يُعتبر كتاب الأب الغني والأب الفقير هو أحد أفضل كتب الذكاء المالي وكيفية حُسن إدارة المال والأعمال، من تأليف الكاتب الأمريكي روبرت كيوساكي حيث يقدم الكاتب نصائح مالية من خلال المقارنة بين أبوين أحدهما غني والآخر فقير. الغِنَى والفقر الذي يناقشه الكتاب ليس غرضه التركيز على حجم الأموال بقدر ما يهدف إلى التركيز على سلوك كلًا من الأبوين وطريقة تفكيرهم وعادتهم وفلسفتهم في الحياة عمومًا وفيما يخص المال أيضًا.

و فيما يلي أهم الدروس الرئيسية اللي تم مناقشتها من خلال الكتاب:

1) الأغنياء لا يعملون من أجل المال
يقول الأب الغني ‘المال يعمل من أجلي’ – وليس العكس. يريد الغنى منك أن تتعلم كيفية تسخير المال للعمل لصالحك. و إذا أردت أن تتقن هذا، عليك أن تخفف أولًا من مخاوفك.

وفقا للأب الغني ، الخوف هو العاطفة الأساسية عندما يتحدثون عن الأموال. إنها تحافظ على بقاء معظم الناس في وظائفهم لأنهم يخشون العجز عن دفع الفواتير أو عدم وجود ما يكفي من المال. إذا كنت لا تريد أن تصبح عبدًا لأموالك ، عليك أن تفكر في ذلك بطريقة منطقية ، وليس من خلال العاطفة والمشاعر.

2) لماذا علينا أن نتعلم محو الأمية المالية؟
الأب الغني يعتقد أن وجود المال دون الذكاء المالي سوف يذهب في أسرع وقت ممكن. هذا هو سبب أهمية الثقافة المالية. المدارس تعلم الناس فقط كيفية العمل من أجل المال. وهي مصممة لإنتاج موظفين جيدين بدلاً من أرباب العمل. وما يفتقر إليه التعليم الأكاديمي هو ما يسمى ب”القدرة المالية” – أي ما تفعله بالمال بعد الحصول عليه، وكيفية منع الناس من سلبها منك ، ومدة احتفاظك بها ، وكيف يمكن تسخيرها لخدمتك. إذا كنت تريد أن تصبح مستقلًا ماليًا، عليك أن تفهم أرقامك بشكل افضل.

3) قم بإدارة مشروعك الخاص
يجب ألا تعتمد على وظيفتك لتصبح آمنًا من الناحية المالية ؛ بدلًا من ذلك ، ركز على عملك الخاص وكيفية تطوير أصولك. وكما يقول كيوساكي ، ‘غالباً ما يكون سبب الصراع المالي هو أن هناك أشخاص يعملون طوال حياتهم من أجل شخص آخر. احصل على الأصول التي يمكن استخدامها لشراء الأصول الحقيقية المدرة للدخل. وأشار الأب الغني إلى أن الأصول الحقيقية هي أي شيء ذو قيمة – الأسهم والسندات والصناديق المشتركة والعقارات المدرة للدخل والعوائد من الملكية الفكرية ، إلخ.

4) الغني يخترع المال
بينما ينتظر معظم الناس الحظ والفرص، فإن الأغنياء يخلقون فرصًا للخروج من العقبات. في العالم الحقيقي ، ليس الذكي الذي يتقدم وينجح بل الجريء. إذا كنت لا تفكر مليًا وتجازفًا ، فسوف تقضي حياتك كلها في انتظار شيء قد لا يحدث مطلقًا. أكد Kiyosaki هنا على أهمية التعليم المالي. يعتقد الأغنياء أنه كلما زاد العمل زاد المال؛ بل يسعى إلى أن يصبح متعلمًا ماليًا لاستكشاف المزيد من الخيارات والحصول على المزيد من القوة.

5) العمل من أجل التعلم لا من أجل المال
يعتقد كيوساكي أن هناك أشخاص ينقصهم فقط مهارة واحدة لتحقيق الثروة المنشودة. بالإضافة إلى الأشياء التي نتعلمها في المدرسة ، نحتاج أيضًا إلى تعلم المهارات اللازمة لتحقيق النجاح المالي . يبحث الأغنياء عن العمل الذي يزيد من خبرتهم وعلمهم أكثر مما يزيد أموالهم. بعض المجالات المهمة التي يجب تعلمها والتركيز عليها هي الإدارة والتواصل. كما شدد كيوساكي على أهمية مهارات المبيعات والتسويق. هذه هي المعرفة التي يجب أن يكتسبها الناس للوصول إلى الطريق نحو الحرية المالية.

الأثرياء يرون المال بشكل مختلف. ﻳﻌﺮف أن هذا اﻷﻣﺮ ﻻ يكفي ﻟﻜﺴﺐ اﻟﻤﺎل لذا يتعلم المزيد عنه وعن كيفية إدارته. من الأفضل أن تصبح مستقلًا ماليا وايضًا متعلمًا ماليًا. إن وجود المعرفة عندما يتعلق الأمر بالأمور المالية أمر ضروري ليس فقط للمستثمرين، ولكن لكل شخص. سيكون للقرارات المالية التي تواجهها بشكل يومي تأثير كبير في مستقبلك ، لذا يجب أن تعرف كيف تكون مسؤولاً عن ذلك من الآن.

تعرف موقع إيباي ebay ؟.. طب تعرف كام مليون شخص بيدخل الموقع كل شهر؟
موقع إيباي ebay هو أكبر موقع مزادات على الإنترنت، بيمثل دور الوسيط بين البائع والمشتري، بيدخل الموقع اكتر من 113 مليون شخص شهرياً، و متاح لأي شخص إنه يعرض منتجه ويبيعه من خلاله، ومتاح لك أنت كمان إنك تبيع مشغولاتك اليدوية أو تحف موجودة عندك لأي شخص في العالم ويبقي مصدر دخل شهري لك.

 إشمعني المشغولات اليدوية والتحف؟
مع إنك تقدر تبيع أي حاجة على موقع إيباي ebay إلا إن المشغولات اليدوية والتحف من أحسن الحاجات الى ممكن تبعها على ebay عشان سببين مهمين جدا

أول سبب: أن الطلب على الHandmade والتحف عالي جداً في المواقع إلى زي إيباي.
تاني سبب: إنك مهما زودت في ثمن منتج من المشغولات اليدوية أو تحفه قديمة الناس برضو بتشتريه لأن المشغولات اليدوية والتحف بتكون ليها قيمة كبيرة عن المنتجات التانية، وده هينفعك جدا قدام.

طيب أنا ما بعرفش اعمل مشغولات يدوية ومش محتفظ بأي تحف؟
مش مهم.. أنت ممكن تروح لأي حد بيعمل مشغولات يدوية أو تروح لمحل بيبيع تحف قديمة وتختار منتج تبيعه على ebay وتتفق معاه إنك هتصور المنتج ده إلى عنده وترفعه على الموقع ولما حد يطلبه من الموقع تبقي أنت تشتريه منه، وبكده تكون نفعت وإستنفعت من غير ما تصنع أنت حاجة بإيدك.

طيب أنا محتاج إيه عشان ابدأ؟
حضرتك مش محتاج غير حساب على إيباي عشان تبدأ تبيع. وماتقلقش بالنسبة للتسويق لأن زي ماقولتلك الموقع بيدخله أكتر من 113 مليون شخص شهرياً، يعني زبونك هيجيلك لحد عندك.
وحساب PayPal باي بال عشان تقدر تسحب أرباحك من الإيباي.

إيه هو ال PayPal؟
الباي بال PayPal عبارة عن بنك بس إلكتروني تقدر تشيل فيه فلوسك وتعمل إيداع أوسحب زي أي بنك حقيقي على أرض الواقع.

ليه باي بال بالذات؟ لإن بنك باي بال مملوك بواسطة موقع إيباي نفسه إلى بيحول أرباح مبيعاتك على باي بال فقط ولازم عشان تقدر تسجل في موقع إيباي يكون عندك باي بال، يعني زيتهم في دقيقهم.
بالنسبة للباي بال عشان تقدر تستخدمه وتسحب منه أرباحك لازم يكون متفعل، ودي النقطة إلى أغلب الناس بتقف عندها، لكن أنا هدلك على طرق بسيطة تقدر تفعل بيها حسابك على الباي بال.

طيب إزاي هبدأ أبيع المنتجات على إيباي؟
أنا هقولك إزاي.. في الأول بعد ما تسجل حساب على إيباي متاح لك ترفع من 5 ل 10 منتجات فقط على الموقع وبعد أول كام مبيعة العدد ده بيزيد. طريقة رفع المنتج بسيطة جداً وفي فيديوهات كتير على اليوتيوب بتشرح طريقة رفع الامنتج على الإيباي.

طيب إفرض حد من أمريكا حب يشتري المنتج بتاعي؟

طبعاً ده إلى هيحصل، ماتستناش أن حد من المنصورة مثلاً يشتري المنتج بتاعك، الناس إلى هتشتري منتجاتك هتكون كلها من بره مصر، فده هيخليك تضطر إنك تشحن منتجك لبره مصر، والطريقة الوحيدة الي تقدر تشحن بها لبره مصر هي Fedex أو Dhl. والشحن بيكون بعد ما المشتري بيطلب المنتج من الموقع ويدخل بياناته زي الإسم، العنوان، والبلد وأنت بتاخد البيانات دي والمنتج وتروح لشركة الشحن وتدفع لهم تكاليف الشحن، وبكده تكون شحنت المنتج بره مصر للمشتري.

طيب وتكاليف الشحن هتكون عليا أنا؟

فاكر في أول المقال لما قولت لك أن المشغولات اليدوية والتحف هي أحسن حاجة ممكن تبيعها على إيباي لأنك ممكن تزود في ثمنه وتتباع برضو، أنت طبعا مش هتزود في ثمنه لمجرد الزيادة أو بسبب الطمع، أنت هتزود ثمنه حسب تكاليف الشحن للمشتري، وتكتب على المنتج أن الشحن مجاني وبكده تتضمن أن المنتج يتباع، لأن الناس هتشوف المنتج إنه مش هيكلف هم مصاريف شحن، وبكده تكون أنت ماصرفتش حاجة من جيبك لأن فلوس الشحن هترجعلك تاني مع الأرباح.

بالنسبة لفلوس البيع بتقدر تستلمها عن طريق الباي بال بعد 15 يوم، لأن الموقع لازم يتأكد أن المنتج وصل للمشتري أنه مافيش أي مشكلة أو عيب في المنتج، وبعد ال 15 يوم بتقدر تسحب فلوسك كاش من الباي بال.

طريقة إنشاء حساب باي بال وحساب إيباي وربطهم معاً
https://www.youtube.com/watch?v=otS1fYQcAvQ

طريقة رفع منتج للبيع على إيباي
https://www.youtube.com/watch?v=PUKkABh8rng

دورة صغيرة عن طريقة تحضير المنتج للشحن
https://www.youtube.com/watch?v=4tk2FXhsl7k&list=PLmab2vvMHti1wESrRFYW9eGVr32XqLCtQ&index=4

شرح خيارات الشحن في إيباي
https://www.youtube.com/watch?v=AHvaa98GX0w

و لإن الإنسان عدو ما يجهل .. تهافت الناس علي البحث عنه علي جوجل بشكل كبير مؤخراً . و أصبح ” انترنت الأشياء ” ” The Internet of Things ” من أكثر المواضيع بحثاً على علي جوجل , علشان كدة جبنالكم هنا أكثر الأسئلة اللي اتسئلت علي جوجل عن ” انترنت الأشياء ” والإجابة عليها بس من شخص حقيقي  مش مجرد محرك بحث.

س1: إيه هو ” انترنت الأشياء ” ؟ وليه هو مهم ؟

– انترنت الأشياء أو زي ما هو معروف بإختصار IoT هي فكرة قائمة من سنين طويلة بين شركات التكنولوجيا الجديدة وكتير من المخترعين. وبالفعل تم الإعلان عن أول جهاز متصل بالإنترنت وكان “Toaster محمصة” سنة 1989.

– هي ببساطة عبارة عن مجموعة من العمليات البسيطة هدفها توصيل بعض الأشياء بالإنترنت للتحكم فيها ومتابعتها عن بعد. تقنية بتسمح لك إنك تتواصل مع المباني والأجهزة وممكن الحيوانات ودة عن طريق الربط بينهم وبين بعض التطبيقات.

أبسط مثال عن ” انترنت الأشياء ” هو الثلاجة الذكية اللي بتخليك تتابعها بشكل منتظم. لو حصل نقص في أي منتج في الثلاجة تقدر تشوف دة ، بيوصلك تنبيه أو رسالة بإن اللبن خلص مثلًا علشان تجيبه. بل والأدهي إنها بتابع صلاحية المنتجات من تاريخ الصلاحية اللي علي العلبة ودة بسبب الكاميرات الداخلية !!

– إنتشر إستخدام التقنية دي في الفترة الأخيرة وخصوصًا في إنجلترا. التقنية دي بتُستَخدم في نظام تدفئة المنازل وإستخدام الطاقة. الحكومة كمان بتشجع الشركات إنها تستخدم العدادات الذكية. بالتالي النظام دة بيسمح للمواطن هناك إنه يستهلك الطاقة وقت الحاجة بس. يعني لو اليوم مشمس مش هيحتاج لنظام التدفئة أو لو البيت مش فيه حد اليوم دة أو حتي سافروا لفترة ، يقدر ساعتها النظام من الشركة يلغي إستخدام الطاقة للبيت دة. وفي الحالة دي بتستخدم كاميرات إستشعار الحركة للتأكد من وجود أصحابه بالبيت !!

– الموضوع موقفش عند المنازل الذكية والأجهزة المتصلة بيها ولكن الأمر توسع لدرجة المدن الذكية. يعني إشارات المرور الذكية المتصلة بكاميرات عند كل إشارة بدون إستخدام أي فرد بشري في تنظيم المرور. الموضوع تطور لدرجة صناديق الذبالة الذكية ^_^ يعني بتدي إشارات وقت ما الصناديق تتملي علشان تتفرغ. حتي في المجال الزراعي بيتم توصيل أجهزة بالمحاصيل لمتابعة مراحل نموها.

– الحكومة هناك بتشجع بشكل كبير تسليم المواطنين عدادات ذكية والسبب إن كل البيانات المستخدمة في الطريقة دي وربطها بالأنترنت تعتبر أكثر كفاءة من الطريقة العادية ودة بينتج عنه إستخدام أقل للطاقة.

س2: هل هو آمن؟ وهل البيانات فيه آمنة ولأ يمكن إختراقها بسهولة؟

– علشان مش كل اللي بيلمع دهب ومن مبدأ الميزة والعيب ، انترنت الاشياء ليه عيوب بردة. أكبر تحدي للتقنية دي هو الأمن والخصوصية لإن الأجهزة المستخدمة فيه بتحمل بيانات خاصة بالأفراد. الأجهزة دي بتعرف إذا كان فيه ناس في البيت ولأ لأ. ولو فيه ناس إيه الأجهزة اللي إستخدموها. يعني مثلا حد شغل التليفزيون أو فتح الثلاجة…إلخ.غير إن الأجهزة دي متصلة بقاعدة بيانات الشركة وللشركة الحق في الإطلاع عليها.

– من ناحية الأمن والخصوصية صرح بعض الخبراء الأمنين إنه مش بيتم بذل جهود كافية لتأمين مراحل تنفيذ أي عملية بإستخدام التقنية دي. ولإثبات النقطة دي تم إختراق أجهزة متصلة بالتقنية دي من أول جهاز مراقبة الطفل المرتبط بالكاميرا لحد نظام تدفئة البيت بل وإشارات المرور المستخدمة في شوارع المدينة. ولكن بعدان تم توضيح إن قراصنة الإنترنت مش عندهم أي إهتمام لإختراق الأجهزة المتصلة بالتقنية دي. والسبب إن إختراق جهاز متصل بالإنترنت تابع لشخص معين مش كافي إنه يؤذيه أو يستخدم ضده وملوش اي أثر في الهجوم عليه. علشان كدة ميستحقش كل المجهود اللي بيبذله قراصنة الإنترنت لإختراقه لإن إختراقه غير سهل بالمرة.

س 3 كيف يؤثر انترنت الأشياء علي عالم التجارة والأعمال؟

– تأثير التقنية دي علي الأعمال والتجارة بيتوقف علي نوعية مجالك والصناعة الخاصة بيك. في مجال التجارو عمومًا ” انترنت الأشياء ” مفيد لتنظيم الأدوات والآلات ومتابعة أداء العمال والموظفين. بالإضافة إنه تم بيستخدم لخدمة المزارعين. ليها فايدة كمان في توصيل أجهزة الإستشعار لرصد المحاصيل والماشية. وفيه خطة حاليًا لتسخير الخدمة دي في زيادة الإنتاج والكفاءة وتتبع صحة الماشية والحيوانات المستخدمة في المجال الزراعي.

– تم تطبيق تقنية ” انترنت الأشياء ” علي أمثلة لا حصر لها. وكل اللي نقدر نتوقعه من تقنية عالية زي دي إنها هتتوغل في كل المجالات بفضل وجود أجهزة الكمبيوتر وشبكة الإنترنت. ومادام كل إستخدامها مرتبط بالبيانات يبقي سهل جدًا تقدير حجم الفوائد المحتملة اللي هتعود من إستخدامها. وبتزيد الفايدة لما يكون لها علاقة بتحفيز ودفع الموظفين في الشركات إنهم يشتغلوا بكفاءة أعلي وإنتاجية أكبر. تخيل إن بطاقة دخول مبني الشركة بيستخدم لتعقب مكان الموظف في المبني. دة بيسمح كمان لرئيسك في الشغل يعرف انت خدت بريك قد إيه أوقعدت وقت قد إيه تعمل شاي مثلًا!!

س4 علاقة انترنت الأشياء بالمجال الصحي؟

– يمكن ربط الأجهزة دي بالحبوب والمحاصيل للتأكد من جودتها ومتابعة نموها. ومؤخرًا تم تسليط الضوء علي أهمية التقنية دي في إمكانية إنقاذ حياة كتير من البشر. بالفعل فيه ناس مريضة بتستخدم التقنية دي علي هيئة إسوار حول المعصم لتتبع خطواتهم في حال حدث ليهم أزمة مرضية أوحدث تدهور فيما يخص مرضي القلب وغيرهم.

– وتفصيلًا فيه كتير من الأفكار في المجال الصحي لتطبيق الخدمة دي منها مبادرة إنتل Intel واللي قدمت أجهزة تتعقب مرضي الشلل الرعاش ومتابعة حالتهم بدقة أكبر من مراجعة وتتبعض الأشخاص بالورقة والقلم ودة لخطورة حالة أصحاب المرض دة بالذات . كمان فيه Sonamba واللي قدمت أجهزة بتابع حالة وصحة كبار السن والمرضي في حال كانوا في خطر. أما عن الأشخاص اللي بيعانوا من أمراض القلب يمكن استخدام خدمة AliveCore للكشف عن عدم إنتظام ضربات القلب.

– مجال الرعاية الصحية أحد المجالات اللي بتحتاج بيانات أكثر عن الأشخاص ودة بهدف إنقاذ الأرواح من خلال الوقاية من المرض، ورصدها وتحليلها لحالتهم لإنتاج أدوية جديدة. وبالتالي صحتنا هي الجانب الأهم والأكتر خصوصية في حياتنا، علشان كدة هنحتاج إن تطبيق تقنية ” انترنت الأشياء ” علي المجال دة يكون أكثر دقة.

س5 هل تقنية انترنت الأشياء حقيقية؟

– في الغالب دة أفضل سؤال تم رصده علي جوجل فيما يخص تقنية ” انترنت الأشياء ” .. هل هو حقيقي ؟؟

– والغريب أنه صعب الإجابة علي السؤال دة. عالم التكنولوجيا مليان بالمنتجات والتقنيات الجديدة وبيكون التسويق ليها سريع و بتعمل ضجة عالية. علشان كدة غالبا بيكون صعبة اتخاذ قرار في وقت مبكر عن أي تقنية وتحديد هل الابتكار دة هو حقيقي أو لأ. من أشهر الأمثلة سخرية كتير من نقاد التكنولوجيا علي أول هاتف آي فون.

– لكن تقنية ” انترنت الأشياء ” مختلفة. هي أحد الأفكار المنتشرة على نطاق واسع ومش بتعتمد على مشروع أو منتج واحد بعينه. ممكن الثلاجات الذكية تطبيق كويس لها ومثال علي الأجهزة الذكية في المستقبل، ووراد كمان أنها تتركن على جنب زي كثير من تقنيات التكنولوجيا اللي اتعملت ولكن نجاحها مش كان كبير لإنها حققت مكاسب قليلة جدا. أما عن فكرة أجهزة استشعار متصلة بالأجهزة الذكية هتستمر وهتطور سواء اتفقنا او مش اتفقنا معاها.

– بعد 10 سنين من دلوقتي ممكن توصيل كل شيء أو حتي اجزاء وقطع من أجهزة معينة بالإنترنت بشرط وجود الفايدة من تطبيق التقنية ، زي العدادات الذكية. ممكن ساعتها نسميها تقنية ” انترنت الأشياء ” او”الأجهزة الذكية” أو مش نسميها أي حاجة أبدًا. تذكير: وسيلة الهواتف الذكية وبكل بساطة أصبحت الهواتف المستخدمة معانا كلنا حاليًا.

لا يهم أين هو أو ما نسميها، تقنيات إنترنت الأشياء حقيقية – ولكن ما سيبدو في المستقبل هو شيء حتى جوجل لا يمكن الإجابة

خلينا متفقين ان مفيش حاجة اسمها ” الربح من الانترنت ” !! و ان تعالا دوس على اللينكات دي وخد 0.002 $ اكبر اشتغالة و اخر الشهر مش هتكمل حتي دولار واحد !!
– بس انا اعرف ناس بتحقق فلوس من الانترنت ؟؟!!
– اكيد طبعاً .. دول بيشتغلوا على الانترنت ^_^ و انا واحد منهم بدخل حوالى 4000$ الفترة اللي فاتت بس .. ^_^
– انا مبقتش فاهم حاجة ؟ -_-
– بص يا سيدي الناس اللي بتشتغل على الانترنت .. دي ناس بدل ما تنزل الساعة 6:30 الصبح عشان تلحق مواصلة و تروح لمدير رخم و تضطر تستحمل قلة الاجازات و المرتب اللى أقل من حقهم .. بيبقوا مديرين نفسهم و يحددوا اللى فات دة كله على مزاجهم .. و بيبقي اسمهم ” Freelancers ” =
– طيب و دول بيشتغلوا اية و ازاى ؟
– بيشتغلوا اى حاجة متكنش محتاج ك”بائع” انك تقابل ” المشتري” بشكل مباشر .. بمعني انك تقدمها لية Online
زي ” الكتابة و الترجمة .. كمان :
1- البرمجة : أياً كانت اللغة هتستخدمها اية او التطبيق اللى هتبرمجة ل android او website او Desktop
2- التصميم : سواء هتستخدم الفوتوشوب او الآليسترتور .. ثري دي ماكس ..او غيرهم من برامج ال Graphic Design
3- أعمال، محاسبة، موارد بشرية وأمور قانونية
4- التفريغ الصوتي : لو حضرتك مستمع كويس و تقدر تحول من صوت ل نص
5- ال Voiceover : فى حالة انك عندك نبرة صوت كويسة و ممكن تحول نص لمقطع بصوتك ..
6- تقدم كورسات تعليمية لاي حاجة انت متقنها
7- Video Production : تصمم و تعمل مونتاج ل فيديوهات
8- تجهز ابحاث علمية
9- تشتغل فى ال Marketing و ال Social Media
10- Data Entry ادخال بيانات على الوورد و الآكسيل
11- التصوير الفوتوجرافي | Photography

و بالتأكيد تحت كل عنوان من دول .. تخصصات فرعية كتير زي مثلاً : الكتابة ..
فأنت ممكن تكتب ( كتب .. روايات .. قصص .. مقالات .. رسائل ترويجية .. بيانات صحفية ) او تقدم ( تصحيح لغوي .. أعادة صياغة .. مراجعة و تدقيق ) او تشتغل فى ( التلخيص .. الترجمة ) دة اللى جة ف بالي على سبيل المثال مش الحصر ل مجال واحد بس ! المهم انه يكون عندك خبرة و اتقان لكل نقطة هتشتغل فيها .

– و بيشتغلوا على منصات العمل الحر .. و اللى ببساطة شديدة بتقوم بدور الوسيط بينك و بين العميل .. من اشهرها Odesk .. و ” مستقل ” .. و هنخصص كلامنا اكتر عن “مستقل “ عشان مشكلة ال English اللي بتقابل اغلبنا #ملكش_حجة
و متوسط العروض بتبقي من 25 $ ل 9999$ ” 80.000 الف جنية ” .. حسب المشروع اللي هتشتغل علية

موقع “مستقل” : https://mostaql.com

و الاشتراك علية اسهل ما يمكن ..
1- هتختار حساب جديد

2- هتدخل بياناتك و بعدين تدوس “تسجيل”

3- دلوقتي هتوصلك رسالة على الايميل اللى اشتركت بية عشان تفعل اشتراكك

4- بعد كده “اهم خطوة” هتكمل بيانات حسابك .. مش هتاخد منك دقايق

بعد ما تفعل الاشتراك بالكامل هتكون جاهز انك تبدأ شغل .. هتدخل على ” تصفح المشاريع ” و تختار المناسب ليك و تبدأ تقدم عرضك .. بعدها تبدأ التنفيذ

طب و انا هستلم فلوسي ازاى صحيح من النت ؟!
المواقع دي بتدعم بنك اسمه Paypal و ده بنك الكتروني تقدر تربطة بماستر كارد و تسحب فلوسك من اى ATM فى الشارع ..

نيجي للنقطة اللى محيرة اغلب الناس .. اية Paypal و اية Payoneer ؟
بص يا صديقي و متحيرش نفسك Paypal دة بنك اليكتروني .. بمعني انه بيتيحلك انك تستلم و تبعت فلوس ع الانترنت بشكل امن ” المحفظة بتاعتك ع النت ” .. و الاشتراك فية أسهل ما يمكن
طيب نيجي ل Payoneer .. دة بنك امريكي بيتيحلك انك تفتح حساب علية Online و بيبعتلك MasterCard لحد البيت مجاناً تقدر تسحب بيها بعد كده من اي ATM .. و لما بتقوم بمعاملات ” اول لما يبقي معاك فلوس ” بياخدوا منك رسوم حوالى 35$ فى السنة
للاشتراك فـ Payoneer :
https://goo.gl/YHvflF

تربط الاتنين ازاى ببعض ؟
انا اقولك .. اول لما توصلك ال MasterCard ع البيت هتفعل الاكونت بتاعك على payoneer و ترجع تحط تفاصيل البنك الجديدة بتاعتك على paypal

– الجامعة هتبدأ السبت الجاي .. وهضطر اسيب الشغل و نرجع لـ كح التراب تانى
– مين قال كده انت ممكن تشتغل و انت بتدرس .. و تقبض فلوس $$ أكتر .. وتظبط اللغة بتاعتك و كمان تبقي اقوي فى مجال دراستك ^_^

الموضوع بأختصار انك ممكن تشتغل مترجم ك Freelancer ( و ميزة انك تبقي Freelancer انك بتتحكم فى وقتك و مواعيد شغلك اللى تريحك + العوائد المادية بتبقي أعلي )

مش مطلوب منك اكتر من ان العربي و ال English بتوعك كويسين ككتابة و قراءة ” مش شرط conversation ” و ياسلام لو فى لغة 3 .. و تكون عارف معلومات عن مجال دراستك .. و غاوي قراءة و معرفة فى مجالات تانية

ف مثلاً لو انت طالب في كلية الحقوق هتشتغل في الترجمة القانونية، و هكذا اللي ف طب هيشتغل في الترجمة الطبية، طبعاً بجانب الترجمة الغير تخصصية .. و الكلام ممكن تاخده بالقاياس على باقي الكليات و التخصصات اللى اتكلمنا عنهم مجرد امثلة

نيجي بقي ل ازاي هتقبض فلوس $$ أكتر .. وتظبط اللغة بتاعتك و كمان تبقي اقوي فى مجال دراستك ^_^ ؟!

1- تظبيط اللغة: مفيش افضل من الترجمة عندما يتعلق الأمر بتقوية اللغة، و دة لانك بتتعامل مع كمية مرادفات و مفردات مهولة .

2- اقوي فى مجال دراستك : في الغالب أنت لو هترجم مقالات فى تخصصك ف مستوها العلمي هيكون أعلى بكثير من اللي بتدرسه بالجامعة، و ده هيتطلب منك مجهود أضافي … و بالتدريج هتلاقي أن مهارتي البحث والدراسة الذاتية عندك هيطوروا بشكل كبير، بالإضافة إلى أن أفقك قد توسع، و قدرتك على تحديد مستقبلك الوظيفي فى مجالك بشكل أفضل .

3- هتقبض فلوس $$ أكتر: في حالة العمل بالترجمة كـ Freelancer .. يتم محاسبتك على أساس عدد “الكلمات المصدرية” و دي يقصد بيها عدد الكلمات في المقال الأصلي.
مثلًا، سيتم إخبارك (أو ستحدد أنت) أن سعر الكلمة المصدرية 30 قرش (في الغالب يكون سعر الكلمة أعلى من ذلك)، لو تخيلنا أنك ستترجم مقال من 1000 كلمة إنجليزية، عندها يصبح سعر المقال = 0.3 * 1000 = 300 جنيه مصري. لو افترضنا أنك ستترجم بمعدل 300 كلمة في الساعة، فستنتهي من المقال في 3 ساعات تقريبًا، وبذلك يصبح ثمن الساعة من عملك 100 جنيه. بمرور الوقت ستتمكن من تقليل الوقت الذي تقضيه في الترجمة، وهذا يعني أن سعر الساعة بالنسبة لك سيزداد. ^_^

أزاي تبدأ شغل ؟؟
من افضل المواقع العربية اللى ممكن تقدم عليها خدمات الترجمة “خمسات” : http://goo.gl/q3yVW9
و لو روحت على عمنا Google و كتبت Freelancer او خدمات مصغرة هتطلعلك مئات المواقع و اللى هتلاقي عليها الأعمال المطلوب ترجمتها! سجل فيها وابدأ في بناء سمعتك ومهاراتك في الترجمة.
و عشان متدوخش نفسك دي قائمة بأفضل المواقع اللى ممكن تبدأ عليها : http://mshmshvalley.com/freelancer-1/

بردو ممكن تدور عن وظائف الترجمة الـ Freelance في المجلّات أو المواقع المشهورة في تخصصك، وهي في الغالب بتكون ذات عوائد مادية أعلى من غيرها.
و بازدياد خبرتك (وسمعتك) في مجال الترجمة، دخلك هيزيد تلقائيًا من هذه الأعمال، للدرجة التي قد تقرر فيها عند التخرج من الكلية أنك ستُكمل في هذا الطريق ولن تبحث عن وظائف إعتيادية في تخصصك، لأنه بالإضافة لكونها ستستهلك كامل وقتك، من المستحيل أن توفر لك في البداية نفس الدخل الذي تتقاضاه بالفعل (بفرض أنك عملت 3 سنوات مثلًا كمترجم خلال دراستك كطالب).

ازاي هتقبض فلوسك و ياتري الشغل ع الانترنت آمن .. الموضوع ده هيجيب على كل تساؤلاتك دي : http://goo.gl/9YtCVh

#قعدة_القهاوي مبتآكلش عيش
#متستناش الوظيفة أخلقها بنفسك

اية رأيك لو تكمل حياتك و شغلك فى المانيا ؟ ^_^ طب اية رأيك ان المانيا دي ممكن تكون نقطة انطلاقك لاي دولة من دول الاتحاد الاوروبي
و بالمناسبة صحيح .. احنا مش منزلين عناوين مكاتب سياحة و لا رقم تليفون دراهم بتاع الفيز المضروبة .. ف ركز كده لاننا هنتكلم عن make it in Germany ^_^

اية make it in Germany ؟ دي حملة اطلقتها المانيا من 2013 و بتستقبل فيها المهندسين و المبرمجين و الاطباء و الممرضيين و الفنيين ( الصنايعية زي ما بنسميهم فى بلدنا ) و كل حد بيشتغل بأيده او عنده مهارة و حرفة ” مش قاعد ف تكييف و لا بتقمع بامية ”

لية ؟ لأن في ال 25 سنة الجايين سوق العمل هيفقد 9 مليون شخص،وده اللي خلي ألمانيا تطلق حملة الرسمية دي

النظام جديد ده اسمه البطاقة الزرقاء Blue Card زي الجرين كارد الأمريكاني

مزاياها انك بتاخد اقامة مفتوحة بعد مضي 3 سنين من شغلك،ولو متجوز تجيب مراتك،ولها الحق في فرصة عمل حتي لو مش بتعرف تتكلم ألماني.و ممكن تكسر الاقامة وترجع بلدك سنة ونصف بدون ما تسقط عنك،ترجع وتشتغل تاني،وبعد 3 سنين من شغلك،ممكن تشتغل في اي بلد أوروبي تاني،لأنك ممكن تطلع هناك برضه البطاقة الزرقاء..

الويب سايت ده بتاع make it in Germany عليه كل المعلومات عن وضع سوق العمل،والفرص ،والمعاهد اللي بتقدم تدريب،وخطوات واجراءات السفر..كل شئ ممكن تتخيله من الألف للياء ..

http://www.make-it-in-germany.com/en

كمان لو انت مخلص ومعاك بكالريوس ،خش علي الويب سايت ده عشان تعرف ازاي تعادل شهادتك للألمانية..

http://www.anerkennung-in-deutschland.de/html/de

.كل المعلومات عن الفيزا،وشروطها،واستقدام الزوجة وخلافه،هتلاقيه علي موقع السفارة الألمانية..

http://www.kairo.diplo.de/Vertretung/kairo/ar/07__neu/__Visastelle__Hauptbereich__arab.html

عشان متتصدمش ^_^ أكيد لازم تكون شاطر في مجالك طبعًا..لأن المجتمع هناك مفتوح وهيتقتح أكتر بس فقط للمميزين،مش اللي بيدوروا علي فرصة للهجرة وخلاص..

تاني حاجة مهم جداً ايمانك انك هتوصل و ثقتك بنفسك وعدم يأسك مهما سمعت من كلام المحبطين.
وطبعًا توفيق ربنا قبل كل شئ ^_^

شكراً : Abdo Fayed
https://www.facebook.com/abdo.fayed.39

و بالمناسبة الناس اللى حاببة تتعلم ألماني .. أستونا البوست الجاي على .. وادي المشمش #هيفيدكم #ملكش_حجة
___

#‏share_فى_الخير‬ متعرفش مين حياته ممكن تتغيير بسببك ^_^

وادي المشمش | معاً نصنع المُستقبل

من حوالى 60 سنة .. ” جون مكارثي “حط بذرة علم الذكاء الاصطناعي .. اللى ببساطة الهدف منه ” تعليم الآلة ” ازاي تحل المشاكل بنفسها وعن طريق التعلم من اكتساب الخبرات السابقة أو من خلال تحليل الحلول الصحيحة و استنباط طريقة الحل منها أو حتى من التعلم من خلال الأمثلة.

أبسطهالك اكتر ^_^ عارف لما بتيجي تلعب Games و تقول هلاعب الكومبيوتر ” ده ابسط تطبيق للذكاء الاصطناعي AI ”

نيجي للمهم بقي .. سواء كنت هتدرس حاجة ليها علاقة بال Computer Science .. او بتشتغل فى البرمجة .. او واخد الاجازة و حابب تطور من نفسك و تتعلم حاجة جديدة بعيد عن مجال دراستك

ده كورس صغير 4 محاضرات في الذكاء الصناعي AI #بالعربي

1- مقدمة بسيطة فى الذكاء الإصطناعى AI

https://www.youtube.com/watch?v=6X1y2U-I5pg&index=16&list=PLFF20ACE4309434B8&hd=1

2- عمل Setup لبرنامج SWI-Prolog وعمل شجرة العائلة وتمثيله

https://www.youtube.com/watch?v=f8LxLkDK_RI&list=PLFF20ACE4309434B8&index=17&hd=1

3- شرح أمثلة للجد و الذرية وشرح للـ Rule والفرق بينها

https://www.youtube.com/watch?v=2AcBDQaFLHQ&index=18&list=PLFF20ACE4309434B8&hd=1

4- شرح كيفية إضافة حقائق جديدة Facts وعمل Rule جديدة

https://www.youtube.com/watch?v=06n3UIecbJM&index=19&list=PLFF20ACE4309434B8&hd=1
و بعد ما تخلص ال 4 محاضرات دول عليك و علي عمنا جوجل .. و سيرش على Artificial intelligence applications او AI applications و طبق أول بأول اياك تقضيها معرفة بس .

بقولك اية ما تيجي نشتغل Growth Hackers .. بيقولك شغلانة مطلوبة و ال salary كويس

Growth Hacker !!! .. لا يا عم ملناش في الحرام

ياعم انت عارف يعني ايه Growth Hacking ؟؟؟
وايه وظيفته ؟؟ وبنحتاجه ليه اصلا ؟؟؟

– Growth Hacking
او زي ما بيسموه بالعربي “النمو السريع”

بإختصار شديد جدا الـGrowth Hacking هي مهاره او فن بتستخدمه الشركات الناميه بهدف تحقيق 10 اضعاف النمو الطبيعي للشركه الحالي في فتره قصيره جدا
وبيعتمد الـGrowth Hacking بشكل اساسي على الابداع والتحليل واستخدام ممتاز لمحركات البحث واحصائيات الموقع والشبكات الاجتماعيه وغيرها …

طلع تشبيهات كتير للـGrowth Hacking… ناس شبهته انه العامل المشترك بين الـDevelopment والـMarketing

واختلفت التشبيهات

بس خلينا متفقين ان الشخص الـGrowth Hacker
جامع بين البرمجه والتقنيه الي عند الشخص الـDeveloper وبين تنميه الخدمه الي عند الـMarketer

اغلب الشركات والمواقع الي شايفتها ناجحه دلوقتي او زي ما بيقولو “تتربع على عرش شبكه الانترنت ”
كلها استخدمت الـGrowth Hacking
امثله :-

– Dropbox
ادت لكل واحد يستدعي اصدقائه لإستعمال الخدمه بتاعتهم 500 ميجا مساحه اضافيه

Facebook , Youtube , Hotmail , Twitter
كلهم اعتمدو على Growth Hacking Techniques
عشان يكبرو بالشكل المهول الي انتو شايفينه ده

لو شايف نفسك فى ال career ده .. دي شوية مقالات و فيديوهات هتساعدك تبدأ :

The Definitive Guide to Growth Hacking
http://www.quicksprout.com/2013/08/26/the-definitive-guide-to-growth-hacking/

What makes a great growth hacker?
http://www.quora.com/Growth-Hackers/What-makes-a-great-growth-hacker

21 Actionable Growth Hacking Tactics
http://yongfook.com/actionable-growth-hacking-tactics.html

و دة ال Social Network بتاعت ال growth Hackers #كفاية_قعدة_ع_الفيس أقعد معاهم
http://growthhackers.com/

#ملكش_حجة #اتعب_هتوصل

share_فى_الخير متعرفش مين حياته ممكن تتغير بسببك ^_^

المعلومات دي وصلتلنا عن طريق : swap Round
https://www.facebook.com/swapround #تابعوهم_ايضاً ^_^