكبر شوية من هامش الجانب اليمين للصفحة!! .

8- إتعلم أنك تنهى المهمة – قصر قائمة مهامك
حاجة ممتعة جداً أنك تلاقى نفسك خلصت مهمة وبتشلها من قائمة المهام، بدل ما تضيف واحدة زيادة عليها. وعلى الرغم انك حاطط أولويات للمهام فى القائمة، لكن لو مثلا لقيت أن المهمة رقم (3) محتاجة بس 5 دقايق من وقتك وتكون خلصت، خلصها واشطب عليها فى قائمة المهام ( المهمة انتهت) – ساعتها هتحس إحساس اللى أنجز حاجة.

9- بلاش تشتغل لوحدك
أطلب المساعدة، متحاولش تعمل كل حاجة لوحدك. الأمتع أنك تشتغل وسط مجموعة، الموضوع ده هيساعدك ده كتير، هتبنى علاقات قوية وهتلاقى نفسك فى النهاية بتنجز شغل أكتر من اللى ممكن تنجزه لوحدك.
مثلاً اشترك فى مجموعة دراسية، هتلاقى ان حجم الشغل المُنجز ضعف او ثلاثة أضعاف الشغل اللى ممكن تعمله لوحدك.
10- ارتاح، خدلك break لو حسيت انك مش فى قمة نشاطك
أهم نقطة فى أساليب إدارة الوقت، انك لو تعبان أو مضغوط هيبقى صعب جدا أنك تبقى مُنتج وتنجز حاجة. علشان كده لما تكون فى الحالة دى خدلك فاصل من الدراسة والشغل واعمل أى حاجة خفيفة ومرحة. اشترك فى أى نوع رياضة واشحن بطارية طاقتك قبل ما ترجع تشتغل تانى وهتقدر وقتها أنك تنجز أكثر من اللى كنت هتنجزه فى نفس مدة الوقت.