“من كتر الحاجات اللي عايز أعملها مش لاقي وقت أعمل حاجة”
“عندي خطط كتير بس اليوم مبيكفيش” 🙁
بنسمع الجمل دي بتتقال كتير من أصحابنا وساعات احنا نفسنا بنقولها..
وده بسبب إن معندناش خلفية عن تنظيم الوقت وإزاي نرتب المهام اللي علينا ونحقق أقصى استفادة ممكنة من اليوم
محدش بيهمه أنت تعبت أد إيه علشان تعمل المهمة المطلوبة منك .. الناس بتهتم بالنتيجة .. بمعنى إنك ممكن تشتغل 6 ساعات متواصلة علشان تنجز حاجة معينة وغيرك يشتغل ساعتين بس ويطلعها بنفس الكفاءة وبأقل جهد!
علشان كدا هنتكلم النهاردة عن كورس بيتكلم عن مهارة تنظيم الوقت باحترافية .. لإنها من أهم المهارات اللي المفروض تكون عندك وهتفيدك سواء كنت طالب أو خريج أو بتشتغل ^_^
اسم الكورس: Work Smarter, Not Harder: Time Management for Personal & Professional Productivity
“اعمل بذكاء أكثر وجهد أقل، إدارة الوقت لإنتاجية أفضل”
الكورس موجود على موقع Coursera الغني عن التعريف وهو واحد من أفضل المواقع اللي بتقدم كورسات online فـ مجالات كتير وبشهادات من جامعات عالمية ومجانية وبتدي ثقل للـ CV
نظام الكورس:
– مجاني وفي نهايته هتحصل على شهادة مجانية مقدمة من جامعة California بس لازم تعمل دعم مالي علشان تقدر تحصل عليها
– عبارة عن 4 أسابيع .. كل أسبوع بيتكلم عن موضوع معين.. وبيتكون من مجموعة فيديوهات مش بتزيد مدة كل منها عن 10 دقايق عشان الناس اللي بتزهق بسرعة .. وليهم English subtitles .. واللغة بسيطة فهتستفيد من محتوى الكورس وكمان هتقوي اللغة الإنجليزية عندك
– بعد م تخلص الفيديوهات بتحل امتحانات + تكليفات مطلوب تنجح فيها علشان تضمن إنك فهمت الكورس
ومبروك عليك الشهادة.. 😀
مدة الكورس:
4 أسابيع ..وتقدر تخلصه في وقت أقل أنت وشطارتك .. ومتاح التسجيل فيه في أي وقت
محتوى كورس Work Smarter, Not Harder: Time Management for Personal & Professional Productivity:
– هتتعلم إزاي ترتب أولوياتك .. وتنظم يومك .. وتحل مشكلة التسويف (التأجيل) اللي بيعاني منها الكثير .. وهتتعلم إزاي تعمل جدول بنفسك تلتزم بيه بشكل عملي مش مجرد كلام نظري .. وأهم حاجة هتعرف إزاي تحقق أعلى إنتاجية وتشتغل بذكاء أكتر بأقل مجهود
طريقة التسجيل في الكورس:
1- هتسجل على موقع Coursera من خلال اللينك ده
https://www.coursera.org/
وبعدها بتكون أدام اختيارين..
أ- لو عايز تحصل على محتوى الكورس من غير شهادة فده متاحلك مجاني من خلال إنك هتدوس على اللينك ده
https://www.coursera.org/learn/work-smarter-not-harder
وتدوس على Enroll وتختار no certificate
ب- إنما لو عايز الشهادة هتعمل حاجة اسمها “دعم مالي Financial aid” من خلال Apply for Financial Aid وتجاوب على مجموعة أسئلة بسيطة عن بياناتك والأسباب اللي دفعتك للاشتراك في الكورس
الكورس تقييمه عالي واستفاد منه قبلك الآف المتعلمين وعرفوا ينظموا وقتهم بشكل مضبوط ويحققوا أهدافهم بسهولة .. مستني إيه .. الفرصة مش هتتكرر .. استغل الأجازة صح وغير حياتك للأفضل 🙂