أكتر من 90% مبيخلصوش الكورسات الاونلاين اللى بدأوا فيها !
على الرغم من الانتشار الواسع لثقافة التعلم عن طريق ال MOOCS خلال ال 5 سنين الاخيرة .. و الفرصة اللى بقت متاحة للكل انه يدرس نفس الكورسات اللى بيدرسها طلبة افضل جامعات العالم و هو فى مكانه #مجاناً .. و ياخد شهادة معتمدة من الجامعات دي !
الا ان 10% بس من اللى بيبدأو فى الانضمام للكورسات دي هم الى بيكملوا الكورس بنسبة 100% ! النسبة دي وفقاً لاحصائيات اشهر منصات التعلم عن طريق المساقات ( MOOCS ) زي Coursera , Edx , Udicty ,Futurelearn
ياتري دة معناه ان ال MOOCS فاشلة !؟
بالعكس تماماً .. ال MOOCS اثبتت نجاحها كوسيلة للارتقاء بمستوي التعليم فى البلاد النامية و المتأخرة تعليمياً زي ” مصر .. 139 عالمياً من اصل 140 ” .. و على الرغم من ان نسبة 10% ظاهريا هي نسبة بسيطة .. الا ان متوسط 50,000 واحد انضموا للكورس .. 10% منهم بتسوي 5000 شخص و ده اضعاف اضعاف عدد طلبة دفعة فصل دراسي فى الجامعات دي ذات نفسها
نرجع لل90% .. و للى نسبة كبيرة منهم انضمت للكورس بسبب شهرة الجامعة اللى بتقدمة .. او اعجابهم بفكرة ال MOOCS اللى لسه متعرفين و الحماس اللحظي اللى نتج عنه .. بجانب عدم وضوح الرؤية و افتقاد الدافع و عدم القدرة على الاتزام بالوقت
اية الحل ؟
بعض منصات التعلم عن طريق الMOOCS .. شافت الحل انك تدفع ف بعض الاحيان عشان تكون جاد مع نفسك ! و فعلاً حقق نتايج افضل
لكن الحل الحقيقي انك تحدد قبل اى حاجة ” انت ” حابب تتعلم اية .. و لية حابب تعلمة .. مستواك اية ؟ .. الكورس ده هيفيدك ف اية ؟
و بعدها أبدأ دور على كورس بيغطي النقطة دي .. ظبط مواعيدك و حاول تضيف الساعات اللى انت محتاجها اسبوعياً لجدولك و ليومك ..
أفضل 6 مواقع للبحث عن ال MOOCs
كل ما تبدأ تكسل او تقصر .. فكر نفسك انت بتتعلم لية .. و حابب توصل لاية .. جهز جنبك ورقة و قلم ديماً .. أسأل المحاضر و متسبش اى جزئية مش واضحة .. شارك الطلبة اللى معاك Online و اندمج ف مجتمعهم و حاول تشارك فى الاجابة على أسئلتهم