من اسبوعين .. وتحديداً يوم 12 مايو 2017 .. كان العالم بيشهد واحدة من أقوى الهجمات الكترونية في تاريخ الانترنت .
أحد البرامج الخبيثة اللي نوعها ransomware واسمه “WannaCry “كان بيعصف بشبكة الويب ومركز الزلزال كان أوروبا ، WannaCry كان بيستفيد من أحد نقاط الضعف في أنظمة الويندوز ويبدأ يخترق من خلالها أجهزة الضحايا ويشفر ملفاتهم الموجودة على الهارد ديسك وبعدين يطلب فدية بمقدار 300 دولار مقابل فك التشفير .
في أول ساعات لانتشار الفيروس كان تقربيا 200 ألف جهاز اتصاب في 150 دولة ، ومؤسسات كبيرة اتضربت واتصابت بالشلل بسبب الهجوم دة
اللي وقف في طريق الفيروس ده ان ينتشر ويجتاح العالم كان شاب عنده 22 اسمه ماركوس هاتشينز “Marcus Hutchin” و وقفه من غرفة نومه في بيت والديه ^_^
ماركوس هو باحث بريطاني في مجال cybersecurity خلص المدرسة من هنا وبدأ يعلم نفسه البرمجة و تقنيات القرصنة المتطورة من غير ما يلتحق بأي جامعة ^_^ ، وبدأ يشتغل من غرفته ببيتهم وحول هوايته لمصدر رزقه ^_^ ، حصل على وظيفة بعد ما خلص مدرسته والسبب كان مدونته ومهارته في كتابة البرامج ،ماركوس معروف بأسمه الحركي “Malware Tech” اللي بيظهر على الشاشة في تويتاته وبوستاته ، ومدونته بنفس الاسم وفي بوست عليها بيشرح ازاي
بالصدفة قدر يوقف انتشار WannaCry وده لينك البوست على مدونته :
https://www.malwaretech.com/2017/05/how-to-accidentally-stop-a-global-cyber-attacks.html
ماركوس حاليا بيشتغل مع الامن الالكتروني للحكومة البريطانية لمنع هجمات اللي بيتوقع ماركوس انها تضرب تاني ، و في
مجموعة اسمها “HackerOne ” وهي مجموعة بتكافئ القراصنة الأخلاقين لإيجاد عيوب البرمجيات ، قدمت لماركوس مكافأة مالية ولكنه قرر التبرع بيها للاعمال الخيرية ^ _^
عجبك الموضوع ، طيب ادخل خدلك لفة في منصة ” cybrary ” المنصة دي بدأت في 2015 و بتقدم كورسات مجانية فى 3 مجالات
Systems Administration, Network Administration , Cyber Security
وهدفها هو تقديم فرصة تعلم ITو Cyber Securityلأي حد عايز يتعلمهم أيا ان كان مكانه
المنصة بتقدم كورسات كتير و لمختلف المستويات سواء مبتدأ او متقدم ، وبتقدم جروبات ومصادر ومدونات بجانب انهم
ساعات بيعرضوا وظايف ، واي كورس بتبدا فيه هتلاقي جنبه مكان تاخد في ملاحظاتك وتحفظها بجانب Flashcards
بتعملها بتساعدك علشان تفتكر اللي اخدته ^_^ ، وهتلاقي تحته مصادر تاني ممكن تستفيد بيها ، بجانب معامل للتدريب
practice labs ممكن تختبر فيها مهاراتك اللي اتعلمتها وتاخد شهادة بكده بس دي اشتراكها بفلوس ^_^
دة موقع المنصة
https://www.cybrary.it
بجانب ان ليهم ابليكشن على الPlaystore :
https://play.google.com/store/apps/details?id=com.cybrary.cybrary&hl=en