في مارس 2016 هزم برنامج AlphaGo التابع لشركة Google DeepMind بطل العالم “لي سي دول” في لعبة
“جو – GO” اللعبة الصينية القديمة اللي غالبا كان بينظر ليها على انها اللعبة اللي مش ممكن الكمبيوتر يلعبها او يفوز فيها على أبطال العالم زي ما حصل قبل كده في ألعاب زي الشطرنج وجيوباردي وغيرها
و بدأ الاعلام يوصف الفوز اللي حققه “ألفا جو ” بمصطلحات ( “الذكاء الاصطناعي – AI” .. و ” تعلم الألة – machine
learning ” .. و التعلم العميق – deep learning ” ) على انهم حاجة واحدة كانت السبب ورا الفوز ، لكن صراحة ال 3 مصطلحات مش نفس الحاجة، والعلاقة بينهم ممكن نوصفها ك 3 دواير متحدة المركز:
1- الدايرة الاكبر هي AI الفكرة اللي ظهرت الأول في حوالي سنة 1956
2- الدايرة الأوسط machine learningواللي ظهرت بعد كده و اتكلمنا عنها في المقال ده :
الذكاء الاصطناعي و التعلم الآلي Machine Learning
3- الدايرة الأصغر deep learning واللي بتقود انفجار AI اليومين دول .. واللي هنتكلم عنها النهاردة
يعني ايه deep learning ؟
التعلم العميق هو نوع من تعلم الآلة بيدرب الكمبيوتر انه يقوم بمهام بيعملها الانسان .. ،مهام زي التعرف على الكلام ،تحديد
الصور ،أوحتى عمل التنبؤات ، وخلي بالك انا احنا هنا مش بندي الكمبيوتر معادلات محددة من قبل كده وهو بيمشي على
أساسها وينظم البيانات ويطلع الناتج ، لكن بندرب الكمبيوتر علشان يتعلم من تلقاء نفسه من خلال التعرف على أنماط معينة
باستخدام طبقات متعددة من المعالجة وبدل ما اقول للكمبيوتر يحل المشكلة ازاي بدربه علشان يحل المشاكل لوحده
ازاي بقى بنعمل كده؟
عن طريق حاجة اسمها الشبكات العصبية الأصطناعية مستوحاة من فهمنا للتركيب اليولوجي الخاص بمخنا والترابطات
ماين الخلايا العصية ، لكن خلافا لمخنا بدل ما كل خلية بتتوصل مع أختها داخل مسافة معينة ، الشبكات العصية
الاصطناعية ليها طبقات منفصلة، ووصلات، واتجاهات علشان تنشر اليانات من خلالها
ومع الاهتمام المتزايد بالعلم ده باعتياره أحد العلوم اللي هتغير شكل المستقبل وخاصة انه بدأ يتحول من مجرد أفلام خيال
علمي زي أفلام “terminator” لـ واقع ^_^ ..
جوجل عملت فريق في 2012 وسمته Google Brain .. وممكن تدخل تشوفه من هنا وهتلاقي الفروع اللي استخدموا deep learning فيها لغاية دلوقتي
/https://research.google.com/teams/brain
اما لو عايز تعرف عن الموضوع أكتر وتدرسه فمكن تفيدك الكورسات دي :
1- كورس ” deep learning ” اللي بتقدمة جوجل على منصة udacity ممكن تدرسه على مدار 3شهور بمعدل 6 ساعات اسبوعياً
https://www.udacity.com/course/deep-learning–ud730
2- ولو عايز تتعرف اكتر عن الشبكات العصية الاصطناعبة واستخدامتها يبقى خليك في الكورس ده على كورسيرا
https://www.coursera.org/learn/neural-networks