فى حالة انك قدرت تفضي نفسك ساعة واحدة فى الاسبوع .. مش هتحتاج غير الانترنت اللى انت قاعد علية حالياً ! و 7 اسابيع بس .. عشان تكون قادر تتكلم بالصيني ^_^ من خلال الكورس اللى بتقدمة جامعة بكين الصينية ” Chinese for Beginners”
و بعبداً عن الكلام الحماسي عن استغلالك لوقت فراغك و الوقت الضايع على الانترنت .. و ان الكورس “مجاني “.. و انه #ملكش_حجة .. و عن اهمية و فوائد تعلم لغة تانية بشكل عام .. دي شوية اسباب كفيلة تخليك تقرر بنفسك الموضوع يستحق تتعلم و تتكلم صيني و لا لأ !
– اكتر من سُدس سكان الكوكب بيتكلموا صينى ^_^ و ده لأن اللغه الصينيه الماندارين هى اللغه الام لحوالي 900 مليون .. بجانب المجتمعات المتأثرة فى دول تانية زى إندونيسيا و تايلاند و ماليزيا وسنغافورة وبيروني و الفلبين ومنغوليا
– الصين عندها تانى اكبر اقتصاد على مستوى العالم ^_^
– مصانع و شركات كتير محلياً و عالمياً تمويلها صيني .. مجال الاستيراد و السياحة محلياً اكبر اعتمادهم على الصين .. بجانب المنح الدراسية اللى بتوفرها الجامعات الصينية
لو الموضوع يستحق انك تبدأ تتعلم صيني ف وجهة نظرك .. فـ لازم تبقي عارف ان الكورس مناسب جداً للمبتدأين و انه مش محتاج منك معرفة مسبقة بالحروف الابجدية الصينية او غيره .. و ان الكورس هيبدأ يوم 27 نوفمبر .. ولمدة 7 اسابيع ” بمعدل ساعة واحدة اسبوعياً فقط ” على منصة Coursera
الكورس : https://www.coursera.org/learn/learn-chinese
بعد انتهائك من الكورس .. هتكون :
– قادر تعرف بنفسك تعريف كامل ( اسمك – سنك – عائلتك – بلدك – .. ) بالصيني
– هتكون ملم بالارقام و التوقيت ” الساعة ” باللغة الصينية
– قادر تطلب اكل و تدير حوار ف مطعم .. و ملم بأسماء الاطباق و الخضروات و الفواكهه
– عارف ازاى تسأل عن السعر و المقاس و الالوان .. و كمال ازاى تفاصل ف السعر ^_^
– على دراية بالاتجاهات و ازاى تسأل عن الطرق و المواصلات
– بالاضافة لمواقف تانية هتحتاجها زي المستشفي و حالة الجو و برامج التلفزيون ….