الانتباه “Attention” هو أحد موارد مخنا المحدودة !
المهام اللي لازم تخلص .. والمسئوليات الي فوق دماغك ^_^ .. والdeadlines للشغل او الدراسة اللي شايل همها .. كل دول قاعدين يتتخانقوا جوا مخك علشان يحصلوا على اهتمامك يوميا .
وللأسف مخنا مش بيستجيب بشكل كويس لضغط انك عندك أولويات متعددة في نفس الوقت .. علماء ال neuroscience بيقولوا ان تعدد المهام بيستهلك احتياطات الطاقة الموجودة في مخك ، وده بيخليك تتعب بشكل أسرع مما لوكان مخك مركز على حاجة واحدة
طب ايه رأيك في نظام سهل تتعلمه .. يمنعك من تعدد المهام الزايد وفي نفس الوقت يساعدك انك توصل لأهدافك وبسرعة ؟
النظام اسمه كانبان ” Personal Kanban ” كانبان كلمة يابانية ومعناها لافتة او لوحة ، كانبان أول ما تعمل كان نظام لجدولة التصنيع وزيادة الانتاجية واتعمل على ايد مهندس في تويوتا اسمه ” Taiichi Ohno”
وفي مؤلف ومخطط اسمه “جيمس بينسون” أخد النظام ده ودخله للاستخدام الشخصي وعمل كتاب اسمه
” Personal Kanban: Mapping Work — Navigating Life”
وقالك علشان تبدأ تعمل الكانبان بتاعك انت محتاج الأتي :
1- لوحة متقسمة 3عواميد ، كل عمود عنوانه كالاتي :
Options / Doing / Done
2- شوية كروت ورقية صغيرة أو نوتس من اللي بتتلزق ^_^ و اكتب على كل كارت مهمة واحدة من المهام اللي عليك ، وممكن تكون الكروت دي متلونة وكل لون بيرمز لنوع المهمات ، مثلا( المهمات العاجلة ، مهمات الشغل، المهمات الشخصية وهكذا …
3- تعال على أول عمود (Options) والزق فيه كل كروت المهمات اللي كتبتها
4- من أول عمود اختر أقصى حاجة ” 3مهمات ” بس وانقلهم للعمود اللي في النص ( Doing ) المهمات دي هي
الاعمال قيد التنفيذ اللي هتركز فيها بس وحطهم بقى في الاطار الزمني اللي عايزه
5- خلصت مهمة منهم انقل الكارت بتاعها لأخر عمود ( Done ) و اختار مهمة جديدة من ( Options) وانقلها ل
Doing
ايه بقى فايدة العواميد التلاتة ؟؟
1- عمود ( Options ) بيخليك تشوف كل حاجة في قايمتك وايه اللي ممكن تعمله منهم وايه المهم فيهم ولو في مهام
ممكن تفوضها لحد تاني يعملها
2- عمود (Doing)هو أكتر واحد مهم وما ينفعش يزيد عن 3مهمات ، لان لو زودت عن 3انت بترهق مخك
بالتفكير في المهام الكتير اللي المفروض يعملها دلوقتي وده بيبطئه وتلاقي نفسك قاعد تفكر وبس بدل ما تشتغل
^_^
3-عمود (Done) فايدته انه ان الدراسات لقت ان مخك مجرد لما بتقول كلمة انا “خلصت “doneبيحصل على شوية
دوبامين “هرمون السعادة ” يفرحوه ^_^ ، والانجاز بحد ذاته بيكون حافز انك تكمل شغل ، والاهم ان العمود ده
بيكون بمثابة سجل عمل ليك
فيه اكتر من تطبيق وبرنامج ممكن يفيدك زي Pivotal Trackerأو Trelloلكن يفضل انك تعمل اللوحات دي بايدك
وتكتب المهمات على الورق ، لأن ده بيخليك تعالج المعلومات أحسن وفي نفس الوقت تكون قدامك علطول مش مرتبطة
بكمبيوتر او موبايل
ويا عم التلاجة بتاعتكم موجودة جيب شوية مغناطيس وشوية كروت واكتب عليها قصة حياتك ^_^ ، وبرضه علشان
متخرجش بايدك فاضية ده موقع https://trello.com : Trello
كمان متاح تطبيق على الموبايل سواء Android او Ios :
https://play.google.com/store/apps/details?id=com.trello
https://itunes.apple.com/app/trello-organize-anything/id461504587