كام مرة حسيت ان جيبك مخروم حرفياً ^_^ مرتبك او مصروفك بيختفي قبل تانى اسبوع من الشهر .. و اهدافك اللى حابب تحققها بتتحول لاحلام !
يمكن تكون فعلاً الاسعار و تكاليف المعيشة ارتفعت.. لكن للآسف بردو احنا مفتقدين واحدة من اهم المهارات اللى اصبح لا غني عنها فى وقتنا الحالى ” تخطيط الأمور المالية الشخصية ” Personal Financial Planning
و اللى بأختصار شديد الهدف منه انك تسيطر على مواردك المالية و ايراداتك اياً كان حجمها .. و تستفيد منها بأفضل شكل .. بجانب الادخار و الاستثمار للمستقبل
جامعة Illinois الامريكية ادركت اهمية المهارة دي فى حياة كل واحد و خاصة الشباب من سن 18 ل 35 سنة .. و قررت انها تقدم كورس شامل ” مجاناً ” على مدار 4 اسابيع من خلال منصة Coursera
الكورس مش هيحتاج منك اكتر من 3 ساعات اسبوعياً .. و خلالهم هيغطي موضوعات مالية مهمة
بداية من ازاى تحط هدف مالى و تلتزم بيه ؟ .. الادخار و الاستثمار ؟ وضع الميزانية ؟ المخاطر المالية ؟ الاقتراض و الديون ؟
Financial Planning for Young Adults
https://click.linksynergy.com/deeplink?id=LieyA3YZIZw&mid=40328&murl=https%3A%2F%2Fwww.coursera.org%2Flearn%2Ffinancial-planning
بجانب الانضمام للكورس .. فى بعض القواعد و النصائح اللى بيتفق عليها اغلب مستشاري التخطيط المالى الشخصي و اللى حابين نشارككم بيها فى عجالة يا مواطنين وادي المشمش :
1- حاول تخصص 40% من دخلك للسكن .. و 40% للاحتياجات الاساسية .. 10% للترفية .. و 10% للادخار على الاقل
2- حاول تبدأ و تحافظ على ما اشبة ب صندوق مدخرات قيمتة بتساوي مرتبك الشهري × 6 .. تحسباً لاى ظروف او اضطرابات سيئة فى سوق العمل
3- اياك و الاقتراض ثم اياك و الاقتراض لشراء كماليات او رفاهيات
4- حاول تخلق ديماً مصدر للدخل الخامل او ال Passive income ^_^ تقدروا تستخدموا Google و تلخصوا لينا اللى فهمتوه .. لحد ما نشارككم بمقال وافي عن الدخل الخامل