تحفيز العضلات بالكهرباء ! العلاج بالتبريد عند -250 درجة فهرنهايت ! عصابات الرأس اللي بتشجع تدفق الدم إلى المخ .. كل الحاجات دي جزء من عالم جديد اسمه ( Biohacking ) وهي حركة هدفها “اختراق” بييولوجيا الجسم البشري علشان تحسن أدائه وسلوكياته بسرعة وبشكل كبير .
في بعض الأحيان ، بتكون الممارسات دي متطرفة جدا زي مثلا أجزاء معناطيس بيتم إدخالها جراحياً في الأصابع ، و وشم لاسلكي بيتتبع إحصاءات الجسم الحيوية ، وأجهزة كمبيوتر اصغيرة مزروعة تحت الجلد ، وحقن جينات علشان تعزز نمو العضلات .
لكن مش من الضروري تعمل تجارب مجنونة على جسمك وعقلك علشان تحسن من انتاجيته ^_^ . بدل من ده ممكن تجرب شوية النصايح دي واللي هتفرق معاك
1- ممارسة التأريض “Earthing”
ساعات بيسموها “grounding” وتتضمن الممارسة دي المشي حافي القدمين لمدة 20 دقيقة يوميًا كوسيلة للتواصل مع الشحنات الكهربائية الطبيعية اللي بتنتجها الأرض. فالأبحاث بتشيرلان الاتصال الجسدي المباشر مع الشحنة السالبة الطفيفة للأرض بيساعد على تحسين الأداء الطبيعي لجميع أنظمة الجسم وإعادة ضبط الساعات البيولوجية اللي بتنظم إيقاعات الجسم وده بيؤدي لفوايد كتير زي تحسين النوم ، وتخفيف الألم ، وتعزيز التئام الجروح ، وتقوية المناعة .
وفي دراسات اثبتت ان السجود في الصلاة بيكون ليه نتايج مماثلة
2-الصيام المتقطع
الصيام المتقطع هو تقييد اوقات الأكل بنمط محدد ، فبيخلق عملية بتسمى “autophagy”- الالتهام الذاتي -وفي العملية دي بيكون الخلايا عندها وقت انها تتخلص من النفايات اللي بالجسم بشكل أكثر كفاءة ، وبتكون النتيجة هي الحماية من المرض ، والحد من الالتهاب ، وتعزيز الطاقة الخلوية ، وحتى مقاومة شاملة للشيخوخة. وبتشير الدراسات إلى أن الصيام المتقطع بيحسن الهضم ، ويوازن السكر في الدم ، وبيساعدعلى فقدان الوزن ، وبيعيد النوم إلى طبيعته، بس ده طبعا في حالة ان بيكون فطارنا بعد الصيام على أكل صحي مش محشي وبشاميل ^_^
3- النوم في الظلام
لو عايز تحسن ذاكرتك ومستوى التركيز بتاعك فهيكون الحل في النوم بصورة أفضل واللي مش بالضرورة انه يكون نوم طويل لكنه النوم اللي بيدي الفرصة للجسم انه يصلح الخلايا بتاعته وللمخ انه يتخلص من السموم ويقوي الذكريات. وممكن تعمل كده انك تحول غرفة النوم بتاعتك لكهف مظلم ^_^ لان الظلام بيأثر على الأصباغ في شبكية العين اللي بتأثر على الساعة البيولوجية للجسم اللي بتنظم دورات النوم / الاستيقاظ.
4- الوقوف والحركة
احنا بنقضي ساعات لا حصر لها في الجلوس سواء في مكاتبنا او في سياراتنا ، أو حتى على الكنبة.وده بيأثر ذلك على الجسم – فالفترات الممتدة من الجلوس بترتبط بالأمراض المزمنة وزيادة معدل الوفيات ، غير الاكتئاب والقلق. علشان كده حاول تتتمشى شوية او حتى تقف في مكانك كل 30 دقيقة للحفاظ على تدفق الدم وتدي ضهرك استراحة.
في حاليا كورس على كورسيرا اسمه “Biohacking Your Brain’s Health” الكورس بيقدم لك طرق لتحسين لياقة المخ من خلال التغذية ، والتمارين ، والتأمل ، والنوم. بالاستعانة باخر الدراسات اللي اتعملت على المخ الفترة اللي فاتت
https://www.coursera.org/learn/biohacking-your-brains-health
ولو عايز فيديو سريع عن Biohacking فالفيديو ده على TED هيفيدك
https://www.youtube.com/watch?v=AWEpeW7Ojzs