مجلة Science الامريكية أطلقت عليها لقب ” سيدة الشمس ” و وصفت ابحاثها بانها ” قنبلة متفجرة ” لان العلماء وقتها اخدوا رأيها باختلاف شديد ! لدرجة ان بعض من العلماء وصفوا ارائها بالهرطقة العلمية التى هزت العالم
شادية رفاعي حبال
اتولدت فى مدينة حمص بـ سوريا وهي بنت الدكتور ” نعيم الرفاعى ” العالم فى علم النفس حصلت على شهادة البكالوريوس فى علوم الفيزياء والرياضيات من جامعة دمشق وبعدها اخدت ماجستير فى الفيزياء النووية من الجامعة الامريكية اللى كانت موجودة فى بيروت ثم حصلت على الدكتوراة من جامعة سينسيناتي في ولاية أوهايو الأمريكية سنة 1977
شادية حبال هى استاذة فى حاجة اسمها فيزياء الفضاء وكانت بتدرس المجال ده فى جامعة ويلز فى بريطانيا
كمان اشتغلت باحثة في المركز الوطني لأبحاث الغلاف الجوي في Boulder .. بجانب انه تم تعيينها محررة في مجلة البحوث الجيوفيزيائية قسم فيزياء الفضاء
من ضمن الاراء بتاعتها اللى عملت ضجة كبيرة و كانت سبب حصولها على لقب ” سيدة الشمس ” ان الرياح الشمسية اللى حوالين الارض هى عبارة عن غطاء كبير جدا بيحمى الارض والحياة اللى عليها من حاجة اسمها الاشعة الكونية المهلكة !!
بجانب ان اغلب ابحاثها واعمالها كانت دراسة عن الشمس ودراسة النظريات المختلفة و محاولة لـ تطبيق النظريات دى او اثبات صحتها
فى سنة 1978 راحت شادية ل مركز هارفارد سميث سونيان للفيزياء الفلكية واسست هناك مجموعة ابحاث خاص بالشمس وفزياء الشمس و بعدها اتعينت فى حاجة اسمها استاذ كرسي الفضاء
شادية تمكنت بمساعدة الفريق الخاص بها من انهم يطوروا شفرة معينة عشان يقيسوا بيها شدة وسرعة الرياح الشمسية واللى اثبتت بيها ان اراء العلماء ماهى الا اراء ليست لها اى مجال من الصحة وانها لم تعتمد على اثبات علمى وهى مجرد نظريات
شادية حبال شاركت فريق من العلماء فى الفضاء عشان يعملوا إعداد لاول رحلة فضائية هتطلع تروح للشمس ” طبعا محدش يقدر يروح الى الشمس نفسها ولكن الرحلة دى على حسب اقوال العلماء انها هتروح للجزء الخارجى من الغلاف الجوى للشمس ” والمنطقة دى عبارة عن لؤلؤة كدا منورة ولكن لن يتم مشاهداتها الا اثناء الكسوف الشمسي
شادية حبال او سيدة الشمس امرأة عربية وقفت ضد الصعب واستطاعت ان تبنى لنفسها مكانا فى المجتمع العلمى
المجتمع العلمى اللى معروف بانه مجتمع ذكورى ولا مكان فيه للنساء
اخدت الدكتوراة فى الفيزياء الذرية وهي حامل !
ايتها الشمس نحن نفتخر بكى ونضعكى على رؤوسنا
متسنوش تشيروا البوست عشان يوصل للشمس
وسيبوا تعليقاتكم عن نماذج لنساء عربيات يستحقوا الذكر
تحية لكل امرأة عربية ترفع من قدر العرب ^_^