من كام يوم ” ناسا ” طلعت علينا بأكتشاف مجموعة من الكواكب الجديدة التي تشبه كوكب الأرض وتبعد عن
كوكبنا حوالى 40 ضوئية .. الموضوع عمل ضجة جامدة والبوستات نزلت ترف على الفيس ^_^
بعيدأ عن ان الموضوع ممكن مايفرقش معانا أوي دلوقتي “بتتكلم في 40 سنة ضوئية ^_^” لكن الضجة اللي أثارها الخبر بتدل على مدى إهتمام البشر بعلوم الفضاء والفلك وان في كتير مننا بيحب علم الفلك ونفسه يستكشفه حتى لومن باب الهواية وأعتقد ان ده اللي بيخلي أفلام الفضاء و ال aliens من أكتر الافلام اللي بتحقق مبيعات ، علشان كده تعالوا نبعد شوية عن الأفلام و نلف على شوية كورسات تقدر تستفاد منها مجاناً في مجال الفلك ^_^
كورس “Astronomy – State of the Art”
الكورس بتقدمه جامعة أريوزنا على منصة udemy .. الكورس مكون من 77محاضرة مدتهم 24 ساعة ، الكورس أخده
حوالي 70الف طالب ،وبيغطي مواضيع كتير من شرح لمجرتنا الشمسية واستكشاف لنجوم ومجرات تانية والأهم انه “مجانا”
/https://www.udemy.com/astronomy-state-of-the-art
كورس ” Moons “
لو عايز تستكشف الأقمار في مجرتنا الشمسية ، وعايزتعرف هم ليه مهمين وليه لازم نبعت بشر تاني للقمر ؟ يبقى خليك هنا
الكورس بتقدمه ” “The open universityعلى منصة futurelearn الكورس بدأ 20فبراير وهيستمر لمدة 8أسابيع
بمعدل 3 ساعات بالأسبوع ، ولو سجلت فيه قبل 31مارس هتاخد الشهادة مجانا ^_^
https://www.futurelearn.com/courses/moons
كورس “Confronting The Big Questions: Highlights of Modern Astronomy”
لو مش عايز تدخل في فروع علم الفلك لكن في شوية أسئلة في دماغك عايز اجابة عنها زي “يا ترى احنا لوحدنا في الكون “، ازاي النجوم بتتولد وازاي بتموت ،ايه الموجود خارج مجرتنا ، ايه هو تاريخ الكون وايه اللي حصل قبل الانفجار العظيم ، يبقى لازم تدخل تاخد الكورس ده ، الكورس هيبتدي يوم 27 مارس على منصة كورسيرا وهيستمر لمدة 4 اسابيع :
https://www.coursera.org/learn/astronomy
و فى حالة انك .. تعبت من الكورسات الانجليزي وعايز حاجة عربي ^_^
كورس “هواة الفلك “
الكورس بتقدمه أكاديمية التحرير بيقدم معلومات أساسية عن السماء والنجوم وازاي بتتسمى النجوم وبتتقاس المسافات بينها
https://www.youtube.com/watch?v=gkds-kh0zps&index=1&list=PLBei6dkcMlV-_j2Ohw-tzqICfT9LECC4n
كورس “رحلة في علم الفلك”
بتقدمه برضه أكاديمية التحرير ، وبيتناول مواضيع كتير في علم الفلك عن كواكب المجموعة الشمسية ونشاة النجوم ومراحل الانفجار العظيم :
https://www.youtube.com/watch?v=MORLiy4Fyig&list=PLBei6dkcMlV_raUEl0uxuWOOUrYyJ1A
كورس “الكون والفضاء”
الكورس مقدم من أكاديمية خان وبيتكلم عن أهم النظريات والوسائل والطرق الحديثة للقياس واستخدامها في علم الفلك ، هتلاقي أول شوية فيديوهات مترجمين للعربي بس المشكلة اللي باقي مش مترجم
https://www.youtube.com/watch?v=GZx3U0dbASg&list=PL2186CFB2CE12A8B5&index=1