للمرة السادسة على التوالي جوجل بتاخد لقب افضل شركة في العالم للعمل فيها مع العلم ان التقرير ده بيشمل افضل 100
شركة في العالم للشغل فيها ، كفاية عليك بس تبحث عن “google office “واقعد اتفرج على الصور ^_^
ولا اقولك فكك من فرجة الصور وروح بنفسك زور مقر الشركة فى امريكا فى رحلة مدفوعة التكاليف بالكامل.. واتفرج براحتك واتصور سلفي كمان ^_^
ازاي بقى ؟؟؟
جوجل مقدمة تحدي اسمه “تحدي جوجل للتسويق الالكتروني ” عبارة عن فرصة للطلاب انهم يعملوا حملة تسويقية الكترونية عن عمل تجاري أو منظمة غير ربحية .. بتدي لكل فريق 250 دولار منحة علشان تبدأ حملة تسويق على الانترنت والحملة دي مدتها تلت أسابيع وانت وشطارتك ^_^
واكتر فرق بتنجح في الحملة بتاعتها بتفوز بشوية جوايز من ضمنها رحلات لمكاتب جوجل ^_^ ، بجانب اتاحة الفرصة
للطلبة انهم يدرسوا ويا خدوا امتحانات “AdWords Certification “وبالشهادة دي ممكن تبقى فرد في منصة شركاء جوجل
طيب ايه شروط التقديم ؟
بص يا سيدي ، اي ان كان تخصصك الجامعي وسواء كنت لسه ماتخرجتش او بتعمل دراسات عليا في الكلية فانت مسمحولك
تشارك عن طريق فريق بتكونه من 3ل 6افراد بشرط ان يكون فيه استاذ جامعي مشرف على فريقك ويكون الاستاذ ده حاليا ” ممكن معيد ” شغال في اي مؤسسة تعليم عالي
طريقة التقديم والمواعيد ؟
- اول مرحلة الاستاذ الجامعي هيقدم وتوافق عليه جوجل وتتاكد انه شغال في الجامعة ” مع العلم ان ممكن يكون الاستاذ الواحد مسئول عن اكتر من فريق حتى ولو 12 فريق “
- وقت ما تسجيل الاستاذ الجامعي بيتقبل .. بيبدأ كابتن الفريق يسجل ولازم قبل يوم 5أبريل 2017
- بعدها كابتن الفريق يسجل باقي أعضاء الفريق ، ودي صفحة التسجيل
مع معلومات اكتر عن الشروط وخطوات التسجيل :
https://www.google.com/onlinechallenge/discover/register.html
بعد كده الحملة بتحضيراتها هتاخد من تص شهر أبريل تقريبا لغاية اخر شهر مايو
وده موقع التحدي واللي مشروح فيه كل حاجة بالتفصيل من كيفية اختيار المشروع اللي هتعمله دعاية ، و Guidelinesبتاعت استخدام AdWords وازاي ممكن تحصل على الشهادات بتاعتها ، طريقة التحكيم هتكون ازاي ، بجانب توفيرهم لمصادر
تعليمية ، يعني من الاخر جمعنلك كل المعلومات اللي ممكن تحتاجها ^_^ :
https://www.google.com/onlinechallenge/discover/index.html
وده فيديو صغنن كده عن التحدي وفرق فازت فيه :
[youtube https://www.youtube.com/watch?v=wU9R_TDBHOg]